এলন মাস্কৰ অভিলেখ ; সম্পত্তিৰ পৰিমাণে স্পৰ্শ কৰিলে ৫০০ বিলিয়ন ডলাৰ
৫০০ বিলিয়ন ডলাৰ স্পৰ্শ এলন মাস্কৰ
টেছলাৰ মুখ্য কাৰ্যবাহী বিষয়া এলন মাস্ক বুধবাৰে বিশ্বৰ প্ৰথমজন ব্যক্তি হিচাপে পৰিগণিত হৈছে, যাৰ মুঠ সম্পত্তি ৫০০ বিলিয়ন ডলাৰ স্পৰ্শ কৰিছে । এই কৃতিত্বৰ কাৰণ আছিল টেছলাৰ শ্বেয়াৰত উত্থান আৰু তেওঁৰ আন টেক কোম্পানীসমূহৰ দ্ৰুতগতিত বৃদ্ধি পোৱা মূল্যায়ন । ফৰ্বছৰ কোটিপতি তালিকাৰ মতে, বুধবাৰে সন্ধিয়া (পশ্চিমীয়া সময়) ৪.১৫ বজালৈ এলন মাস্কৰ সম্পত্তিৰ পৰিমাণ আছিল ৫০০.১ বিলিয়ন ডলাৰ ।
এলন মাস্কৰ সম্পত্তিৰ এটা বৃহৎ অংশ টেছলাৰ সৈতে সংযুক্ত হৈ আছে । ১৫ ছেপ্টেম্বৰলৈকে এলন মাস্কৰ টেছলাত ১২.৪ শতাংশতকৈ অধিক অংশীদাৰিত্ব আছিল । টেছলাৰ শ্বেয়াৰ এই বছৰ এতিয়ালৈকে ১৪ শতাংশতকৈ অধিক বৃদ্ধি পাইছে আৰু বুধবাৰে ৩.৩ শতাংশ বৃদ্ধি পাই সম্পত্তি দিনটোত ছয় বিলিয়ন ডলাৰতকৈ অধিক বৃদ্ধি পাইছে । বছৰৰ আৰম্ভণিতে টেছলাৰ শ্বেয়াৰ হ্ৰাস পোৱা দেখা গৈছিল । কিন্তু এতিয়া তেওঁলোক পুনৰ শক্তিশালী হৈছে । বিনিয়োগকাৰীৰ আত্মবিশ্বাস বৃদ্ধি পোৱাত এলন মাক্সে পুনৰ নিজৰ ব্যৱসায়ৰ প্ৰতি গুৰুত্ব দিবলৈ আৰম্ভ কৰিছে ।
লেৰী এলিছন দ্বিতীয় ধনাঢ্য ব্যক্তি-
ব্লুমবাৰ্গ নিউজে জুলাই মাহত প্ৰকাশ কৰা অনুসৰি স্পেচএক্সে বিনিয়োগ সংগ্ৰহ আৰু কিছুমান আভ্যন্তৰীণ শ্বেয়াৰ বিক্ৰী কৰাৰ পৰিকল্পনাৰ কাম কৰি আছে, যিয়ে কোম্পানীটোক ৪০০ বিলিয়ন ডলাৰ পৰ্যন্ত মূল্যায়ন কৰিব পাৰে । ফৰ্বছৰ তালিকাৰ পিছতে দ্বিতীয় ধনী ব্যক্তি লেৰী এলিছন, যি অৰেকল কোম্পানীৰ প্ৰতিষ্ঠাপক । বুধবাৰলৈকে তেওঁৰ মুঠ সম্পত্তি আছিল প্ৰায় ৩৫০.৭ বিলিয়ন ডলাৰ ।
লগতে পঢ়ক : “সন্তানৰ স্বাস্থ্যৰ বাবে নেটফ্লিক্স বাতিল কৰক”; ইলন মাস্কে বাতিল কৰিলে নেটফ্লিক্সৰ চাবস্ক্ৰিপচন