ঠিক এসপ্তাহ পূৰ্বে, বৃহস্পতিবাৰে নিশা, ছেইফ আলী খানক  নিজৰ ঘৰতে চুৰিৰে আক্ৰমণ কৰা হৈছিল। ইয়াত, তেওঁ গুৰুতৰভাৱে আঘাতপ্ৰাপ্ত হৈছিল।

চুৰি কৰাৰ উদ্দেশ্যৰে ঘৰত প্ৰৱেশ কৰা লোকজনে অভিনেতাজনক ৬বাৰ চুৰিৰে আক্ৰমণ কৰিছিল। তাৰ পিছতে তেজৰে ৰাঙলি হৈ পৰা অভিনেতাজনে এখন অটোৰিক্সাৰ যোগে চিকিৎসালয়ত উপস্থিত হৈছিল।

এতিয়া অটো চালকগৰাকীক লগ কৰি অভিনেতা গৰাকীয়ে তেওঁৰ জীৱন ৰক্ষা কৰাৰ বাবে ধন্যবাদ জ্ঞাপন কৰিছে। দুয়োৰে ফটো ইতিমধ্যে সামাজিক মাধ্যমত ভাইৰেল হৈছে।  

এই ফটো কেইখন লীলাৱতী চিকিৎসালয়ৰ। ফটো কেইজন অভিনেতাজন হাস্পতালৰ পৰা ঘৰলৈ উভতাৰ  আগদিনা তোলা হৈছিল।

ছেইফ আলী খানক এই ছবিবোৰত অটো চালক ভজন সিঙৰ সৈতে হাঁহি থকা দেখা গৈছে।দুয়োখন ছবিতে অভিনেতা গৰাকীক সুখী দেখা গৈছিল। বৰ্তমান তেওঁ সুস্থ হৈ উঠিছে।৫ দিন চিকিৎসালয়ত কটোৱাৰ পিছত, তেওঁ মঙলবাৰে ঘৰলৈ যায়।  

ছেইফ আলী খানৰ সৈতে ঘটনাটো পুৱতি নিশা প্ৰায় ২-২.৩০ বজাত সংঘটিত হৈছিল। এই সময়ছোৱাত, তেওঁৰ ড্ৰাইভাৰ উপস্থিত নাছিল বা ঘৰত উপস্থিত কোনোৱে গাড়ী চলাব নাজানিছিল।

এনে পৰিস্থিতিত অভিনেতাজন এখন অটোৰ সহায়ত লীলাৱতী চিকিৎসালয়ত উপস্থিত হয়। অটো চালকজনক আৰক্ষীয়ে সোধা-পোছা কৰিছিল।

ছেইফ আলী খানক চিকিৎসালয়লৈ লৈ যোৱা চালকসকলে আনকি অভিনেতাজনক চিনাক্ত কৰিব পৰা নাছিল। তেওঁ কৈছিল যে অভিনেতাজনে নিৰন্তৰ সুধি আছিল যে তেওঁ কিমান সময়ৰ পিছত চিকিৎসালয়ত উপস্থিত হ’ব।

চিকিৎসালয়ত উপস্থিত হোৱাৰ পিছতহে চালকজনে জানিব পাৰিছিল যে এয়া অভিনেতা ছেইফ আলী খান। যি গুৰুত্বৰভাৱে আঘাতপ্ৰাপ্ত অৱস্থাত আছিল। অটো চালকজনে আনকি অভিনেতাজনক চিকিৎসালয়লৈ লৈ যোৱাৰ বাবদ টকাও লোৱা নাছিল।

বৃহস্পতিবাৰে ৰাতিপুৱা, বলীউড অভিনেতা ছেইফ আলী খানক মুম্বাইৰ বান্দ্ৰাত থকা তেওঁৰ বাসগৃহত চুৰিৰ  সময়ত আক্ৰমণ কৰা হৈছিল।

খবৰটো সমগ্ৰ দেশতে বিয়পি পৰাৰ পিছত ছৈফৰ অনুৰাগীসকলৰ লগতে অভিনেতা আৰু ৰাজনীতিবিদসকলে ইয়াৰ ওপৰত প্ৰতিক্ৰিয়া প্ৰকাশ কৰিছিল।

অভিনেতা গৰাকীৰ অনুৰাগী সকলে সামাজিক মাধ্যমত তেওঁৰ দ্ৰুত আৰোগ্যৰ বাবে প্ৰাৰ্থনা কৰিছে।ঘটনাটোৰ কেইঘণ্টামানপিছত, ছৈফৰ পত্নী তথা অভিনেত্ৰী কৰীণা কাপুৰ খানে তেওঁৰ ইনষ্টাগ্ৰামত এটা পোষ্ট শ্বেয়াৰ কৰিছে। 

তেওঁ উদ্বেগ আৰু মৰম দেখুওৱা সকলো শুভাকাংক্ষী আৰু অনুৰাগীক ধন্যবাদ জ্ঞাপন কৰে। কিন্তু কৰীণাই সকলোকে পৰিয়ালৰ গোপনীয়তাক সন্মান কৰিবলৈ অনুৰোধ কৰিছিল।

তেওঁ কৈছিল যে ছৈফক বৰ্তমান লীলাৱতী চিকিৎসালয়ত ভৰ্তি কৰোৱা হৈছে, য’ত তেওঁ ২৪ ঘণ্টা চিকিৎসকৰ তত্বাৱধানত আছে। চিকিৎসকসকলে কৈছে যে ছৈফ এতিয়া সম্পূৰ্ণ সুৰক্ষিত।

চিকিৎসকসকলে কৈছে যে ছৈফ এতিয়া সম্পূৰ্ণৰূপে বিপদমুক্ত আৰু তেওঁৰ অস্ত্ৰোপচাৰৰ পিছত কঠোৰ তত্বাৱধানত ৰখা হৈছে।

লীলাৱতী হাস্পতালৰ চিকিৎসকে কৈছিল যে “ছৈফ আলী খান গুৰুতৰভাৱে আঘাতপ্ৰাপ্ত হৈছিল, কিন্তু আমাৰ দলে তেওঁক ভাল চিকিৎসা প্ৰদান কৰিছে।

তেওঁ বৰ্তমান আইচিইউত আছে আৰু তেওঁৰ অৱস্থা উন্নত হৈ আছে। আমি আশা কৰোঁ যে তেওঁক এদিন বা দুদিনৰ ভিতৰত সাধাৰণ ৱাৰ্ডলৈ স্থানান্তৰ কৰা হ’ব” ।

ইয়াৰ লগতে তেওঁ আৰু কয় যে “যদি ২.৫ ইঞ্চিৰ চুৰিখন তেওঁৰ মেৰুদণ্ডত এক মিলিমিটাৰ গভীৰ হ’লহেঁতেন, ই জীৱনৰ বাবে বিপদজনক হ’ল হয়” । চিকিৎসকসকলে অভিনেতাজনৰ অস্ত্ৰোপচাৰ কৰি তেওঁৰ মেৰুদণ্ডত লাগি থকা চুৰিৰ অংশটো ওলিয়াই আনিছে।

অভিনেতা ছেইফ আলী খানক বৃহস্পতিবাৰে পুৱতি নিশা কোনো দুৰ্বৃত্তই চুৰিৰে আক্ৰমণ কৰিছিল। ইয়াৰ পিছত, অভিনেতাজনক সংকটজনক অৱস্থাত লীলাৱতী চিকিৎসালয়ত ভৰ্তি কৰোৱা হয়।

য’ত চিকিৎসকসকলে তেওঁৰ অস্ত্ৰোপচাৰ কৰিছিল। বৰ্তমান, তেওঁৰ অস্ত্ৰোপচাৰ সম্পূৰ্ণ হৈছে আৰু বিপদ মুক্ত হৈছে। জানিব পৰা মতে এজন অজ্ঞাত ব্যক্তিয়ে অভিনেতা গৰাকীৰ ঘৰত প্ৰৱেশ কৰি চুৰিৰে আক্ৰমণ কৰিছিল।

চুৰি কৰাৰ উদ্দেশ্যৰে ঘৰত প্ৰৱেশ কৰা অচিনাক্ত ব্যক্তিজনে প্ৰথমে তেওঁৰ পুত্ৰৰ কোঠাত প্ৰৱেশ কৰিছিল আৰু বনকৰা মহিলা গৰাকীৰ সৈতে হতাহতিত লিপ্ত হৈছিল।

আৰু বনকৰা মহিলাগৰাকীক বচাবলৈ অহা ছেইফ আলী খানক দুৰ্ঘটনাটোৰ আক্ৰমণ কৰে দুৰ্বৃত্তই।তেওঁ বহু ঠাইত গুৰুতৰ ভাৱে আঘাতপ্ৰাপ্ত হৈছিল।

ঘটনাক লৈ মুম্বাই আৰক্ষীয়ে চিচিটিভি কেমেৰাত ২ জন সন্দেহজনক লোকক দেখিছে। মুম্বাই আৰক্ষীৰ বিষয়াজনে দাবী কৰিছে যে তাৰে এজনে আক্ৰমণ কৰিছিল অভিনেতা গৰাকীক।

কিন্তু আৰক্ষীয়ে এতিয়াও কোনো সিদ্ধান্তত উপনীত হোৱা নাই।বৰ্তমান দুয়োৰে সন্ধান চলি আছে। ইয়াৰে এজন লোক চিনাক্ত কৰা হৈছে।

আৰক্ষীৰ জনোৱা মতে সন্দেহজনক ব্যক্তিজনে ওচৰৰ অট্টালিকাৰ পৰা ছেইফ আলী খানৰ বাসগৃহত জঁপিয়াই আহিছিল। সি চিৰিৰে ঘৰটোত প্ৰৱেশ কৰিলে।

আক্ৰমণৰ সময়ত কৰীণা কাপুৰো ঘৰতে আছিল। আৰক্ষীয়ে গোচৰটো ৪-৫ ঘণ্টাৰ ভিতৰত সমাধান কৰাৰ দাবী কৰিছে।

আৰক্ষীয়ে সন্দেহ কৰিছে যে অভিযুক্তজনে চুৰি কৰাৰ উদ্দেশ্যৰে অভিনেতাগৰাকীৰ ঘৰলৈ আহিছিল। ঘটনাৰ সন্দৰ্ভত মুম্বাই আৰক্ষীয়ে তদন্তৰ বাবে স্থানীয় আৰু অপৰাধ শাখাৰ মুঠ ১০ টা দল গঠন কৰিছে। আৰক্ষীয়ে দাবী কৰিছে যে এই গোচৰটো ৪ ৰ পৰা ৫ ঘণ্টাৰ ভিতৰত সমাধান কৰা হ’ব।