কাৰ্বি আংলং জিলাৰ চকীহোলাৰ সমীপত এখন ছুখয়-৩০ যুদ্ধ বিমান দুৰ্ঘটনাত পতিত হয়।

কাৰ্বি আংলঙৰ ৰংখেলানত এখন যুঁজাৰু বিমান দুৰ্ঘটনাত পতিত হয়।বৃহস্পতিবাৰে সন্ধিয়া প্ৰায় ৭.৪২ বজাত স্থানীয় ৰাইজে এটা প্ৰচণ্ড শব্দ শুনিবলৈ পায়। অঞ্চলটোত এখন যুঁজাৰু বিমান দুৰ্ঘটনাত পতিত হোৱাৰ সন্দেহ কৰা হৈছে।

ইতিমধ্যে ঘটনাস্থলীলৈ অসম আৰক্ষীৰ দল ৰাওনা হৈছে। যোৰহাটৰ পৰা উৰণৰ কিছু সময়ৰ পিছতেই কাৰ্বি আংলঙত দুৰ্ঘটনাগ্ৰস্ত হয় ছুখয়-৩০ যুদ্ধ বিমানখন।

যোৰহাটৰ পৰা উৰণৰ কিছুসময়ৰ পিছতেই বিমানখনৰ ৰাডাৰৰ সৈতে সংযোগ বিচ্ছিন্ন হৈছিল।জিলাখনৰ চোকীহোলাৰ অন্তৰ্গত নিলিপ ব্লকৰ সমীপৰ এটা দুৰ্গম পাহাৰীয়া অঞ্চলত সন্দেহজনক দুৰ্ঘটনাটো সংঘটিত হৈছে।

প্ৰত্যক্ষদৰ্শীয়ে জনোৱা মতে, শব্দটো বহু বেচি আৰু পাহাৰীয়া ভূখণ্ডৰ মাজেৰে প্ৰতিধ্বনিত হৈছিল। অৱশ্যে এই ঘটনা সন্দৰ্ভত সামাজিক মাধ্যমত ভাৰতীয় বায়ু সেনাই আনুষ্ঠানিকভাৱে এই কথা ঘোষণা কৰিছে। বৰ্তমান উদ্ধাৰ অভিযান আৰম্ভ কৰা হৈছে।

লগতে পঢ়ক: ইৰাণৰ প্ৰতিশোধ; পাৰ্চী উপসাগৰত আমেৰিকাৰ টেংকাৰত ভয়ংকৰ আক্ৰমণ