মহিলা প্ৰিমিয়াৰ লীগৰ তৃতীয় ছিজন ১৪ ফেব্ৰুৱাৰীৰ পৰা আৰম্ভ হ’ব। বিচিচিআইয়ে ইতিমধ্যে ইয়াৰ আনুষ্ঠানিক ঘোষণা কৰিছে।

আগন্তুক ছিজনৰ আনুষ্ঠানিক সময়সূচী জানিব পৰাৰ পিছত, এইটো স্পষ্ট হৈ পৰিল যে এইবাৰ দেশৰ চাৰিখন চহৰত মহিলা প্ৰিমিয়াৰ লীগৰ খেল অনুষ্ঠিত হ’ব, যাৰ চূড়ান্ত খেলখন ১৫ মাৰ্চত মুম্বাইৰ চিচিআই ষ্টেডিয়ামত অনুষ্ঠিত হ’ব।

এই ছিজনৰ প্ৰথমখন খেলত ডিফেণ্ডিং চেম্পিয়ন ৰয়েল চেলেঞ্জাৰ্ছ বাংগালোৰ মহিলা দলে গুজৰাট জায়াণ্টছৰ দলৰ মুখামুখি হ’ব।

ৰয়েল চেলেঞ্জাৰ্ছ বাংগালোৰ মহিলা দলে খেলপথাৰত মহিলা প্ৰিমিয়াৰ লীগ ২০২৫ৰ প্ৰথমখন খেল খেলিব। একে সময়তে, আগন্তুক ছিজনৰ মেচবোৰ দেশৰ চাৰিখন চহৰত অনুষ্ঠিত হ’ব।

১৪ ফেব্ৰুৱাৰীৰ পৰা ১৯ ফেব্ৰুৱাৰীলৈ বদোদৰাত মুঠ ৬ খন খেল অনুষ্ঠিত হ’ব।ইয়াৰ পিছত, আকৌ  ২১ ফেব্ৰুৱাৰীৰ পৰা ১ মাৰ্চলৈ বাংগালুৰুৰ এম চিন্নাস্বামী ষ্টেডিয়ামত মুঠ ৮ খন খেল অনুষ্ঠিত হ’ব।

তাৰ পিছত ৩ মাৰ্চৰ পৰা ডব্লিউপিএল কাৰাভান লক্ষ্ণৌৰ একানা ক্ৰিকেট ষ্টেডিয়ামত উপস্থিত হ’ব, য’ত ৮ মাৰ্চলৈকে মুঠ ৮ খন খেল অনুষ্ঠিত হ’ব।

মহিলা প্ৰিমিয়াৰ লীগ ২০২৫-ৰ দুখন গুৰুত্বপূৰ্ণ মেচ মুম্বাইৰ ক্ৰিকেট ক্লাব অৱ ইণ্ডিয়াত (চিচিআই) অনুষ্ঠিত হ’ব, য’ত এলিমিনেটৰ মেচখন ১৩ মাৰ্চত অনুষ্ঠিত হ’ব।আনহাতে খিতাপ মেচখন ১৫ মাৰ্চত অনুষ্ঠিত হ’ব।

প্ৰথমবাৰৰ বাবে, মহিলা প্ৰিমিয়াৰ লীগৰ মেচবোৰ লক্ষ্ণৌত অনুষ্ঠিত হ’ব। য’ত ইউপি ৱাৰিয়ৰ্ছ দলে প্ৰথমবাৰৰ বাবে তেওঁলোকৰ ঘৰুৱা খেলপথাৰত খেলিব। তেওঁলোকে তাত তিনিখন মেচ খেলিবলৈ সুযোগ পাব।

আই পি এল ২০২৫ সন্দৰ্ভত এটা ডাঙৰ আপডেট প্ৰকাশ পাইছে । শেহতীয়া বাতৰি অনুসৰি এই মেগা টুৰ্ণামেণ্টৰ সূচী সলনি কৰা হৈছে । ইয়াৰ পূৰ্বে ইণ্ডিয়ান প্ৰিমিয়াৰ লীগৰ এই ছিজন চলিত বৰ্ষৰ ১৪ মাৰ্চৰ পৰা আৰম্ভ হোৱাৰ কথা আছিল । কিন্তু এতিয়া ২১ মাৰ্চৰ পৰা আৰম্ভ হ’ব এই টুৰ্ণামেন্ট । ইয়াৰ লগতে চূড়ান্ত খেলৰ তাৰিখ আৰু স্থান সন্দৰ্ভতো পৰিৱৰ্তন কৰা হৈছে বুলি খবৰ প্ৰকাশ পাইছে । ভাৰতীয় ক্ৰিকেট নিয়ন্ত্ৰণ ব’ৰ্ডৰ উপাধ্যক্ষ ৰাজীৱ শুক্লাই এই সন্দৰ্ভত তথ্য প্ৰদান কৰিছে ।

স্প’ৰ্টছ ষ্টাৰৰ এক খবৰ অনুসৰি অহা ২১ মাৰ্চত অনুষ্ঠিত হ’ব আই পি এল ২০২৫ৰ প্ৰথমখন খেল । ২৫ মে’ত অনুষ্ঠিত হ’ব চূড়ান্ত খেলখন । এই প্ৰতিযোগিতাখন পূৰ্বে ১৪ মাৰ্চৰ পৰা আৰম্ভ হোৱাৰ কথা আছিল । কিন্তু এতিয়া সূচী সলনি কৰা হৈছে । হায়দৰাবাদৰ ৰাজীৱ গান্ধী ষ্টেডিয়ামে এক ডাঙৰ সুযোগ পাবলৈ গৈ আছে । ইয়াতেই অনুষ্ঠিত হ’ব প্ৰথম দুখন কোৱাৰ্টাৰ ফাইনেল মেচ । খবৰ অনুসৰি এই ষ্টেডিয়ামে নিজেই আই পি এল সন্দৰ্ভত এটা আপডেট দিছিল ।

কলকাতাৰ ইডেন গাৰ্ডেনত অনুষ্ঠিত হ’ব ফাইনেল-

২০২৪ চনৰ আই পি এলত চেম্পিয়ন আছিল কলকাতা নাইট ৰাইডাৰ্ছ । গতিকে এইবাৰ ইডেন গাৰ্ডেনত অনুষ্ঠিত হ’ব চূড়ান্ত খেল । ইয়াৰ সমান্তৰালকৈ ইয়াত প্লে অফৰ মেচসমূহো অনুষ্ঠিত হ’ব । এই সন্দৰ্ভত শীঘ্ৰে ভাৰতৰ ক্ৰিকেট নিয়ন্ত্ৰণ ব’ৰ্ডৰ বৈঠক অনুষ্ঠিত হ’ব ।

WPL ২০২৫ সন্দৰ্ভতো প্ৰকাশ পাইছে আপডেট-

খবৰ অনুসৰি মহিলা প্ৰিমিয়াৰ লীগ ২০২৫ সন্দৰ্ভত এক গুৰুত্বপূৰ্ণ সিদ্ধান্ত লোৱা হ’ব । এইবাৰ প্ৰতিযোগিতাখনৰ বাবে চাৰিটা স্থান নিৰ্বাচন কৰা হ’ব । চাৰিখন চহৰত অনুষ্ঠিত হ’ব WPLৰ মেচ । ইয়াৰ ভিতৰত আছে মুম্বাই, লক্ষ্ণৌ, বাংগালুৰু আৰু বদোদৰা । অৱশ্যে এতিয়ালৈকে প্ৰতিযোগিতাখনৰ তাৰিখ সন্দৰ্ভত কোনো আপডেট পোৱা হোৱা নাই ।

আই পি এলৰ শেষৰ ছিজনৰ ফলাফল কি আছিল –

আই পি এল ২০২৪ৰ অন্তিমখন খেলত কলকাতা নাইট ৰাইডাৰ্ছ আৰু ছানৰাইজাৰ্ছ হায়দৰাবাদৰ মাজত অনুষ্ঠিত হৈছিল । কে কে আৰে উজ্জ্বল প্ৰদৰ্শন আগবঢ়াই এই মেচখনত ৮ উইকেটত জয়লাভ কৰে । পইণ্ট টেবুলৰ কথা ক’বলৈ গ’লে কে কে আৰ শীৰ্ষত আছিল । দলটোৱে মুঠ ১৪খন খেল খেলিছিল । এই সময়ছোৱাত ৯ খন মেচত জয়ী আৰু ৩ খন পৰাস্ত হৈছিল দলটো । আনহাতে হায়দৰাবাদে ১৪খন খেলৰ ভিতৰত ৮খন মেচত জয়লাভ কৰিছিল ।

ভাৰতৰ ৫ জন মহান বেটছমেন আছে যিয়ে তেওঁলোকৰ এদিনীয়া কেৰিয়াৰৰ প্ৰথমখন খেলত শূন্য ৰাণত আউট হৈছিল । এদিনীয়া ক্ৰিকেটত এই ৫ জন বেটছমেনৰ আৰম্ভণি অতি দুখজনক হ’ব পাৰে, কিন্তু পিছলৈ তেওঁলোকে সফলতাৰ শিখৰ স্পৰ্শ কৰিছিল । এই ৫ জন মহান বেটছমেন এদিনীয়া অভিষেকত শূন্য ৰাণত আউট হ’ব পাৰে, কিন্তু পিছলৈ তেওঁলোক বলাৰসকলৰ বাবে দুঃস্বপ্ন হৈ পৰিছিল । এই ৫ জন বেটছমেনৰ ওপৰত এবাৰ চকু ফুৰাওঁ আহক-

শচীন টেণ্ডুলকাৰ-

শচীন টেণ্ডুলকাৰে ১৯৮৯ চনৰ ১৮ ডিচেম্বৰত গুজৰাণৱালাত পাকিস্তানৰ বিৰুদ্ধে এদিনীয়াত অভিষেক ঘটায় । এদিনীয়া কেৰিয়াৰৰ প্ৰথমখন মেচতে শূন্যত আউট হৈছিল শচীন টেণ্ডুলকাৰ । এই মেচখনত শচীন টেণ্ডুলকাৰে ৫ নম্বৰত বেটিং কৰিবলৈ আহিছিল আৰু তেওঁ নিজৰ একাউণ্ট নোখোলাকৈয়ে পেভিলিয়নলৈ উভতি আহিছিল । পাকিস্তানৰ বিৰুদ্ধে এই খেলখনত ভাৰত ৭ ৰানত পৰাস্ত হৈছিল । শচীন টেণ্ডুলকাৰ হয়তো এদিনীয়া অভিষেকত শূন্যত আউট হৈছিল যদিও পিছলৈ তেওঁ বলাৰৰ বাবে দুঃস্বপ্ন হৈ পৰিছিল । ৱান ডে ইণ্টাৰনেশ্যনেল (১৮,৪২৬)ত সৰ্বাধিক ৰান সংগ্ৰহৰ বিশ্ব অভিলেখ আছে শচীন টেণ্ডুলকাৰৰ । আন্তঃৰাষ্ট্ৰীয় ক্ৰিকেটত এশটা শতক অৰ্জন কৰিছে শচীন টেণ্ডুলকাৰে ।

মহেন্দ্ৰ সিং ধোনী-

২০০৪ চনৰ ২৩ ডিচেম্বৰত চট্টগ্ৰামত বাংলাদেশৰ বিৰুদ্ধে এদিনীয়াত অভিষেক ঘটায় মহেন্দ্ৰ সিং ধোনীয়ে । এদিনীয়া কেৰিয়াৰৰ প্ৰথমখন মেচতে শূন্যত আউট হৈছিল মহেন্দ্ৰ সিং ধোনী । এদিনীয়া অভিষেক মেচত ৰান আউট হৈছিল মহেন্দ্ৰ সিং ধোনী । এই মেচখনত মহেন্দ্ৰ সিং ধোনীয়ে ৪ নম্বৰত বেটিং কৰিবলৈ আহিছিল আৰু তেওঁ নিজৰ একাউণ্ট নোখোলাকৈয়ে পেভিলিয়নলৈ উভতি আহিছিল । বাংলাদেশৰ বিৰুদ্ধে এই খেলখনত ভাৰতে ১১ ৰানত জয়লাভ কৰিছিল । মহেন্দ্ৰ সিং ধোনীয়ে ৩৫০খন এদিনীয়া খেলত ১০,৭৭৩ ৰান সংগ্ৰহ কৰিছে ।

সুৰেশ ৰাইনা-

সুৰেশ ৰাইনাই ২০০৫ চনৰ ৩০ জুলাইত ডাবুল্লাত শ্ৰীলংকাৰ বিৰুদ্ধে এদিনীয়াত অভিষেক ঘটায় । এদিনীয়া কেৰিয়াৰৰ প্ৰথমখন মেচতে শূন্যত আউট হৈছিল সুৰেশ ৰাইনা । সুৰেশ ৰাইনাক এল বি ডব্লিউ কৰিছিল শ্ৰীলংকাৰ মহান স্পীনাৰ মুথয়া মুৰালীধৰণে । ভাৰতৰ বিৰুদ্ধে এই খেলখনত শ্ৰীলংকাই ৩ উইকেটত জয়লাভ কৰিছিল । সুৰেশ ৰাইনা হয়তো এদিনীয়া অভিষেকত শূন্যত আউট হৈছিল কিন্তু পিছলৈ তেওঁ বলাৰসকলৰ বাবে দুঃস্বপ্ন হৈ পৰিছিল । সুৰেশ ৰাইনাই ২২৬খন এদিনীয়া খেলত ৫,৬১৫ ৰান সংগ্ৰহ কৰিছে ।

শিখৰ ধাৱান-

শিখৰ ধাৱানে ২০১০ চনৰ ২০ অক্টোবৰত বিশাখাপট্টনমত অষ্ট্ৰেলিয়াৰ বিৰুদ্ধে এদিনীয়াত অভিষেক ঘটায় । এদিনীয়া কেৰিয়াৰৰ প্ৰথমখন মেচতে শূন্যত আউট হৈছিল শিখৰ ধাৱান । শিখৰ ধাৱানক ক্লিন বল্ড কৰিছিল অষ্ট্ৰেলিয়াৰ বেগী বলাৰ ক্লিণ্ট মেককে । অষ্ট্ৰেলিয়াৰ বিৰুদ্ধে এই খেলখনত ভাৰতে ৫ উইকেটত জয়লাভ কৰে । শিখৰ ধাৱানে ১৬৭খন এদিনীয়া খেলত ৬,৭৯৩ ৰান সংগ্ৰহ কৰিছে । এদিনীয়া ক্ৰিকেটত শিখৰ ধাৱানে ১৭টা শতক অৰ্জন কৰিছে ।

কৃষ্ণমচাৰী শ্ৰীকান্ত-

ভাৰতৰ প্ৰাক্তন অধিনায়ক কৃষ্ণমাচাৰী শ্ৰীকান্তে ১৯৮১ চনৰ ২৫ নৱেম্বৰত আহমেদাবাদত ইংলেণ্ডৰ বিৰুদ্ধে এদিনীয়াত অভিষেক ঘটায় । এদিনীয়া কেৰিয়াৰৰ প্ৰথমখন মেচতে শূন্যত আউট হৈছিল কৃষ্ণমাচাৰী শ্ৰীকান্ত । ইংলেণ্ডৰ মহান অলৰাউণ্ডাৰ ইয়ান বাথামে কৃষ্ণমাচাৰী শ্ৰীকান্তক আউট কৰে । ইংলেণ্ডৰ বিৰুদ্ধে এই এদিনীয়া খেলখনত ভাৰতে ৫ উইকেটত পৰাজয়ৰ সন্মুখীন হ’বলগীয়া হৈছিল । কৃষ্ণমাচাৰী শ্ৰীকান্তে ১৪৬খন এদিনীয়া খেলত ৪,০৯১ ৰান সংগ্ৰহ কৰিছে । কৃষ্ণমাচাৰী শ্ৰীকান্তে এদিনীয়া ক্ৰিকেটত ৪টা শতক অৰ্জন কৰিছে ।