ভাৰতীয় ক্ৰিকেট দলৰ অধিনায়ক ৰোহিত শৰ্মাৰ নামেৰে ৱাংখেড়ে ষ্টেডিয়ামত ষ্টেণ্ড স্থাপনৰ প্ৰস্তাৱত অনুমোদন জনাইছে মুম্বাই ক্ৰিকেট সন্থাই । মঙলবাৰে এম চি এৰ বাৰ্ষিক সাধাৰণ সভাত এই সিদ্ধান্ত গ্ৰহণ কৰা হয় । ইয়াৰ উপৰিও ভাৰতীয় ক্ৰিকেট নিয়ন্ত্ৰণ ব’ৰ্ডৰ প্ৰাক্তন সভাপতি শৰদ পাৱাৰ আৰু প্ৰাক্তন বেটছমেন অজিত ৱাডেকাৰৰ নামতো ষ্টেণ্ড নিৰ্মাণ কৰা হ’ব ।

সৰ্বসন্মতিক্ৰমে সিদ্ধান্ত-

এই তিনিজন কিংবদন্তিৰ নামেৰে ষ্টেণ্ড নামকৰণৰ প্ৰস্তাৱ আগবঢ়াইছিল ৰাজনীতিবিদ তথা এম চি এৰ শীৰ্ষ পৰিষদৰ সদস্য মিলিন্দ নাৰ্ভেকাৰে । এই প্রস্তাৱটো প্রথমে মিলিন্দ নার্ৱেকাৰে উত্থাপন কৰিছিল আৰু সমর্থন দিছিল জিতেন্দ্র আৱহাদে ৷ সদনে সৰ্বসন্মতিক্ৰমে ষ্টেণ্ড নামকৰণত অনুমোদন জনায় ।

ৱাংখেড়ে ষ্টেডিয়ামত ষ্টেণ্ডৰ নাম…

গ্ৰেণ্ড ষ্টেণ্ড লেবেল ৩ : শ্ৰী শৰদ পাৱাৰ ষ্টেণ্ড

গ্ৰেণ্ড ষ্টেণ্ড লেবেল ৪ : অজিত ৱাডেকাৰ ষ্টেণ্ড

দিবেচা পেভিলিয়ন লেবেল ৩ : ৰোহিত শৰ্মা ষ্টেণ্ড

ইয়াৰ পূৰ্বে শচীন টেণ্ডুলকাৰ, সুনীল গাভাস্কাৰ, বিজয় মাৰ্চেণ্ট আৰু দিলীপ ভেংছাৰকে ধৰি বহু ক্ৰিকেট কিংবদন্তিৰ নামেৰে ৱাংখেড়ে ষ্টেডিয়ামত ষ্টেণ্ডৰ নামকৰণ কৰা হৈছে ।

ৰোহিতৰ অধিনায়কত্বত আই চি চিৰ দুটা খিতাপ জয়-

ৰোহিতৰ অধিনায়কত্বত ভাৰতে দুটাকৈ আই চি চি খিতাপ দখল কৰিছে । ৰোহিতে ২০২৪ চনৰ টি-২০ বিশ্বকাপ আৰু ২০২৫ চনত চেম্পিয়নছ ট্ৰফী লাভ কৰিছিল যদিও ২০২৩ চনত এদিনীয়া বিশ্বকাপৰ খিতাপ জয়ৰ পৰা বঞ্চিত হৈছিল । পৰৱৰ্তী বিশ্বকাপ ২০২৭ চনত দক্ষিণ আফ্ৰিকা, জিম্বাবুৱে আৰু নামিবিয়াত অনুষ্ঠিত হোৱাৰ কথা । ২০১১ চনত ৰোহিতে বিশ্বকাপৰ দলত স্থান হেৰুৱাইছিল, ২০১৫ চনত আৰু ২০১৯ চনত তেওঁ সহ অধিনায়ক হিচাবে আছিল । ২০২৩ চনত ৰোহিতৰ এদিনীয়া বিশ্বকাপ জয়ৰ সুযোগ আছিল আৰু তেওঁৰ নেতৃত্বত দলটোৱে একেৰাহে ১০খন মেচত জয়লাভ কৰি ফাইনেলত প্ৰৱেশ কৰিছিল যদিও খিতাপৰ মেচখনত অষ্ট্ৰেলিয়াৰ হাতত পৰাস্ত হৈছিল ।

মঙলবাৰে পঞ্জাব কিংছ (পি বি কে এছ) আৰু কলকাতা নাইট ৰাইডাৰ্ছ (কে কে আৰ)ৰ মাজত অনুষ্ঠিত হোৱা ৰোমাঞ্চকৰ মেচখনত শ্ৰেয়াছ আয়াৰৰ দলটোৱে চমকপ্ৰদ প্ৰদৰ্শন কৰে । ৰাছেল, ৰিংকু আৰু ৰাহানেৰে দৰে খেলুৱৈৰে গঠিত কে কে আৰক ১১২ ৰানো সংগ্ৰহ কৰিবলৈ নিদিলে পঞ্জাৱে । লগে লগে দলটোৱে কলকাতাৰ বিৰুদ্ধে ১৬ ৰানত জয়লাভ কৰে । এই মেচখনত যুজবেন্দ্ৰ চাহালে শক্তিশালী বলিঙেৰে ৪টা উইকেট দখল কৰি কে কে আৰৰ হাতৰ পৰা মেচখন কাঢ়ি নিয়ে ।

আই পি এলত বহুবাৰ ৪টাতকৈ অধিক উইকেট দখল কৰাৰ অভিলেখ-

আই পি এলৰ এখন খেলত ৪টা উইকেট দখল কৰাৰ ক্ষেত্ৰত এতিয়া সুনীল নাৰিনৰ সৈতে যৌথভাৱে প্ৰথম স্থানত আছে চাহাল । চাহালে এতিয়ালৈকে ৮ বাৰ এখন মেচত ৪ টা উইকেট দখল কৰিছে ।

৮ – যুজবেন্দ্ৰ চাহাল

৮ – সুনীল নৰিন

৭ – লাচিথ মালিংগা

৬ – কাগিছ’ ৰাবাদা

৫ – অমিত মিশ্ৰ

পঞ্জাবে ৰক্ষা কৰিলে সৰ্বনিম্ন স্ক’ৰ-

পঞ্জাৱ কিংছ আই পি এলৰ ইতিহাসত ইমান কম মুঠ স্কৰ ৰক্ষা তথা ডিফেণ্ড কৰা প্ৰথমটো দল হিচাপে পৰিগণিত হৈছে । প্ৰথমে বেটিং কৰি পঞ্জাবে ১১১ ৰান সংগ্ৰহ কৰে । কিন্তু কে কে আৰক কেৱল ৯৫ ৰানতে অল আউট কৰে পঞ্জাৱে ।

১১১ – পি বি কে এছ বনাম কে কে আৰ, মুলনপুৰ, ২০২৫

১১৬/৯ – চি এছ কে বনাম পি বি কে এছ, ডাৰবান, ২০০৯

১১৮ – এছ আৰ এইচ বনাম এম আই, ২০১৮

১১৯/৮ – পি বি কে এছ বনাম এম আই, ডাৰবান, ২০০৯

১১৯/৮ – এছ আৰ এইচ বনাম পি ডব্লিউ আই, পুনে, ২০১৩

-বৰষুণৰ ফলত প্ৰভাৱিত খেল অন্তৰ্ভুক্ত নহয়

কলকাতাৰ ইনিংছ-

১১২ ৰানৰ লক্ষ্য অনুসৰণ কৰি কে কে আৰে দুৰ্বল আৰম্ভণি কৰে । প্ৰথম অভাৰতে সুনীল নাৰিন পেভিলিয়নমুখী হয় । তেওঁৰ বেটৰ পৰা মাত্ৰ ৫ ৰান আহে । ইয়াৰ পিছত কুইণ্টন ডি ককো পৰৱৰ্তী অভাৰত পেভিলিয়নলৈ উভতি আহে । তেওঁৰ বেটৰ পৰা মাত্ৰ ২ ৰানহে আহে । কিন্তু ইয়াৰ পিছত ৰাহানে কিছু ভাল শ্বট খেলিছিল যদিও তেওঁ ৮ম অভাৰত আউট হয় । ৰাহানেই ১৭ ৰান সংগ্ৰহ কৰে ।

ইয়াৰ পিছত ৰঘুবংশীও দশম অভাৰত আউট হয় । ইয়াৰ পিছত একেবাৰে পৰৱৰ্তী অভাৰত মেক্সৱেলে ভেংকটেশ আয়াৰক আউট কৰে । ইয়াৰ পাছতে চাহালে তৃতীয় অভাৰত ৰিংকু সিং আৰু ৰমনদীপক আউট কৰে । ইয়াৰ পিছত কলকাতাই বিশেষ ৰান সংগ্ৰহত ব্যৰ্থ হয় । ৰাছেলে নিশ্চিতভাৱে কিছুমান আক্ৰমণাত্মক শ্বট খেলিছিল কিন্তু দলক জয়ৰ সোৱাদ দিয়াত ব্যৰ্থ হয় । ১৬ অভাৰৰ প্ৰথমটো বলত কে কে আৰ অল আউট হয় পঞ্জাৱে ১৬ ৰানত জয়লাভ কৰে ।

পঞ্জাৱৰ বেটিং-

টছত জয়ী হৈ প্ৰথমে বেটিং কৰিবলৈ অহা পঞ্জাৱে শক্তিশালী আৰম্ভণি কৰিছিল । প্ৰিয়ংশ আৰ্যই আক্ৰমণাত্মকভাৱে আৰম্ভণি কৰিছিল যদিও চতুৰ্থ অভাৰত হৰ্ষিত ৰাণাৰ চিকাৰ হয় তেওঁ । আৰ্যৰ বেটৰ পৰা ২২ ৰান আহে । ইয়াৰ পিছত পঞ্জাবে উপৰ্যুপৰি বিপৰ্যয়ৰ সন্মুখীন হ’বলগা হয় । চতুৰ্থ অভাৰত শ্ৰেয়াছ আয়াৰ একাউণ্ট নোখোলাকৈয়ে আউট হয় । ইয়াৰ পিছত পৰৱৰ্তী অভাৰত জোছ ইংলিছো পেভিলিয়নমুখী হয় ।

পাৱাৰপ্লেৰ শেষ অভাৰত প্ৰভসিমৰন সিঙৰ উইকেটৰো পতন ঘটে । তেওঁৰ বেটৰ পৰা মাত্ৰ ৩০ ৰানহে আহে । ৯ম অভাৰত নেহাল ৱাধেৰাও ১০ ৰান সংগ্ৰহ কৰি আউট হয় । ইয়াৰ পিছতে পঞ্জাৱৰ বেটিং লাইন আপ তাচ পাতৰ দৰে খহি পৰে । পঞ্জাব ১৬ অভাৰতে ১১১ ৰানত অল আউট হয় ।

ইণ্ডিয়ান প্ৰিমিয়াৰ লীগৰ ৩১ সংখ্যক মেচখন মঙলবাৰে পঞ্জাব কিংছ (পি বি কে এছ) আৰু কলকাতা নাইট ৰাইডাৰ্ছ (কে কে আৰ)ৰ মাজত অনুষ্ঠিত হয় । এই ৰোমাঞ্চকৰ খেলখনত পঞ্জাৱে ১৬ ৰাণত জয়লাভ কৰে । চণ্ডীগড়ৰ মুলনপুৰত অনুষ্ঠিত হোৱা মেচখনত কলকাতাই ১১২ ৰানৰ লক্ষ্যত উপনীত হোৱাত ব্যৰ্থ হয় । আই পি এলৰ ইতিহাসত পঞ্জাৱ দলে সৰ্বনিম্ন মুঠ ৰক্ষা কৰিছে । ইয়াৰ পূৰ্বে ২০০৯ চনত চেন্নাই আৰু পঞ্জাৱৰ মাজত খেলা মেচখনত মুঠ ১১৬ ৰান ডিফেণ্ড হৈছিল ।

এই মেচখনত পঞ্জাব কিংছৰ অধিনায়ক শ্ৰেয়াছ আয়াৰে টছত জয়লাভ কৰি প্ৰথমে বেটিং কৰাৰ সিদ্ধান্ত লয় । কিন্তু পঞ্জাবে ১৬ অভাৰত ১১১ ৰানত অল আউট হয় । হৰ্ষিত ৰাণাই ৩টা উইকেট দখল কৰাৰ বিপৰীতে বৰুণ চক্ৰৱৰ্তী আৰু সুনীল নাৰিনে ২টাকৈ উইকেট লাভ কৰে । পঞ্জাৱে বান্ধি দিয়া লক্ষ্য দেখি নাৰিন, ৰাছেল আৰু ৰিংকু সিঙৰ দৰে বিস্ফোৰক বেটছমেনেৰে সজ্জিত কলকাতাই ইয়াক সহজেই উপনীত হ’ব বুলি আশা কৰা হৈছিল ।

কিন্তু যেতিয়া কে কে আৰ বেটিং কৰিবলৈ খেলপথাৰত নামিছিল, তেতিয়া প্ৰথম অভাৰৰ পৰাই তেওঁলোকৰ পতন আৰম্ভ হৈছিল আৰু ৰাহানেৰ সমগ্ৰ দলটো চাহালৰ স্পীনত আৱদ্ধ হৈ পৰা দেখা গৈছিল । পঞ্জাৱৰ বলাৰসকলে কলকাতাক ১১২ ৰানৰ লক্ষ্যত উপনীত হোৱাত বাধা প্ৰদান কৰে আৰু ১৬ নং অভাৰত সমগ্ৰ দলটো ৯৫ ৰানতে অল আউট হয় । চাহালে ৪টা উইকেট দখল কৰে ।

কলকাতাৰ ইনিংছ-

১১২ ৰানৰ লক্ষ্য অনুসৰণ কৰি কে কে আৰৰ আৰম্ভণি দুৰ্বল আছিল । প্ৰথম অভাৰতে সুনীল নাৰিন পেভিলিয়নমুখী হয় । তেওঁৰ বেটৰ পৰা মাত্ৰ ৫ ৰানহে আহে । ইয়াৰ পিছত কুইণ্টন ডি ককেও পৰৱৰ্তী অভাৰত পেভিলিয়নলৈ উভতি আহে । তেওঁৰ বেটৰ পৰা মাত্ৰ ২ ৰানহে আহে । কিন্তু ইয়াৰ পিছত ৰাহানেই কিছু ভাল শ্বট খেলিছিল যদিও ৮ম অভাৰত আউট হয় অধিনয়াকগৰাকী । ৰাহানেই ১৭ ৰান সংগ্ৰহ কৰে । ইয়াৰ পিছত ৰঘুবংশীও দশম অভাৰত আউট হয় ।

ইয়াৰ পিছত একেবাৰে পৰৱৰ্তী অভাৰত মেক্সৱেলে ভেংকটেশ আয়াৰক আউট কৰে । ইয়াৰ পাছতে চাহালে তৃতীয় অভাৰত ৰিংকু সিং আৰু ৰমনদীপক পেভিলিয়নৰ বাট দেখুৱাই । ইয়াৰ পিছত কলকাতাই বিশেষ প্ৰদৰ্শন কৰাত ব্যৰ্থ হয় । ৰাছেলে নিশ্চিতভাৱে কিছুমান আক্ৰমণাত্মক শ্বট খেলিছিল । কিন্তু দলক জয়ৰ সোৱাদ দিয়াত ব্যৰ্থ হয় । ১৬ অভাৰৰ প্ৰথমটো বলত কে কে আৰ অল আউট হয় । ফলত পঞ্জাৱে ১৬ ৰানত জয়লাভ কৰে ।

পঞ্জাৱৰ বেটিং-

টছত জয়ী হৈ প্ৰথমে বেটিং কৰিবলৈ যোৱা পঞ্জাৱৰ আৰম্ভণি ভাল আছিল । প্ৰিয়ংশ আৰ্যই ভাল শ্বট খেলিছিল । কিন্তু চতুৰ্থ অভাৰত প্ৰিয়ংশ আৰ্যক হৰ্ষিত ৰাণাই আউট কৰে । আৰ্যৰ বেটৰ পৰা ২২ ৰান আহে । ইয়াৰ পিছত পঞ্জাব বিপৰ্যয়ৰ সন্মুখীন হ’বলগীয়া হয় । চতুৰ্থ অভাৰত শ্ৰেয়াছ আয়াৰো কোনো ৰান নকৰাকৈ পেভিলিয়নমুখী হয় ।

ইয়াৰ পিছত পৰৱৰ্তী অভাৰত জোছ ইংলিছো আউট হয় । পাৱাৰপ্লেৰ শেষ অভাৰত প্ৰভসিমৰন সিঙেও উইকেট বিসৰ্জন দিয়ে । তেওঁৰ বেটৰ পৰা মাত্ৰ ৩০ ৰানহে আহে । ৯ম অভাৰত নেহাল ৱাধেৰাও ১০ ৰান সংগ্ৰহ কৰি আউট হয় । ইয়াৰ পিছতে পঞ্জাৱৰ বেটিং তাচ পাতৰ দৰে ভাঙি পৰে । পঞ্জাবে সম্পূৰ্ণ ২০ অভাৰ খেলাত ব্যৰ্থ হয় আৰু ১৬ অভাৰত ১১১ ৰানত অল আউট হয় ।

ভাৰতীয় ক্ৰিকেট দলৰ বাংলাদেশ ভ্ৰমণৰ সূচী ঘোষণা কৰা হৈছে । এই ভ্ৰমণ চলিত বৰ্ষৰ আগষ্ট মাহত অনুষ্ঠিত হ’ব । য’ত মুঠ ৬ খন খেল অনুষ্ঠিত হ’ব । প্ৰথমে এদিনীয়া শৃংখলাৰ অনুষ্ঠিত হ’ব, তাৰ পিছত হ’ টি-২০ মেচ শৃংখলা ।

১৭ আগষ্টৰ পৰা অনুষ্ঠিত হ’ব এদিনীয়া শৃংখলা । ইয়াৰ পিছত ২০ আগষ্ট আৰু ২৩ আগষ্টত শৃংখলাৰ দ্বিতীয় আৰু তৃতীয় এদিনীয়া মেচ অনুষ্ঠিত হ’ব । ইয়াৰ পিছত ২৬ আগষ্ট, ২৯ আগষ্ট আৰু শেষত ৩১ আগষ্টত টি-২০ আন্তঃৰাষ্ট্ৰীয় মেচ অনুষ্ঠিত হ’ব । এই দ্বিপাক্ষিক ছিৰিজে দক্ষিণ এছিয়াৰ দুয়োখন চুবুৰীয়া দেশৰ মাজত ক্ৰিকেট খেলৰ ক্ৰমাৎ বৃদ্ধি পোৱা প্ৰতিদ্বন্দ্বিতাক আৰু অধিক শক্তিশালী কৰিব ।

ভাৰতৰ ইংলেণ্ডৰ টেষ্ট ভ্ৰমণ আৰু ঘৰুৱা ছিজনৰ মাজত অনুষ্ঠিত হ’ব এই ভ্ৰমণ । জুন, জুলাই আৰু আগষ্ট মাহত ইংলেণ্ডৰ বিৰুদ্ধে ৫খনীয়া খেলৰ শৃংখলা খেলিব ভাৰতে । এই শৃংখলাৰ অন্ত পৰিব ৪ আগষ্টত ।

ভাৰতৰ ঘৰুৱা ছিজন অক্টোবৰ মাহৰ পৰা আৰম্ভ হ’ব, য’ত ৱেষ্ট ইণ্ডিজ আৰু দক্ষিণ আফ্ৰিকা দলে ভাৰত ভ্ৰমণ কৰিব । ২ অক্টোবৰত ৱেষ্ট ইণ্ডিজৰ বিৰুদ্ধে দুখন মেচৰ টেষ্ট শৃংখলাৰ জৰিয়তে ভাৰতৰ ঘৰুৱা ছিজন আৰম্ভ হ’ব, তাৰ পাছত নৱেম্বৰ-ডিচেম্বৰত দক্ষিণ আফ্ৰিকাৰ বিৰুদ্ধে দুখন টেষ্ট, তিনিখন এদিনীয়া আৰু ৫খন টি-২০ মেচ অনুষ্ঠিত হ’ব ।

ঘৰুৱা দুখন শৃংখলাৰ মাজত অষ্ট্ৰেলিয়াত তিনিখন এদিনীয়া আৰু ৫ খন টি-২০ মেচ খেলিব ভাৰতে । ক্ৰিকেট অষ্ট্ৰেলিয়াই চলিত মাহৰ আৰম্ভণিতে এই শৃংখলাৰ সূচী ঘোষণা কৰিছিল, ১৯ অক্টোবৰৰ পৰা এদিনীয়া আৰু ২৯ অক্টোবৰৰ পৰা টি-২০ মেচ আৰম্ভ হ’ব ।

ভাৰত আৰু বাংলাদেশ ছিৰিজ ২০২৫-

ভাৰত বনাম বাংলাদেশ এদিনীয়া শৃংখলাৰ সূচী-

১ম এদিনীয়া – ১৭ আগষ্ট, দেওবাৰ – মিৰপুৰ

২য় এদিনীয়া – ২০ আগষ্ট, বুধবাৰ – মিৰপুৰ

৩য় এদিনীয়া – ২৩ আগষ্ট, শনিবাৰ – চিটাগং

ভাৰত বনাম বাংলাদেশ টি-২০ ছিৰিজৰ সূচী-

১ম টি২০ – ২৬ আগষ্ট, মঙলবাৰ – চট্টগ্ৰাম

২য় টি২০ – ২৯ আগষ্ট, শুকুৰবাৰ – মিৰপুৰ

৩য় টি২০ – ৩১ আগষ্ট, দেওবাৰ – মিৰপুৰ

ইণ্ডিয়ান প্ৰিমিয়াৰ লীগত আজি অৰ্থাৎ মঙলবাৰে পঞ্জাব কিংছ (পি বি কে এছ)ৰ মুখামুখি হ’ব কলকাতা নাইট ৰাইডাৰ্ছ (কে কে আৰ) । এই খেলখন চণ্ডীগড়ৰ মুলনপুৰত অনুষ্ঠিত হ’ব । অন্তিমখন খেলত ছানৰাইজাৰ্ছ হায়দৰাবাদ (এছ আৰ এইচ)ৰ হাতত ৮ উইকেটত পৰাস্ত হৈছিল পঞ্জাব কিংছ । মেচখন যথেষ্ট ৰোমাঞ্চকৰ আছিল কাৰণ এছ আৰ এইচৰ বেটছমেনসকলে ২৪৬ ৰানৰ লক্ষ্যত সহজেই উপনীত হৈছিল । অৱশ্যে এই পৰ্যন্ত ৫ খন মেচৰ ভিতৰত ৩ খন খেলত জয়লাভ কৰি পি বি কে এছৰ যোগ্যতাৰ আশা সজীৱ হৈ আছে ।

একে সময়তে চেন্নাইত কে কে আৰে অন্তিমখন খেলত চেন্নাই ছুপাৰ কিংছ (চি এছ কে)ক পৰাস্ত কৰে । কে কে আৰৰ বলাৰ বিশেষকৈ তেওঁলোকৰ স্পীনাৰসকলে উজ্জ্বল প্ৰদৰ্শন আগবঢ়াই ২০ অভাৰত চেন্নাইক ১০৩/৯ ৰানত সীমাবদ্ধ কৰি ৰাখে । কে কে আৰে চেন্নাইক সম্পূৰ্ণৰূপে নিয়ন্ত্ৰণত ৰাখি ৬১টা বলত ১০৪ ৰানৰ লক্ষ্যত উপনীত হয় ।

কোনটো দলৰ কিমান শক্তিশালী-

এই পৰ্যন্ত আই পি এলৰ ইতিহাসত পঞ্জাব কিংছ আৰু কে কে আৰৰ মাজত ৩৩খন মেচ অনুষ্ঠিত হৈছে । ইয়াত কে কে আৰৰ আধিপত্য দেখা গৈছে । কে কে আৰে ২১খন মেচত জয়লাভ কৰাৰ বিপৰীতে পঞ্জাৱ দলে মাত্ৰ ১২খন মেচত জয়লাভ কৰিবলৈ সক্ষম হৈছে । দ্বিতীয়তে বেটিং কৰা দলটোৱে অধিক মেচত জয়লাভ কৰিছে । উল্লেখ্য যে পঞ্জাৱৰ বিৰুদ্ধে আন্দ্ৰে ৰাছেলৰ পৰিসংখ্যা উৎকৃষ্ট । ৰাছেলে এই পৰ্যন্ত পঞ্জাৱৰ বিৰুদ্ধে ৪৩২ ৰান সংগ্ৰহ কৰিছে ।

খেলখনৰ পিটচ ৰিপৰ্ট :

এই মেচৰ বাবে খেলপথাৰৰ পিটচ বেটিঙৰ বাবে অনুকূল বুলি কোৱা হয়, যাৰ বাবে ই উচ্চ স্ক’ৰ কৰা মেচ হ’ব পাৰে । দুয়োটা দলৰ বেটিং লাইন আপ শক্তিশালী, যিয়ে ৰান সংগ্ৰহত সহায় কৰিব । পিটচখন বলাৰসকলৰ বাবে বিশেষ সহায়ক নহ’ব, গতিকে টছত জয়ী হোৱা দলটোৱে প্ৰথমে বেটিং কৰাৰ সিদ্ধান্ত ল’ব লাগে কাৰণ লক্ষ্য খেদিবলৈ সহজ হ’ব ।

পঞ্জাব কিংছ (পি বি কে এছ)ৰ সম্ভাৱ্য মূল একাদশ :

প্ৰিয়ংশ আৰ্য, প্ৰভসিমৰন সিং, শ্ৰেয়াছ আয়েৰ, মাৰ্কাছ ষ্টয়নিছ, নেহাল ৱাধেৰা, গ্লেন মেক্সৱেল, শশাংক সিং, যশ ঠাকুৰ, অৰ্শদীপ সিং, লকি ফাৰ্গুচন, যুজবেন্দ্ৰ চাহাল ।

কলকাতা নাইট ৰাইডাৰ্ছৰ সাম্ভাব্য মূল একাদশ-

কুইণ্টন ডি কক, সুনীল নাৰিন, অজিংক্য ৰাহানে, ভেংকটেশ আয়াৰ, ৰিংকু সিং, মইন আলী, আন্দ্ৰে ৰাছেল, ৰমনদীপ সিং, হৰ্ষিত ৰানা, বৈভৱ অৰোৰা, বৰুণ চক্ৰৱৰ্তী ।

জয়পুৰৰ ছাৱাই মানসিং ষ্টেডিয়ামত আজি ৰাজস্থান ৰয়েলছ আৰু ৰয়েল চেলেঞ্জাৰছ বেংগালুৰুৰ মাজত অনুষ্ঠিত হ’ব আই পি এল ২০২৫ৰ ২৮ সংখ্যক মেচ । ঘৰুৱা খেলপথাৰত ১৮ সংখ্যক ছিজনৰ এইখন হ’ব ৰাজস্থানৰ প্ৰথমখন মেচ । এই মেচত খেলপথাৰৰ অৱস্থা কেনেকুৱা লগতে জানক ইয়াত আই পি এলৰ অভিলেখ আৰু দুয়োটা দলৰ হেড টু হেড ৰেকৰ্ড ।

এই মেচৰ পূৰ্বে ৰাজস্থান ৰয়েলছে ৫ খন মেচ খেলিছে, ইয়াৰে ২ খনত জয় আৰু ৩ খনত পৰাস্ত হৈছে । একে সময়তে ৰজত পাটিদাৰৰ অধিনায়কত্বত থকা আৰ চি বিৰ দলটোৱে একেৰাহে দুখন খেলত জয়লাভ কৰিছিল যদিও তাৰ পাছত দুখনত পৰাজয়ৰো সন্মুখীন হ’বলগীয়া হৈছে । বৰ্তমান ৫ খন মেচৰ ভিতৰত দলটোৱে ৩ খনত জয় আৰু ২ খনত পৰাস্ত হৈছে । পইণ্ট তালিকাত আৰ চি বি আৰু ৰাজস্থান ক্ৰমে ৫ম আৰু ৭ম স্থানত আছে ।

ছাৱাই মানসিং ষ্টেডিয়ামত আই পি এলৰ ৰেকৰ্ড-

জয়পুৰৰ ছাৱাই মানসিং ষ্টেডিয়ামত আই পি এলৰ মুঠ ৫৭খন খেল অনুষ্ঠিত হৈছে । প্ৰথম বেটিং কৰা দলটোৱে মাত্ৰ ২০ বাৰহে জয়লাভ কৰাৰ বিপৰীতে প্ৰথমে বলিং কৰা দলটোৱে ৩৭ বাৰ জয়লাভ কৰিছে । টছত জয়ী হোৱা দলটোৱে ইয়াত ৩০ বাৰ আৰু পৰাজিত দলে ২৭ বাৰ মেচত জয়লাভ কৰিছে ।

-ছাৱাই মানসিং ষ্টেডিয়ামত আই পি এলৰ সৰ্বোচ্চ স্ক’ৰঃ ২১৭/৬ (এছ আৰ এইচ বনাম আৰ আৰ)

-আই পি এলত সৰ্বাধিক ব্যক্তিগত স্ক’ৰঃ আৰ চি বিৰ হৈ বিৰাট কোহলী (১১৩ বনাম আৰ আৰ)

-আই পি এলৰ শ্ৰেষ্ঠ স্পেল: আৰ আৰৰ বাবে সোহেইল তনভিৰ (৬/১৪ বনাম চি এছ কে)

-সৰ্বোচ্চ সফল ৰান চেজ: ১৯৯ (আৰ আৰৰ বিৰুদ্ধে জি টি)

ৰাজস্থান ৰয়েলছ বনাম ৰয়েল চেলেঞ্জাৰছ বাংগালুৰু হেড টু হেড-

আই পি এলত ৰাজস্থান আৰু বাংগালুৰুৰ মাজত মুঠ ৩২খন মেচ অনুষ্ঠিত হৈছে । ইয়াৰে বেংগালুৰুৱে ১৫ বাৰ আৰু ৰাজস্থানে ১৪ বাৰ জয় লাভ কৰিছে । ৰাজস্থানৰ বিৰুদ্ধে আই পি এলৰ সৰ্বোচ্চ স্ক’ৰ ২০০ । বেংগালুৰুৰ বিৰুদ্ধে ৰাজস্থানৰ সৰ্বোচ্চ স্ক’ৰ ২১৭ ।

ছাৱাই মানসিং ষ্টেডিয়ামৰ পিটচ ৰিপৰ্ট-

জয়পুৰৰ ছাৱাই মানসিং ষ্টেডিয়ামৰ খেলপথাৰখন ক’লা মাটিৰে নিৰ্মিত । ইয়াত ৰান সংগ্ৰহ কৰাটো সহজ নহ’ব, অৱশ্যে ইয়াত দ্ৰুত বলাৰসকলক লক্ষ্য কৰি ডাঙৰ স্ক’ৰ লাভ কৰিব পৰা যাব । ইয়াত স্পীনাৰৰ বিৰুদ্ধে খেলাটো কঠিন হ’ব । ইয়াত ১৯০ পৰ্যন্ত স্ক’ৰ প্ৰথমে বেটিং কৰা দলটোৰ বাবে ভাল বুলি গণ্য কৰা হ’ব । টছত জয়ী হোৱাৰ পিছত ইয়াত প্ৰথমে বেটিং কৰাৰ সিদ্ধান্তটো উপযুক্ত হ’ব ।

ছানৰাইজাৰ্ছ হায়দৰাবাদৰ খেলুৱৈ অভিষেক শৰ্মাৰ বিস্ফোৰক প্ৰদৰ্শন । আই পি এল ২০২৫ৰ ২৭ সংখ্যক মেচত পঞ্জাব কিংছৰ বিৰুদ্ধে দুৰ্দান্ত শতক অৰ্জন কৰে অভিষেকে । অভিষেকে মাত্ৰ ৪০টা বলত শতক সম্পূৰ্ণ কৰি বহু অভিলেখ ভংগ কৰে । এই ইনিংছত তেওঁ ছয় আৰু চাৰিৰ বৰষুণ নমায় । ট্ৰেভিছ হেডেও অভিষেকক সমৰ্থন কৰে কিন্তু ৬৬ ৰান সংগ্ৰহ কৰি আউট হয় তেওঁ ।

পঞ্জাব কিংছৰ বিৰুদ্ধে হায়দৰাবাদৰ হৈ অ’পেনিং কৰিবলৈ আহিছিল অভিষেক । এই সময়ছোৱাত তেওঁ ৫৫টা বলৰ সন্মুখীন হৈ ১৪১ ৰান সংগ্ৰহ কৰে । এই ইনিংছত অভিষেকে ১৪টা চাৰি আৰু ১০টা ছয় কোবাই । এই ইনিংছৰ আধাৰত তেওঁ বহু অভিলেখ ভংগ কৰে । আই পি এলত দ্ৰুততম শতক অৰ্জন কৰা ষষ্ঠজন খেলুৱৈ হিচাপে পৰিগণিত হৈছে অভিষেক । অভিষেকে মাত্ৰ ৪০টা বলত নিজৰ শতক সম্পূৰ্ণ কৰে ।

আই পি এলত দ্ৰুততম শতক-

৩০ বল – ক্ৰীছ গেইল (আৰ চি বি), ২০১৩

৩৭ বল – ইউছুফ পাঠান (আৰ আৰ), ২০১০

৩৮ বল – ডেভিদ মিলাৰ (পাঞ্জাব), ২০১৩

৩৯ বল – ট্ৰেভিছ হেড (হায়দৰাবাদ) বনাম আৰ চি বি, বেংগালুৰু, ২০২৪

৩৯ বল – প্ৰিয়ংশ আৰ্য্য (পাঞ্জাৱ) বনাম চি এছ কে, মল্লপুৰ, ২০২৫

৪০ বলত – অভিষেক শৰ্মা (হায়দৰাবাদ) বনাম পি বি কে এছ, হায়দৰাবাদ, ২০২৫*