চৰকাৰ গঠনৰ মাত্ৰ ২৪ ঘন্টাৰ পিছতেই পুনৰ হিংসাত্মক পৰিস্থিতিৰ সৃষ্টি হৈছে মণিপুৰত। উপ মুখ্যমন্ত্ৰীৰ শপত গ্ৰহণৰ সময়তেই দুটা গোটৰ মাজত হিংসাত্মক ঘটনা সংঘটিত হয়

চৰকাৰ গঠন হোৱাৰ পিছতেই মণিপুৰত পুনৰ হিংসাত্মক পৰিস্থিতিৰ সৃষ্টি হৈছে। ৰাজ্যৰ চুৰাচান্দপুৰত উপ মুখ্যমন্ত্ৰী হিচাপে নেমচা কিপগেন আৰু লোছি দিখোৰ শপত গ্ৰহণৰ সময়ত নিৰাপত্তা বাহিনী আৰু এটা জনসমাগমৰ মাজত হিংসাত্মক ঘটনা সংঘটিত হয়।

মণিপুৰ আৰক্ষীয়ে প্ৰতিবাদকাৰীক ছত্ৰভংগ দিবলৈ কন্দুৱা গেছ ব্যৱহাৰ কৰে।উপ-মুখ্যমন্ত্ৰীৰ শপত গ্ৰহণৰ বিৰুদ্ধে প্ৰতিবাদ সাব্যস্ত কৰিছে প্ৰতিবাদকাৰীয়ে।

উল্লেখ্য যে,বিগত কেইবাবছৰ ধৰি মণিপুৰত অব্যাহত থকা হিংসাত্মক পৰিস্থিতিৰ মাজতে কেন্দ্ৰীয় চৰকাৰে যোৱা বছৰ ৰাজ্যখনত ৰাষ্ট্ৰপতিৰ শাসন ঘোষণা কৰিছিল।ইয়াৰ পিছত শেহতীয়াকৈ য়ুমনাম খেমচান্দ সিঙৰ নেতৃত্বত ৰাজ্যত নতুন চৰকাৰ গঠন কৰা হয়।

ৰাষ্ট্ৰপতিৰ শাসন প্ৰত্যাহাৰ আৰু য়ুমনাম খেমচান্দ সিঙৰ নতুন চৰকাৰ গঠনৰ মাত্ৰ ২৪ ঘন্টাৰ পিছতে পুনৰ মণিপুৰত হিংসাত্মক পৰিস্থিতিৰ সৃষ্টি হৈছে।

চুৰাচান্দপুৰত ৰাজপথলৈ ওলাই অহা কুকি গোটসমূহে নিজৰ সম্প্ৰদায়ৰ বিধায়কসকলক মণিপুৰ চৰকাৰ গঠনত অংশগ্ৰহণ নকৰিবলৈ সকীয়াই দিছে।

ইয়াৰ সমান্তৰালকৈ চুৰাচান্দপুৰত প্ৰতিবাদ সাব্যস্ত কৰে। চূৰাচান্দপুৰত কুকি প্ৰতিবাদকাৰীয়ে ৰাজপথ অৱৰোধ কৰাৰ লগতে ৰাজপথত অগ্নিসংযোগ কৰি নিৰাপত্তাৰক্ষীৰ বাহন অৱৰোধ কৰে।

প্ৰতিবাদকাৰীয়ে নিৰাপত্তাৰক্ষীলৈ শিলগুটি নিক্ষেপ কৰে। এই সময়ছোৱাত বহু ঠাইত গুলীচালনাৰ ঘটনাও সংঘটিত হৈছিল।কুকি-জো অঞ্চলত যুটীয়া ফ্ৰণ্ট ৭ৰ ১২ ঘণ্টীয়া বন্ধৰ আহ্বান জনাইছে।

দৰাচলতে,কুকি-জো সম্প্ৰদায়ৰ বিধায়ক নেমচা কিপগেনক খেমচান্দ চৰকাৰত উপ মুখ্যমন্ত্ৰী হিচাপে নিযুক্তি দিয়াৰ লগতে দুজন বিধায়কৰ সমৰ্থনক লৈ সমগ্ৰ সমুদায়ৰ মাজত ক্ষোভৰ সৃষ্টি হৈছে।

ৰাজ্যৰ চুৰাচান্দপুৰ জিলাত নতুন চৰকাৰৰ বিৰুদ্ধে প্ৰতিবাদ হয়,ইয়াৰ পিছতে টুইবং অঞ্চলত উত্তেজনাৰ পৰিৱেশে বিৰাজ কৰে।

লগতে পঢ়ক: অমিত শ্বাহে সমাধান কৰিলে নাগালেণ্ড বিবাদৰ; কেন্দ্ৰ আৰু ENPO ৰ মাজত ঐতিহাসিক চুক্তি