কপিল শৰ্মাক ভাবুকি লৰেন্স গেঙৰ

কমেডিয়ান কপিল শৰ্মাৰ কানাডাস্থিত ৰেষ্টুৰেণ্ট কেপছ কেফেত পুনৰ গুলীচালনা কৰা হৈছে।এতিয়া এই বিষয়ত এটা ডাঙৰ আপডেট আহিছে।

জানিব পৰা মতে, কেপছ কেফেত গেংষ্টাৰ লৰেন্স বিষ্ণই গেঙে গুলীচালনা কৰিছে।ছলমান খানৰ ঘনিষ্ঠ হোৱাটোৱেই কপিল শৰ্মাৰ জীৱনলৈ ভাবুকি হৈ পৰিছে।

লৰেন্স গ্ৰুপৰ গেংষ্টাৰ হেৰী বক্সাৰৰ এটা অডিঅ’ পোহৰলৈ আহিছে।য’ত দাবী কৰা হৈছে যে কমেডিয়ানগৰাকীয়ে নেটফ্লিক্সৰ শ্ব’ ‘দ্য গ্ৰেট ইণ্ডিয়ান কপিল শ্ব’ৰ ছিজন ২ৰ প্ৰথম খণ্ডত ছলমানক আমন্ত্ৰণ জনাইছিল।

কপিলে নিজৰ শ্ব’ত অতিথি হিচাপে ছলমান খানক নিমন্ত্ৰণ কৰাত অসন্তুষ্ট বিষ্ণুই গেং।ইয়াৰ প্ৰতিশোধ ল’বলৈ কপিলৰ কেফেত গুলীচালনা কৰে। অডিঅ’টোত ভাবুকি দিছে যে – ‘যিয়ে ছলমানৰ সৈতে কাম কৰিব তেওঁ মৰিব।’

অডিঅ’টোত হেৰী বক্সাৰে সমগ্ৰ উদ্যোগটোক ভাবুকি দি কয় -“কপিল শৰ্মাৰ ৰেষ্টুৰেণ্টত দুবাৰকৈ এই কাৰণেই গুলীচালনা কৰা হৈছিল কিয়নো কপিল শৰ্মাই  ছলমান খানক তেওঁৰ শ্ব’ৰ উদ্বোধনী অনুষ্ঠানলৈ নিমন্ত্ৰণ কৰিছিল”।

“অহাবাৰ যিজন পৰিচালক, প্ৰযোজক, শিল্পী নহওক, আমি কাকো সতৰ্কবাণী নিদিওঁ।গুলীটো পোনে পোনে বুকুত নিক্ষেপ কৰা হ’ব”।

“সকলো শিল্পী আৰু প্ৰযোজকলৈ সতৰ্কবাণী।আমি মুম্বাইৰ পৰিৱেশ ইমানেই নষ্ট কৰিম যে আপোনালোকে কল্পনাও কৰিব নোৱাৰিব।”

”যদি কোনোবাই ছলমানৰ লগত কাম কৰে, সৰু অভিনেতা বা পৰিচালক যিয়েই নহওক, আমি কাকো ৰেহাই নিদিওঁ, আমি তেওঁক হত্যা কৰিম।হত্যা কৰিবৰ বাবে যিকোনো পৰিসৰলৈ গৈ হত্যা কৰিম। যদি কোনোবাই ছলমান খানৰ সৈতে কাম কৰে তেন্তে তেওঁৰ মৃত্যুৰ বাবে তেওঁ নিজেই দায়ী হ’ব।”

কপিলক দিয়া এই ভাবুকি দিয়াৰ পিছত উদ্যোগটোত শংকিত পৰিবেশে বিৰাজ কৰিছে। লৰেন্স বিষ্ণোই আৰু ছলমানৰ শত্ৰুতা বছৰ বছৰ পুৰণি।হৰিণ হত্যা কৰাৰ পিছৰে পৰাই ছলমান খানক লক্ষ্য কৰি লৈছিল বিষ্ণোই গেঙে।

অভিনেতা গৰাকীৰ ঘৰলৈ লক্ষ্য কৰি গুলিচালনাও কৰিছিল।ইমানবোৰ আক্ৰমণৰ চেষ্টাৰ পিছত ছলমানৰ নিৰাপত্তা কটকটীয়া কৰা হৈছে।লৰেন্সে দাবী কৰে যে ছলমানে এই কাণ্ডৰ বাবে ক্ষমা বিচাৰিব লাগে।

লগতে পঢ়ক: কানাডাস্থিত কপিল শৰ্মাৰ কেফেত পুনৰ গুলীচালনা; এইজন গেংষ্টাৰে ল’লে দায়িত্ব

কানাডাস্থিত কপিল শৰ্মাৰ কেফেত পুনৰ গুলীচালনা

কানাডাৰ ছাৰে চহৰত অৱস্থিত বিখ্যাত কমেডিয়ান কপিল শৰ্মাৰ কেফেত পুনবাৰ গুলিচানলাৰ ঘটনা সংঘটিত হৈছে।দ্বিতীয়বাৰৰ বাবে তেওঁৰ কেফেক লক্ষ্য কৰি লোৱা হৈছে।

এই গুলিচানলাৰ এটা ভিডিঅ’ সামাজিক মাধ্যমত ভাইৰেল হৈ পৰিছে, য’ত গাড়ীত বহি থকা একাংশ লোকে কেফেখনলৈ লক্ষ্য কৰি গুলীচালনা কৰা দেখা গৈছে।

ইফালে এই গুলীচালনাৰ দায়িত্ব লৈছে গোল্ডি ধিলন নামৰ এজন গেংষ্টাৰে।ছ’চিয়েল মিডিয়া পোষ্টৰ জৰিয়তে তেওঁ দাবী কৰে যে তেওঁৰ দলটোৱে এই আক্ৰমণ সংঘটিত কৰিছে।

অৱশ্যে এই গুলীচালনাৰ ফলত কোনো লোক হতাহত হোৱা নাই। ঘটনাৰ সন্দৰ্ভত আৰক্ষীয়ে তদন্ত আৰম্ভ কৰিছে। উল্লেখ্য যে, গোল্ডি ধিলনে নিজকে লৰেন্স বিষ্ণই গেঙৰ সৈতে জড়িত বুলি দাবী কৰে।

গোল্ডিয়ে সামাজিক মাধ্যমত এটা পোষ্টত লিখিছে যে, ‘সকলো ভাতৃকে ৰাম ৰাম…আজি কপিল শৰ্মাৰ কেফেত যি গুলীচালনাৰ ঘটনা সংঘটিত হ’ল গোল্ডি ডিলন আৰু লৰেন্স বিষ্ণয় গেঙে ইয়াৰ দায়িত্ব লৈছে।’

ইয়াৰ পূৰ্বেও যোৱা মাহৰ ১০ জুলাইত কপিল শৰ্মাৰ কাপ’ছ কেফেত গুলীচালনাৰ ঘটনা সংঘটিত হৈছিল। এখন গাড়ীত আহি আক্ৰমণকাৰীয়ে ১০ৰ পৰা ১২ ৰাউণ্ড গুলী চলায়।

অৱশ্যে এই গুলিচালনাৰ সন্দৰ্ভত কমেডিয়ান গৰাকীয়ে বৰ্তমানলৈকে কোনো প্ৰতিক্ৰিয়া প্ৰকাশ কৰা নাই।

লগতে পঢ়ক: উত্তৰকাশীত ধ্বংসলীলা; উৰ্বশী ৰাউটেলা আৰু চাৰা আলী খানে কৰিলে প্ৰাৰ্থনা

কানাডাৰ কপিল শৰ্মাৰ কেফেত গুলীচালনা

কমেডিয়ান কপিল শৰ্মাৰ অনুৰাগীৰ বাবে এটা বেয়া খবৰ আহিছে।২ বছৰীয়া কষ্টৰ অন্তত কপিল শৰ্মাই পত্নী গিন্নী চত্ৰথৰ সৈতে কানাডাত ব্যৱসায় আৰম্ভ কৰিছিল।

দুয়োজনে কানাডাত এখন কেফে খুলিলে, যাৰ নাম ৰখা হ’ল ‘কেপছ কেফে’। কপিল আৰু গিন্নী দুয়োজনেই অতি সুখী আছিল, কাৰণ ৰেষ্টুৰেণ্টখনৰ কফি আৰু খাদ্য খাবলৈ ভিৰ কৰিছিল বিপুল জনসমাগম।

এতিয়া খবৰ আহিছে যে কেফে খোলাৰ মাত্ৰ কেইদিনমান পিছতে তাত গুলীচালনা হৈছে। কানাডাত কপিলৰ কেফে যিটো অট্টালিকাত অৱস্থিত, সেই অট্টালিকাটোত কেইবাটাও ৰাউণ্ডৰ গুলীচালনা কৰা হৈছে।

দুৰ্বৃত্তই এখন গাড়ীত আহি গুলীচালনা কৰি তাৰ পৰা পলায়ন কৰে ।অৱশ্যে এই সমগ্ৰ ঘটনাত কোনো লোক আহত হোৱা নাই।

এই গুলীচালনাৰ দায়িত্ব লৈছে সন্ত্ৰাসবাদী হৰজিৎ সিং লাড্ডীয়ে।লাডী ভাৰতৰ NIA ৰ ম’ষ্ট ৱান্টেড  সন্ত্ৰাসবাদী আৰু বি কে আই (বাব্বৰ খালছা ইণ্টাৰনেশ্যনেল)ৰ সৈতে জড়িত।

লাডীয়ে কপিল শৰ্মাৰ কিছু পুৰণি বক্তব্যৰ বাবেই এই আক্ৰমণ সংঘটিত হোৱা বুলি কৈছে।ঘটনাস্থলীত আৰক্ষী আৰু ফৰেনছিক দল উপস্থিত হৈ তদন্ত অব্যাহত ৰাখিছে। এই সন্দৰ্ভত কপিল বা গিন্নীয়ে কোনো বিবৃতি প্ৰকাশ কৰা নাই।

লগতে পঢ়ক: ৫৯ বছৰ বয়সত বিবাহপাশত আবদ্ধ হ’ব ছলমান খান! বিশেষ পোষ্টৰে দিলে ইংগিত