আগন্তুক ছিজনত ছানৰাইজাৰ্ছৰ হৈ খেলিব হেৰী ব্ৰুক; ল’ব নেকি অধিনায়কৰ দায়িত্ব

ইংলেণ্ডত অনুষ্ঠিত হোৱা ফ্ৰেঞ্চাইজি ভিত্তিক ১০০ বলৰ প্ৰতিযোগিতা দ্য হাণ্ড্ৰেডৰ ইতিহাসৰ আটাইতকৈ দামী খেলুৱৈ হিচাপে পৰিগণিত হ’বলৈ গৈ আছে হেৰী ব্ৰুক।

ইংলেণ্ডৰ সীমিত অভাৰৰ অধিনায়ক হেৰী ব্ৰুক, যিয়ে নৰ্দাৰ্ণ ছুপাৰচাৰ্জাৰৰ হৈ দ্য হাণ্ড্ৰেডত খেলে, তেওঁক দলটোৰ ১০০ শতাংশ শ্বেয়াৰ কৰি ছান গ্ৰুপে ক্ৰয় কৰিছে।

ইয়াৰ পিছত অহা বছৰৰ ছিজনত দলটোৱে সলনি কৰা নাম ছানৰাইজাৰ্ছ লিডছ লৈ খেলপথাৰত নামিব।য’ত খেলুৱৈ গৰাকীক ধৰি ৰাখিবলৈ যোৱা কেইবাদিনো আলোচনা চলি থকাৰ পিছত এতিয়া তেওঁলোকে খেলুৱৈ গৰাকীক ৪ লাখ ৭০ হাজাৰ পাউণ্ড ষ্টাৰলিঙত ৰখাৰ সিদ্ধান্ত লৈছে।

আগন্তুক ছিজনৰ পূৰ্বে ৮খন ফ্ৰেঞ্চাইজিকে মুঠ ৪ জন খেলুৱৈক ধৰি ৰখাৰ সুযোগ দিয়া হৈছে।এই ক্ষেত্ৰত ছানৰাইজাৰ্ছ লিডছে যথেষ্ট গতি দেখুৱাইছে,য’ত ই এছ পি এন ক্ৰিচিনফ’ৰ প্ৰতিবেদন অনুসৰি তেওঁলোকে ৫.৬২ কোটি টকাত হেৰী ব্ৰুকক ধৰি ৰখাৰ সিদ্ধান্ত লৈছে আৰু ভৱিষ্যতেও তেওঁ দলৰ অধিনায়কত্বৰ দায়িত্ব চম্ভালিব পাৰিব।

ব্ৰুকে দ্য হাণ্ড্ৰেডত ২০২১ চনত ব্ৰুকে ফ্ৰেঞ্চাইজিৰ হৈ অভিষেক ঘটায়,য’ত তেওঁ ২০২৪ চনৰ ছিজনত অধিনায়কৰ দায়িত্ব গ্ৰহণ কৰিছিল।

লগতে পঢ়ক: আই চি চিৰ ৰেংকিঙত ৰোহিত-কোহলীৰ দপদপনি… বুমৰাহ-বৰুণ-অভিষেকৰো আধিপত্য

পুনেত অনুষ্ঠিত চতুৰ্থখন টি-২০ খেলত ইংলেণ্ডক ১৫ ৰাণত পৰাস্ত কৰি টীম ইণ্ডিয়াই পাঁচখন খেলৰ টি-২০ শৃংখলা সুৰক্ষিত কৰিছে।

ভাৰতীয় দলটোৱে ইংলেণ্ডৰ বিৰুদ্ধে এই টি-২০ শৃংখলাত ৩-১ ৰ অপৰাজিত অগ্ৰগতি লাভ কৰিছে।ইংলেণ্ডৰ বিৰুদ্ধে টি-২০ শৃংখলা জয় কৰি টীম ইণ্ডিয়াই এক ঐতিহাসিক অভিলেখ গঢ়িছে।

ভাৰত এইটো প্ৰাপ্ত কৰা বিশ্বৰ প্ৰথম খন দেশ হৈ পৰিছে। এই ঐতিহাসিক অভিলেখ কেতিয়াও অষ্ট্ৰেলিয়া আৰু দক্ষিণ আফ্ৰিকাৰ দৰে দলৰ নামত লিপিবদ্ধ কৰা হোৱা নাছিল, যাক টীম ইণ্ডিয়াই এতিয়া পুনেত ইয়াৰ নামত যোগ দিছে।

দৰাচলতে, টীম ইণ্ডিয়াই ইংলেণ্ডৰ বিৰুদ্ধে ৫ খন খেলৰ টি-২০ শৃংখলাত জয়ী হৈ অভিলেখ গঢ়িছে। ভাৰতীয় দলটোৱে ঘৰুৱা স্থানত একেৰাহে ১৭ খন টি-২০ শৃংখলাত অপৰাজিত হৈ থকাৰ অভিলেখ গঢ়ি ইতিহাস সৃষ্টি কৰিছে।

কলকাতাত ইংলেণ্ডৰ বিৰুদ্ধে খেলা প্ৰথমখন টি-২০ খেলত ভাৰত৭ উইকেটত জয়ী হৈছিল।ইয়াৰ পিছতে চেন্নাইত অনুষ্ঠিত দ্বিতীয়খন টি-২০ খেলতো ভাৰতীয় দলে ইংলেণ্ডক ২ উইকেটত পৰাস্ত কৰে।

তৃতীয় টি-২০ খেলখনত ইংলেণ্ডে প্ৰত্যাৱৰ্তন কৰে আৰু ভাৰতক ২৬ ৰাণত পৰাস্ত কৰে। এতিয়া, পুনেত অনুষ্ঠিত চতুৰ্থ খন টি-২০ মেচত ১৫ ৰাণত জয়লাভ কৰি ভাৰতে শৃংখলাটোৰ নিয়ন্ত্ৰণ লয় আৰু ৩-১ ৰ অপৰাজিত অগ্ৰগতি স্থাপন কৰে।

২০১৯ চনৰ ফেব্ৰুৱাৰীত টি-২০ শৃংখলাত অষ্ট্ৰেলিয়াৰ বিৰুদ্ধে পৰাজয়ৰ পিছত ভাৰতীয় দলটোৱে ঘৰুৱা খেলত এখনো টি-২০ শৃংখলা হেৰুৱাও নাই।

ঘৰুৱা স্থানত একেৰাহে সৰ্বাধিক টি-২০ শৃংখলাত অপৰাজিত হোৱাৰ ক্ষেত্ৰত, অষ্ট্ৰেলিয়া টীম ইণ্ডিয়াৰ পিছত আহিছে।অষ্ট্ৰেলিয়া ঘৰুৱা ভাৱে একেৰাহে ৮ খন টি-২০ শৃংখলাত অপৰাজিত হৈ আছে।

দক্ষিণ আফ্ৰিকাৰ দলটো তৃতীয় স্থানত আছে। দক্ষিণ আফ্ৰিকা ঘৰুৱা ভাৱে একেৰাহে ৭ খন টি-২০ শৃংখলাত অপৰাজিত হৈ আছে।

হাৰ্দিক পাণ্ডিয়া আৰু শিৱম দুবেৰ বিস্ফোৰক অৰ্ধশতকৰ পিছত শুকুৰবাৰে পুনেত অনুষ্ঠিত চতুৰ্থ খন টি-২০ খেলত ভাৰতৰ বলাৰসকলে এক সুন্দৰ প্ৰদৰ্শন আগবঢ়াই ইংলেণ্ডক ১৫ ৰাণত পৰাস্ত কৰে। পাঁচখন খেলৰ টি-২০ শৃংখলাত ভাৰতে ৩-১ ত অপৰাজিত অগ্ৰগতি লাভ কৰিছে।