২৫ বছৰৰ পিছত অভিষেক বচ্চনলৈ ফিল্মফেয়াৰ বঁটা

১১ অক্টোবৰৰ সন্ধিয়াটো অভিনেতা অভিষেক বচ্চনৰ বাবে অতি বিশেষ আছিল। এফালে তেওঁৰ পিতৃ অমিতাভ বচ্চনে ৮৩ বছৰ সম্পূৰ্ণ কৰিলে, আনহাতে ফিল্মফেয়াৰ বঁটা প্ৰদান অনুষ্ঠানত তেওঁ শ্ৰেষ্ঠ অভিনেতাৰ খিতাপ লাভ কৰে।

প্ৰথমবাৰৰ বাবে অভিষেকে ফিল্মফেয়াৰৰ শ্ৰেষ্ঠ অভিনেতাৰ বঁটা লাভ কৰিছে, যিটো লাভ কৰাৰ পিছতে অভিনেতাজনে নিজৰ আৱেগক ধৰি ৰাখিব পৰা নাছিল।

অভিনেতাজনে এই সন্মান তেওঁৰ ছবি ‘আই ৱাণ্ট টু টক’ৰ বাবে লাভ কৰিছে।বঁটা লাভ কৰি ভাষণ দিয়াৰ সময়ত অভিষেক ক্ষন্তেক সময়ৰ বাবে ভাবুক হৈ পৰিল।

অভিষেকে শ্ৰেষ্ঠ অভিনেতাৰ বঁটা লাভ কৰাৰ পিছত কয় যে,’চলচ্চিত্ৰ জগতখনত মই এই বছৰ ২৫ বছৰ সম্পূৰ্ণ কৰিছো আৰু এই বঁটাৰ বাবে কিমানবাৰ মোৰ ভাষণ প্ৰস্তুত কৰিছো তাৰ মনত নাই।এইটো এটা সপোন হৈ আহিছে আৰু মই অতি আৱেগিক হৈ পৰিছো।

তেওঁ লগতে মাতৃ জয়া বচ্চন, পিতৃ অমিতাভ বচ্চন,পত্নী ঐশ্বৰ্য ৰায় আৰু কন্যা আৰাধ্যা বচ্চনক ধন্যবাদ জনাইছে। তেওঁ কৈছে যে, এই অনুষ্ঠানৰ সময়ত তেওঁ চিন্তা কৰি আছিল যে জন্মদিনত পিতৃ অমিতাভ বচ্চনৰ বাবে কি উপহাৰ ক্ৰয় কৰিব, তেওঁ এই বঁটা পিতৃক উপহাৰ দিব, যিয়ে এই বঁটা লাভ কৰি অতি আনন্দিত হ’ব।

অভিনেতা গৰাকীয়ে পত্নী আৰু কন্যাক ধন্যবাদ দি কয় যে,পত্নী আৰু কন্যাই তেওঁক বাহিৰলৈ ওলাই গৈ তেওঁৰ সপোন পূৰণ কৰিবলৈ সমৰ্থন কৰিছিল,যাৰ বাবে ঐশ্বৰ্যই নিজৰ বস্তুবোৰ ত্যাগ কৰিছে। অভিষেকে এই বঁটা তেওঁৰ দুই হিৰ’ – পিতৃ অমিতাভ আৰু কন্যা আৰাধ্যাক উৎসৰ্গা কৰিছিল।

লগতে পঢ়ক: ৮৩ বছৰত ভৰি দিলে অমিতাভ বচ্চনে; নিজকে দিলে ৬.৫৯ কোটি  টকীয়া উপহাৰ

ইউটিউবৰ বিৰুদ্ধে ঐশ্বৰ্য ৰায় আৰু অভিষেক বচ্চনৰ এহাজাৰ দাখিল

বলীউডৰ অভিনেতা অভিষেক বচ্চন আৰু ঐশ্বৰ্য ৰায়ে এআইৰ দ্বাৰা সৃষ্টি কৰা ডিপফেক ভিডিঅ’ক লৈ ইউটিউব আৰু গুগলৰ বিৰুদ্ধে আইনী ব্যৱস্থা গ্ৰহণ কৰা বুলি জানিব পৰা গৈছে।

তেওঁলোকে গুগল আৰু অন্যান্য কোম্পানীসমূহৰ পৰা ৪ লাখ ৫০ হাজাৰ ডলাৰ (প্ৰায় ৪ কোটি ₹) ক্ষতিপূৰণ বিচাৰিছে।লগতে এনে শোষণ বন্ধ কৰাৰ বাবে স্থায়ী সমাধানৰ দাবী উত্থাপন কৰিছে।

এই গোচৰত শ শ লিংক আৰু স্ক্ৰীণশ্বট সন্নিবিষ্ট কৰা হৈছে যিবোৰ ঐশ্বৰ্য আৰু অভিষেক বচ্চনে ইউটিউব ভিডিঅ’ বুলি অভিযোগ কৰিছে য’ত “যৌনভাৱে প্ৰকাশিত” বা “কাল্পনিক” এআই কন্টেন্ট দেখুওৱা হৈছে।এক প্ৰতিবেদন অনুসৰি তেওঁলোকৰ মতে ইউটিউবৰ কন্টেন্ট আৰু থাৰ্ড পাৰ্টি ট্ৰেইনিং নীতি চিন্তনীয়।

প্ৰতিবেদনটোত উল্লেখ আছে যে ইয়াৰ দ্বাৰা ব্যৱহাৰকাৰীসকলে তেওঁলোকে সৃষ্টি কৰা ভিডিঅ’সমূহ শ্বেয়াৰ কৰিবলৈ সন্মতি প্ৰদান কৰে যাতে ৰিভালৰী এআই মডেল,ইয়াৰ ফলত অনলাইনত বিভ্ৰান্তিকৰ বিষয়বস্তু আৰু অধিক বিয়পি পৰাৰ আশংকা থাকে,অভিষেক আৰু ঐশ্বৰ্যই ২০১৯ চনৰ ৬ ছেপ্টেম্বৰত দাখিল কৰা প্ৰায় একেধৰণৰ নথি-পত্ৰত উল্লেখ কৰা অনুসৰি।

অভিষেক আৰু ঐশ্বৰ্যই তেওঁলোকৰ নথি-পত্ৰত যুক্তি দিছে যে যদিহে এআই প্লেটফৰ্মসমূহক পক্ষপাতমূলক বিষয়বস্তুৰ ওপৰত প্ৰশিক্ষণ দিয়া হয় যিয়ে তেওঁলোকক নেতিবাচকভাৱে চিত্ৰিত কৰে আৰু তেওঁলোকৰ বৌদ্ধিক সম্পত্তিৰ অধিকাৰ উলংঘা কৰে, গতিকে এআই মডেলে “এনে সকলো ভুৱা” তথ্য শিকিব পাৰে,যাৰ বাবে ই আৰু বিয়পিব পাৰে।

লগতে পঢ়ক: দ্বিতীয়বাৰলৈ মাতৃ হ’বলৈ ওলাইছে সোনম কাপুৰ; শীঘ্ৰেই কৰিব ৰাজহুৱা