অসম বিধানসভা নিৰ্বাচনৰ চূড়ান্ত অপিনিয়ন পোলে বিজেপিৰ বাবে কঢ়িয়াই আনিছে ভাল খবৰ

৯ এপ্ৰিলত অসমৰ ১২৬ টা বিধানসভা নিৰ্বাচনৰ বাবে অনুষ্ঠিত হ’ব ভোটগ্ৰহণ । ইয়াৰ পূৰ্বে তুংগত উঠিছে ৰাজ্যৰ নিৰ্বাচনী প্ৰচাৰ । ৭ এপ্ৰিলত সমাপ্ত হ’ব বিধানসভা নিৰ্বাচনৰ বাবে নিৰ্বাচনী প্ৰচাৰ । ইয়াৰ মাজেত অসম বিধানসভা নিৰ্বাচনৰ চূড়ান্ত অপিনিয়ন পোলে বিজেপিৰ বাবে কঢ়িয়াই আনিছে ভাল খবৰ । মেট্ৰিজে প্ৰকাশ কৰা তথ্য অনুসৰি অসমত বিজেপি+ দলে ৯২-১০২খন আসন লাভ কৰাৰ সম্ভাৱনা আছে ।

মেট্ৰিজ আৰু চাণক্যৰ সমীক্ষা অনুসৰি আগন্তুক অসম বিধানসভা নিৰ্বাচনত বিজেপি নেতৃত্বাধীন মিত্ৰজোঁট (বিজেপি+) শক্তিশালী অৱস্থাত আছে আৰু ক্ষমতালৈ ঘূৰি অহা বা ক্ষমতা অক্ষুণ্ণ ৰখাৰ সম্ভাৱনা অধিক । দুয়োটা সমীক্ষাৰ পৰা দেখা গৈছে যে ভোটৰ ভাগ আৰু আসন দুয়োটা দিশতে বিজেপি মিত্ৰজোঁট আগবাঢ়ি আছে । কংগ্ৰেছ মিত্ৰজোঁট পিছ পৰি আছে, আনহাতে সৰু সৰু দলসমূহৰ প্ৰভাৱ এই নিৰ্বাচনত একেবাৰে কম হোৱাৰ সম্ভাৱনা আছে ।

ভোট শ্বেয়াৰত বৃদ্ধি (মেট্ৰিজৰ সমীক্ষা)

বিজেপি+: ৪৬%

কংগ্ৰেছ+: ৩৬%

অন্যান্য : ১৮%

মেট্ৰিজৰ সমীক্ষা অনুসৰি বিজেপি মিত্ৰজোঁটে অধিক সমৰ্থন লাভ কৰিছে । কংগ্ৰেছ মিত্ৰজোঁট দৌৰত আছে যদিও পিছ পৰি আছে । আন সৰু সৰু দলবোৰৰ ভোট শ্বেয়াৰ কম ।

আসনৰ অনুমান (মেট্ৰিজৰ সমীক্ষা)

বিজেপি+ : ৯২-১০২খন আসন

কংগ্ৰেছ+ : ২২-৩২খন আসন

অন্যান্য : ৪-৭ খন আসন

আসনৰ হিচাপ অনুসৰি বিজেপি মিত্ৰজোঁটে স্পষ্ট অগ্ৰগতি লাভ কৰিছে । বিজেপি মিত্ৰজোঁটে সংখ্যাগৰিষ্ঠতাৰ সীমাত উপনীত হ’ব পাৰে বা অতিক্ৰম কৰিব পাৰে । বিৰোধীৰ ভূমিকাত থাকিব কংগ্ৰেছ মিত্ৰতা । আন দলসমূহে অতি কম আসন লাভ কৰিব পাৰে ।

চাণক্যৰ সমীক্ষা অনুসৰি আসনৰ আনুমানিক হিচাপ-

বিজেপি+: ৮৩-৯০ আসন

কংগ্ৰেছ+: ৩০-৩৬খন আসন

অন্যান্য: ৩-৬ খন আসন

চাণক্যৰ সমীক্ষাতো বিজেপি মিত্ৰজোঁট আগুৱাই আছে । কংগ্ৰেছ মিত্ৰজোঁটে কিছু আসন লাভ কৰিব পাৰে, কিন্তু চৰকাৰ গঠনৰ অৱস্থাত নাই । শেষ মুহূৰ্তৰ পৰিৱৰ্তন আৰু স্থানীয় সমস্যাৰ বাবে নিৰ্বাচনৰ ফলাফল সলনি হ’ব পাৰে যদিও বৰ্তমানৰ সমীক্ষাসমূহে ইংগিত দিয়ে যে প্ৰতিদ্বন্দ্বিতা বিজেপিৰ সপক্ষে ।

লগতে পঢ়ক : কংগ্ৰেছৰ শ্লোগান হৈছে পৰিয়াল প্ৰথমঃ অসমত নিৰ্বাচনী প্ৰচাৰ চলাই প্ৰধানমন্ত্ৰীৰ তীক্ষ্ণ বাক্যবাণ