চলচ্চিত্ৰ নিৰ্মাতা-অভিনেতা অনুৰাগ কাশ্যপ বৰ্তমান বিশেষ বিতৰ্কৰ বাবে চৰ্চাত আছে । শেহতীয়াকৈ তেওঁ ব্ৰাহ্মণ সম্প্ৰদায়ৰ বিষয়ে কিছু মন্তব্য কৰিছিল, তাৰ পিছত তেওঁ সমালোচনাৰ সন্মুখীন হ’বলগীয়া হয় । ইয়াৰ পিছতে এতিয়া অনুৰাগ কাশ্যপে ক্ষমা বিচাৰিছে । ছচিয়েল মিডিয়াত এটা দীঘলীয়া পোষ্ট লিখি ক্ষমা বিচাৰিছে চলচ্চিত্ৰ পৰিচালকজনে ।

ক্ষমা বিচাৰিলে অনুৰাগ কাশ্যপে-

অনুৰাগ কাশ্যপে লিখিছে, ‘খঙেৰে কাৰোবাক উত্তৰ দিওঁতে মোৰ মৰ্যদা পাহৰিলোঁ আৰু সমগ্ৰ ব্ৰাহ্মণ সম্প্ৰদায়ৰ বিষয়ে বেয়াকৈ ক’লো । সেই সমাজখন, যাৰ বহু লোক মোৰ জীৱনত আছিল, এতিয়াও আছে আৰু বহুত অৰিহণা যোগাইছে । আজি তেওঁলোক সকলোৱে মোৰ বাবে আঘাত পাইছে । মই সন্মান কৰা বহু বুদ্ধিজীৱীয়ে সেই খঙত কথা কোৱাৰ ধৰণত আঘাত পায় । এনে এটা কথা কৈ মই নিজেই বিষয়টোৰ পৰা বিচ্যুত হ’লোঁ ৷’

অনুৰাগে আৰু লিখিছে, ‘মই অন্তৰৰ পৰা ক্ষমা বিচাৰিছো । এই সমাজখনক মই এই কথা ক’ব বিচৰা নাছিলো, কিন্তু খঙত কাৰোবাৰ বেয়া মন্তব্যৰ প্ৰতি সঁহাৰি জনাই লিখিছিলোঁ । মই ক্ষমা বিচাৰিছোঁ । মোৰ কথা কোৱাৰ ধৰণ আৰু গালি-গালাজৰ বাবে মোৰ সকলো সতীৰ্থ বন্ধুৰ পৰা, মোৰ পৰিয়ালৰ পৰা আৰু সেই সম্প্ৰদায়ৰ পৰা মই ক্ষমা বিচাৰিছো । এতিয়া মই ইয়াৰ ওপৰত কাম কৰিম যাতে পুনৰ এনেকুৱা নহয় । মোৰ খঙৰ ওপৰত কাম কৰিম আৰু যদি বিষয়টোৰ ওপৰত কথা পাতিব লাগে তেন্তে সঠিক শব্দ ব্যৱহাৰ কৰিম । আশাকৰোঁ আপোনালোকে মোক ক্ষমা কৰিব ।’

উল্লেখ্য যে, শেহতীয়াকৈ ফুলে নামৰ এখন হিন্দী ছবি মুক্তি পাবলগীয়া আছিল । কিন্তু এই ছবিখনে জাতিবাদৰ প্ৰচাৰ কৰা বাবে মুক্তি পাব নোৱাৰিলে । ইয়াৰ পিছত অনুৰাগ কাশ্যপে চেন্সৰ ব’ৰ্ড আৰু ব্ৰাহ্মণ সমাজক লৈ ছ’চিয়েল মিডিয়াত বহু আপত্তিজনক মন্তব্য কৰে । ইয়াৰ পিছত অনুৰাগে বহু সমালোচনাৰ সন্মুখীন হ’বলগীয়া হয় ।

অভিনেতা প্ৰতীক গান্ধী আৰু পত্ৰলেখাৰ ছবি ‘ফুলে’ বিগত কিছু দিনৰ পৰা বিতৰ্কৰ মাজত আবদ্ধ হৈ আছে । সমাজ সংস্কাৰক দম্পতী জ্যোতিবা ফুলে আৰু সাবিত্ৰীবাই ফুলেৰ জীৱনৰ আধাৰত নিৰ্মিত এই ছবিখনৰ মুক্তি পিছুৱাই দিয়া হৈছে । ছবিখনে জাতিবাদ বিয়পোৱাৰ অভিযোগ উত্থাপন হৈছিল । অনুৰাগ কাশ্যপে ছবিখনৰ মুক্তিৰ ওপৰত নিষেধাজ্ঞা সন্দৰ্ভত চেঞ্চৰ ব’ৰ্ড অৱ ফিল্ম চাৰ্টিফিকেশন তথা চি বি এফ চিৰ বিষয়ে এটা পোষ্ট লিখিছিল ।

এতিয়া অনুৰাগে পুনৰ এবাৰ বিতৰ্কিত বক্তব্য দি ক্ষোভ প্ৰকাশ কৰিলে । ব্ৰাহ্মণ সম্প্ৰদায়ৰ বিৰুদ্ধে ঘৃণা প্ৰকাশ কৰি বিতৰ্কিত বিবৃতি দিলে । কিন্তু এতিয়া পৰিচালকজনে ক্ষমা বিচাৰিছে আৰু স্পষ্টীকৰণ দিছে । ইনষ্টাগ্ৰামত এটা পোষ্ট শ্বেয়াৰ কৰি অনুৰাগে লিখিছে যে আপুনি মোক যি মন যায় কব পাৰে, কিন্তু পৰিয়ালটোক ৰেহাই দিয়ক ।

অনুৰাগৰ পোষ্ট-

ক্ষমা কৰিব । কিন্তু মই এইটো মোৰ পোষ্টৰ বাবে নহয়, সেই এটা শাৰীৰ বাবেহে বিচাৰিছো যিটো ভুল ধৰণেৰে লোৱা হৈছিল আৰু ঘৃণা বিয়পি পৰিল । আপোনাৰ ছোৱালী, পৰিয়াল, বন্ধু-বান্ধৱী আৰু আপোনজনতকৈ কোনো কাম বা কথা-বতৰা বেছি গুৰুত্বপূৰ্ণ নহয় । তেওঁলোকে ধৰ্ষণৰ ভাবুকি লাভ কৰিছে । হত্যাৰ ভাবুকি দিয়া হৈছে । নিজকে সংস্কৃতিবান বুলি কোৱা সকলে এই সকলোবোৰ কৰি আছে । গতিকে যি কোৱা হৈছে সেয়া উভতাই ল’ব নোৱাৰি আৰু মইও উভতাই নলওঁ, কিন্তু আপুনি মোক যিমান বিচাৰে সিমান গালি-গালাজ কৰিব পাৰে ।

তেওঁ লগতে কয়, মোৰ পৰিয়ালে একো কোৱা নাই । গতিকে যদি আপুনি মোৰ পৰা ক্ষমা বিচাৰিছে, তেন্তে এইটো মোৰ ক্ষমাপ্ৰাৰ্থনা । ব্ৰাহ্মণসকল, অনুগ্ৰহ কৰি নাৰীসকলক ৰেহাই দিয়ক, এনে মূল্যবোধ কেৱল মনুবাদত নহয়, শাস্ত্ৰতো আছে । আপুনি কোন ধৰণৰ ব্ৰাহ্মণ সেইটো নিৰ্ণয় কৰক । বাকীবোৰৰ বাবে মোৰ ফালৰ পৰা ক্ষমা বিচাৰিছো ।

ছবিখনৰ ওপৰত মন্তব্য কৰিছিল অনুৰাগ কাশ্যপে-

অনুৰাগ কাশ্যপে ছবিখনৰ বিতৰ্কৰ সৈতে জড়িত এটা খবৰ তেওঁৰ ইনষ্টা ষ্ট’ৰীত শ্বেয়াৰ কৰি লিখিছে, ‘মোৰ জীৱনৰ প্ৰথমখন নাটক আছিল জ্যোতিবা আৰু সাবিত্ৰীবাই ফুলেৰ ওপৰত । যদি এই দেশত জাতিবাদ নাছিল তেন্তে তেওঁলোকৰ যুঁজ দিয়াৰ কি প্ৰয়োজন আছিল । এতিয়া এই ব্ৰাহ্মণ সকলে লাজ অনুভৱ কৰিছে বা লাজতে মৰিছে বা তেওঁলোকে বেলেগ ব্ৰাহ্মণ ভাৰতত বাস কৰি আছে যিটো আমি চাব পৰা নাই, কোনোবাই বুজাই দিয়ক কোন মূৰ্খ ।