ভাৰতত অগ্নি-১ৰ পৰা অগ্নি-৫লৈকে বিভিন্ন ৰেঞ্জৰ ক্ষেপণাস্ত্ৰ আছে।যাৰ প্ৰত্যেকৰে সুকীয়া বৈশিষ্ট্য আছে।এই ক্ষেপণাস্ত্ৰসমূহে পাৰমাণৱিক অস্ত্ৰ কঢ়িয়াই নিব পৰাকৈ সক্ষম।

প্ৰতিৰক্ষা ক্ষমতাক আৰু অধিক শক্তিশালী কৰি ভাৰতে চুটি দূৰত্বৰ বেলিষ্টিক মিছাইল ‘অগ্নি-১’ সফলতাৰে পৰীক্ষণকৰে। এই পৰীক্ষাণটো ওড়িশাৰ চণ্ডীপুৰত অৱস্থিত ইন্টিগ্ৰেটেড টেষ্ট ৰেঞ্জৰ পৰা কৰা হৈছিল। প্ৰতিৰক্ষা মন্ত্ৰালয়ৰ মতে, পৰীক্ষাণৰ সময়ত এই ক্ষেপণাস্ত্ৰই নিৰ্ধাৰিত সকলো পৰিমাপ সফলতাৰে পূৰণ কৰে। এই অভিযান ষ্ট্ৰেটেজিক ফৰ্চ কমাণ্ডে নিৰীক্ষণ কৰিছিল। সফল পৰীক্ষাণৰ পিছতে ভাৰতৰ প্ৰতিৰক্ষা ক্ষমতাই এক বৃহৎ উত্থান লাভ কৰিছে। এই সাফল্যই দেশৰ নিৰাপত্তাৰ প্ৰস্তুতি আৰু অধিক শক্তিশালী কৰিব বুলি প্ৰতিৰক্ষা বিশেষজ্ঞসকলে কয়।

‘অগ্নি-১’ ভাৰতৰ থলুৱা বেলিষ্টিক মিছাইল ছিৰিজৰ এটা মূল উপাদান। এই মিছাইলটোৱে অতি নিখুঁত, চুটি দূৰত্বৰ আক্ৰমণ চলাব পৰা ক্ষমতা লাভ কৰে। ইয়াক বিশেষভাৱে দ্ৰুত প্ৰতিশোধমূলক ব্যৱস্থাৰ বাবে ডিজাইন কৰা হৈছে। পৰীক্ষাৰ সময়ত ক্ষেপণাস্ত্ৰটোৱে নিজৰ নিৰ্দিষ্ট লক্ষ্যত সম্পূৰ্ণ নিখুঁতভাৱে আঘাত হানে। ইয়াৰ উৰণ আৰু কাৰিকৰী প্ৰদৰ্শন সম্পূৰ্ণ সফল হৈছিল। যিকোনো ভাবুকিৰ তৎক্ষণাত প্ৰতি সঁহাৰি জনাবলৈ ভাৰতে নিজৰ ক্ষেপণাস্ত্ৰ প্ৰযুক্তিৰ আধুনিকীকৰণ অহৰহ কৰি আছে।

ইয়াৰ পূৰ্বে ২০২৬ চনৰ ৮ মে’ত ভাৰতে উন্নত অগ্নি ক্ষেপণাস্ত্ৰৰ সফল পৰীক্ষণ কৰিছিল। এই পৰীক্ষা ওড়িশাৰ ডাঃ এ পি জে আব্দুল কালাম দ্বীপৰ পৰা কৰা হৈছিল।

লগতে পঢ়ক; আকাশত ভাৰতৰ মহাশক্তিৰ প্ৰদৰ্শন, অগ্নি মিছাইলৰ সফল পৰীক্ষণ