ভাৰতৰ কিংবদন্তি অ’পেনাৰ ৰোহিত শৰ্মাই এদিনীয়া আন্তঃৰাষ্ট্ৰীয় ক্ৰিকেটত ইতিহাসৰ সৃষ্টি কৰিছে। এদিনীয়া আন্তঃৰাষ্ট্ৰীয় ক্ৰিকেটত দক্ষিণ আফ্ৰিকাৰ ক্ৰিকেটাৰ জেক কেলিছৰ ‘অভিলেখ’ ভংগ কৰিলে।
ভাৰতৰ তাৰকা অপেনাৰ ৰোহিত শৰ্মাই এদিনীয়া আন্তঃৰাষ্ট্ৰীয় ক্ৰিকেটত এক নতুন ইতিহাস ৰচনা কৰিছে। ৰোহিত শৰ্মাই এদিনীয়া আন্তঃৰাষ্ট্ৰীয় ক্ৰিকেটত দক্ষিণ আফ্ৰিকাৰ মহান ক্ৰিকেটাৰ জেক কেলিছৰ এক ‘ৰেকৰ্ড’ ভংগ কৰিছে। উল্লেখ্য যে, শনিবাৰে ধৰ্মশালাৰ HPCA ষ্টেডিয়ামত ভাৰত আৰু আফগানিস্তানৰ মাজত তিনিখনীয়া এদিনীয়া আন্তঃৰাষ্ট্ৰীয় শৃংখলাৰ প্ৰথমখন মেচ অনুষ্ঠিত হৈছিল। ভাৰতে এই মেচখনত ৭ উইকেটত এক আকৰ্ষণীয় বিজয় সাব্যস্ত কৰি তিনিখনীয়া এদিনীয়া শৃংখলাটোত ১-০ ব্যৱধানত অগ্ৰগতি লাভ কৰিছে।
ৰোহিত শৰ্মাই আফগানিস্তানৰ বিৰুদ্ধে এই মেচখনত ইনিংছ মুকলি কৰিবলৈ আহি ১৬ টা বলত ১৬ ৰান সংগ্ৰহ কৰে। ৰোহিত শৰ্মাই এই ইনিংছটোত ২টা চাৰি আৰু ১টা ছয় কোবায়। ইয়াৰ লগতে ৰোহিত শৰ্মাই এক বৃহৎ কৃতিত্ব অৰ্জন কৰে। এদিনীয়া ক্ৰিকেটৰ ইতিহাসত আটাইতকৈ বেছি ৰান সংগ্ৰহ কৰা খেলুৱৈৰ তালিকাত ৰোহিত শৰ্মাই দক্ষিণ আফ্ৰিকাৰ প্ৰাক্তন ক্ৰিকেটাৰ জেক কেলিছক পিছ পেলাই অষ্টম স্থান লাভ কৰিছে। জ্যাক কেলিছে ১৯৯৬ চনৰ পৰা ২০১৪ চনৰ ভিতৰত দক্ষিণ আফ্ৰিকা, আফ্ৰিকা একাদশ আৰু আইচিচি বিশ্ব একাদশৰ হৈ ৩২৮ খন এদিনীয়া মেচ খেলি ১১,৫৭৯ ৰান সংগ্ৰহ কৰিছিল।
আনহাতে, ৰোহিত শৰ্মাই নিজৰ ২৮৩ সংখ্যক এদিনীয়া আন্তঃৰাষ্ট্ৰীয় মেচত ১১,৫৯৩ ৰান সম্পূৰ্ণ কৰিছে। আফগানিস্তানৰ বিৰুদ্ধে প্ৰথমখন এদিনীয়াত জেক কেলিছক অতিক্ৰম কৰিবলৈ ৰোহিত শৰ্মাক মাত্ৰ তিনি ৰানৰ প্ৰয়োজন আছিল। ৰোহিত শৰ্মাই লক্ষ্য খেদি ভাৰতীয় ইনিংছৰ দ্বিতীয় অভাৰৰ প্ৰথমটো বলত জিয়া উৰ ৰহমান শ্বৰীফীৰ বলত চাৰি কোবাই এই কৃতিত্ব অৰ্জন কৰে।
এদিনীয়া আন্তঃৰাষ্ট্ৰীয় ক্ৰিকেটত সৰ্বাধিক ৰান সংগ্ৰহৰ অভিলেখ শচীন টেণ্ডুলকাৰৰ নামত আছে। শচীন টেণ্ডুলকাৰে ১৯৮৯ চনৰ পৰা ২০১২ চনৰ ভিতৰত ৪৬৩ খন এদিনীয়া মেচ খেলি ১৮,৪২৬ ৰান সংগ্ৰহ কৰিছিল। ৰোহিত শৰ্মাৰ ওপৰত এই তালিকাত বিৰাট কোহলী (১৪,৭৯৭), কুমাৰ চাংগাকাৰা (১৪,২৩৪), ৰিকী পন্টিং (১৩,৭০৪), চনথ জয়সূৰ্য (১৩,৪৩০), মহেলা জয়াবৰ্ধনে (১২,৬৫০), ইনজামাম উল হক (১১,৭৩৯) আৰু তাৰ পিছতেই ৰোহিত শৰ্মাৰ নাম আহে।
লগতে পঢ়ক: বৰ্ষা বিঘ্নিত প্ৰথম এদিনীয়াত আফগানিস্তানক ৭ উইকেটত ধূলিস্যাৎ ভাৰতৰ
