ৰাষ্ট্ৰপতি দ্ৰৌপদী মুৰ্মুৰ আজি ৬৮ সংখ্যক জন্মদিন। এই জন্মদিন উপলক্ষ্যে মুখ্যমন্ত্ৰী ড০ হিমন্ত বিশ্ব শৰ্মাই জন্মদিনৰ শুভেচ্ছা জ্ঞাপন কৰিছে।
অসমৰ মুখ্যমন্ত্ৰী ড০ হিমন্ত বিশ্ব শৰ্মাই শনিবাৰে ৰাষ্ট্ৰপতি দ্ৰৌপদী মুৰ্মুক তেওঁৰ জন্মদিনৰ আন্তৰিক শুভেচ্ছা জ্ঞাপন কৰে। তেওঁ ৰাষ্ট্ৰপতিগৰাকীৰ জীৱন যাত্ৰাক স্থিতিস্থাপকতা, গণতন্ত্ৰ আৰু সৰ্বাংগীনতাৰ এক শক্তিশালী প্ৰমাণ হিচাপে অভিহিত কৰে।
শনিবাৰে ৬৮ বছৰত ভৰি দিয়া মুৰ্মুৱে দেশৰ বিভিন্ন প্ৰান্তৰ নেতাৰ পৰা শুভেচ্ছা লাভ কৰে। ৰাষ্ট্ৰ নিৰ্মাণ আৰু জনসেৱাত তেওঁ আগবঢ়োৱা অৱদানক মুখ্যমন্ত্ৰীগৰাকীয়ে ভূয়সী প্ৰশংসা কৰে।
এক্স যোগে কৰা এটা পোষ্টত অসমৰ মুখ্যমন্ত্ৰীগৰাকীয়ে কয়, “মাননীয় ৰাষ্ট্ৰপতি মহোদয়া, শ্ৰীমতী দ্ৰৌপদী মুৰ্মু জীক তেওঁৰ জন্মদিনত আন্তৰিক শুভেচ্ছা জনাইছোঁ।”
মুখ্যমন্ত্ৰী গৰাকীয়ে ৰাষ্ট্ৰপতিগৰাকীক মৰ্যাদা, প্ৰজ্ঞা আৰু গৰিমাৰ এক প্ৰতীক বুলি বৰ্ণনা কৰে, যাক দেশখনক শক্তিশালী কৰাৰ বাবে কৰা প্ৰচেষ্টাৰ বাবে দল-মত নিৰ্বিশেষে সকলোৱে শ্ৰদ্ধা কৰে।
তেওঁ কয়, “আমাৰ সৰ্বোচ্চ সেনাধ্যক্ষগৰাকীৰ জীৱন যাত্ৰা হৈছে স্থিতিস্থাপকতা, গণতন্ত্ৰ আৰু সৰ্বাংগীনতাৰ শক্তিৰ এক গভীৰ প্ৰমাণ।”
সামাজিক ন্যায় আৰু জনকল্যাণৰ প্ৰতি মুৰ্মুৰ প্ৰতিশ্ৰুতিৰ কথা উল্লেখ কৰি মুখ্যমন্ত্ৰীগৰাকীয়ে কয় যে জনসেৱাৰ প্ৰতি থকা তেওঁৰ অলৰ-অচৰ উচৰ্গাই সমগ্ৰ দেশবাসীক অনুপ্ৰাণিত কৰি আহিছে।
তেওঁ লগতে উল্লেখ কৰে, “সামাজিক ন্যায় আৰু জনসেৱাৰ প্ৰতি থকা তেওঁৰ দৃঢ় প্ৰতিশ্ৰুতিয়ে আমাৰ মহান গণতান্ত্ৰিক ৰাষ্ট্ৰখনক অনুপ্ৰাণিত কৰে।”
ইয়াৰ লগতে তেওঁ মা কামাখ্যা আৰু শ্ৰীমন্ত শংকৰদেৱৰ আশীৰ্বাদ বিচাৰি ৰাষ্ট্ৰপতিগৰাকীৰ দীৰ্ঘায়ু আৰু সুস্বাস্থ্যৰ বাবে প্ৰাৰ্থনা জনায়।
মুখ্যমন্ত্ৰীগৰাকীয়ে শেষত কয়, “তেওঁৰ মাৰ্গদৰ্শনে দেশখনক প্ৰগতি আৰু সমৃদ্ধিৰ এক নতুন শিখৰলৈ লৈ যাওক, তাকেই কামনা কৰিলোঁ।”
লগতে পঢ়ক: ৰাজ্যৰ শিক্ষা ব্যৱস্থাৰ আমূল পৰিৱৰ্তনক লৈ মুখ্যমন্ত্ৰীৰ গুৰুত্বপূৰ্ণ বৈঠক
