এপলৰ পৰা বিদায় ল’ব নেকি টিম কুক?
এপলে নিজৰ পৰৱৰ্তী চিইঅ’ নিৰ্বাচনৰ প্ৰক্ৰিয়া আৰম্ভ কৰিছে।এক প্ৰতিবেদন অনুসৰি, অহা বছৰ এপলৰ চিইঅ’ টিম কুক পদত্যাগ কৰিব পাৰে।টিমৰ পিছত এপলৰ বাঘজৰী কোনে ল’ব সেই সন্দৰ্ভত কোম্পানীটোৱে কাম আৰম্ভ কৰিছে।
পৰৱৰ্তী চিইঅ’ কোন হ’ব সেয়া এতিয়াও স্পষ্ট হোৱা নাই।অৱশ্যে এপলৰ হাৰ্ডৱেৰ ইঞ্জিনিয়াৰিঙৰ জ্যেষ্ঠ উপ-সভাপতি জন টাৰ্নাছক এই পদৰ মূল প্ৰতিদ্বন্দ্বী হিচাপে বিবেচিত হৈছে।বহুতে এপলৰ পৰৱৰ্তী চিইঅ’ৰ প্ৰতিদ্বন্দ্বী হিচাপে জন টাৰ্নাছক উল্লেখ কৰিছে।
এই সন্দৰ্ভত এপলে এতিয়াও আনুষ্ঠানিকভাৱে কোনো তথ্য প্ৰদান কৰা নাই ।প্ৰায় ১৪ বছৰ এপলৰ নেতৃত্বত থকাৰ পিছত এতিয়া হয়তো অৱসৰ ল’ব পাৰে টিম কুক।অহা বছৰৰ আৰম্ভণিতে এপলে নিজৰ পৰৱৰ্তী চিইঅ’ৰ নাম ঘোষণা কৰিব পাৰে।
টিম কুকে ২০১১ চনত ষ্টিভ জবছে পদত্যাগ কৰাৰ পিছত এপলৰ দায়িত্ব লয়।উল্লেখ্য যে টিম কুক ১৯৯৮ চনত এপলত যোগদান কৰিছিল।
এপলৰ অপাৰেচন টিমক নতুন দিশলৈ লৈ যাবলৈ ষ্টিভ জবছে টিম কুকক নিযুক্তি দিছিল।২০০৫ চনৰ পৰা ২০১১ চনলৈকে তেওঁ কোম্পানীটোৰ মুখ্য পৰিচালন বিষয়া হিচাপে কাৰ্যনিৰ্বাহ কৰিছিল।
এই সময়ছোৱাত তেওঁ আইপড, মেকবুক, আইফোন, আইপেড আদি সামগ্ৰীৰ বাবে বিশ্বৰ মঞ্চত যোগান শৃংখল শক্তিশালী কৰিছিল।
লগতে পঢ়ক: Meta ই মুকলি কৰিলে নতুন AI স্পীচ মডেল; বুজি পাব ১৬০০ ৰো অধিক ভাষা
