গাজাৰ শান্তি ব’ৰ্ডত যোগদান কৰিবলৈ ভাৰতক আমন্ত্ৰণ জনাইছে আমেৰিকাই।এই ব’ৰ্ডখন আমেৰিকাৰ ৰাষ্ট্ৰপতি ড’নাল্ড ট্ৰাম্পৰ পৰিকল্পনাৰ দ্বিতীয় পৰ্যায়।
গাজাত শান্তি প্ৰতিষ্ঠা কৰিবৰ বাবে প্ৰচেষ্টা তীব্ৰতৰ হৈ গৈছে।এই প্ৰচেষ্টাসমূহৰ অংশ হিচাপে ভাৰতকো গাজাৰ ‘শান্তি ব’ৰ্ড’ত যোগদান কৰিবলৈ আমন্ত্ৰণ জনোৱা হৈছে।
গাজাৰ সংকট সমাধানৰ বাবে ভাৰতক ‘শান্তি ব’ৰ্ড’ৰ অংশ হ’বলৈ আমেৰিকাৰ ৰাষ্ট্ৰপতি ড’নাল্ড ট্ৰাম্পে আমন্ত্ৰণ জনাইছে।
ইজৰাইল আৰু পেলেষ্টাইন উভয়ৰে সৈতে ভাৰতৰ ঐতিহাসিক সম্পৰ্ক আছে, আৰু তাত সংঘাত আৰম্ভ হোৱাৰ পিছত হে ভাৰতে মিস্ৰ মাজেৰে গাজালৈ মানৱীয় সাহায্য আগবঢ়াইছে।
বৃহস্পতিবাৰে ট্ৰাম্পে গাজা শান্তি ব’ৰ্ডৰ দ্বিতীয় পৰ্যায় গঠনৰ কথা ঘোষণা কৰে,যাক তেওঁলোকে এই যুদ্ধৰ অন্ত পেলোৱাৰ বাবে এক গুৰুত্বপূৰ্ণ পদক্ষেপ বুলি গণ্য কৰে।
এই শান্তি ব’ৰ্ডে গাজাৰ দৈনন্দিন কাম-কাজ চম্ভালিবলৈ এখন কাৰিকৰী সমিতিৰ তদাৰক কৰিব আৰু এইটো যুদ্ধবিৰতিৰ ফ্ৰেমৱৰ্কৰ অংশ হ’ব।
গাজা ষ্ট্ৰিপত স্থিতিশীলতা অনা আৰু ইয়াৰ পুনৰ গঠনৰ বাবে কৌশল প্ৰণয়ন কৰাটোৱেই হৈছে শান্তি ব’ৰ্ডৰ উদ্দেশ্য।
ট্ৰাম্পৰ পৰিকল্পনাৰ মতে,গাজাক পুনৰ বাসযোগ্য কৰি তুলিবলৈ প্ৰয়োজনীয় ধন সংগ্ৰহ কৰা হ’ব,যাতে অঞ্চলটোৰ পৰিস্থিতি প্ৰতিটো স্তৰতে উন্নত হ’ব পাৰে।
এই শান্তি ব’ৰ্ডত যোগদান কৰিবলৈ আমেৰিকাই ভাৰতৰ বাহিৰেও কমেও চাৰিখন দেশক আমন্ত্ৰণ জনাইছে।এই পৰিকল্পনাৰ চনদৰ সৈতে পৰিচিতসকলে,যদি কোনো দেশে স্থায়ী সদস্যপদ বিচাৰে তেন্তে ১ বিলিয়ন মাৰ্কিন ডলাৰ বৰঙণি আগবঢ়াব লাগিব,যদিও তিনি বছৰৰ বাবে সদস্যপদ লাভ কৰিবলৈ কোনো আৰ্থিক প্ৰতিশ্ৰুতিৰ প্ৰয়োজন নাই।
লগতে পঢ়ক: ‘দানত দিয়া বস্তু নহয় যে যাকে-তাকে দিম’; ট্ৰাম্পৰ ইচ্ছাক ভেঙুচালি নোবেল ফাউণ্ডেচনৰ
