ঘোষণা কৰা হ’ল WPL ৰ সূচী
ভাৰতীয় ক্ৰিকেট নিয়ন্ত্ৰণ ব’ৰ্ডে ২৯ নৱেম্বৰ (শনিবাৰে) মহিলা প্ৰিমিয়াৰ লীগ ২০২৬ৰ সূচী প্ৰকাশ কৰে।৯ জানুৱাৰীৰ পৰা ৫ ফেব্ৰুৱাৰীলৈ অনুষ্ঠিত হ’ব WPLৰ চতুৰ্থ ছিজন।
নৱী মুম্বাই আৰু বডোদৰাত অনুষ্ঠিত হ’ব এই খেল।ছিজনৰ উদ্বোধনী মেচখন নভি মুম্বাইত অনুষ্ঠিত হ’ব,য’ত মুম্বাই ইণ্ডিয়ানছ (এম আই) আৰু ৰয়েল চেলেঞ্জাৰছ বেংগালুৰু (আৰ চি বি)ৰ মাজত মুখামুখি হ’ব।
৯ জানুৱাৰীৰ পৰা ১৭ জানুৱাৰীলৈ চলিবলগীয়া নভি মুম্বাই লেগত মুঠ ১১খন খেল অনুষ্ঠিত হ’ব।
ইয়াৰ পিছত লীগখন বাডোদাৰালৈ স্থানান্তৰিত হ’ব,য’ত প্লে অফকে ধৰি বাকী ১১খন মেচ অনুষ্ঠিত হ’ব।বাডোদাৰা লেগত প্ৰথমখন খেলত গুজৰাট জায়েন্টছ (জি জি) আৰু ৰয়েল চেলেঞ্জাৰছ বাংগালুৰুৰ মাজত অনুষ্ঠিত হ’ব।
ইয়াৰ পিছতে দিল্লী কেপিটেলছ (ডি চি) আৰু মুম্বাই ইণ্ডিয়ানছৰ মাজত সংঘৰ্ষ হ’ব,যিখন হ’ব ২০২৫ চনৰ ফাইনেলৰ ৰিমেচ।
