প্ৰধানমন্ত্ৰী মোদীৰ সম্বোধন
২১ জুলাই সোমবাৰৰ পৰা আৰম্ভ হৈছে সংসদৰ বৰ্ষাকালীন অধিৱেশন।বৰ্ষাকালীন অধিৱেশনত অংশগ্ৰহণৰ বাবে প্ৰধানমন্ত্ৰী মোদীকে ধৰি বিভিন্ন ৰাজনৈতিক দলৰ নেতা সংসদত উপস্থিত হৈছে।
অধিৱেশন আৰম্ভ হোৱাৰ পূৰ্বে সংসদ কমপ্লেক্সত সংবাদ মাধ্যমৰ জৰিয়তে দেশবাসীক সম্বোধন কৰে প্ৰধানমন্ত্ৰী নৰেন্দ্ৰ মোদীয়ে।
প্ৰধানমন্ত্ৰী মোদীয়ে সম্বোধন কৰি কয় যে, “সংসদৰ এই বৰ্ষাকালীন অধিৱেশন বিজয় উদযাপনৰ দৰে। আন্তঃৰাষ্ট্ৰীয় মহাকাশ কেন্দ্ৰত ভাৰতীয় পতাকা উত্তোলন কৰাটো প্ৰতিজন ভাৰতীয়ৰ বাবে গৌৰৱৰ মুহূৰ্ত”।
‘সকলো সাংসদ আৰু দেশবাসীয়ে এক কণ্ঠত এই কৃতিত্বৰ প্ৰশংসা কৰিব।ই আমাৰ ভৱিষ্যত অভিযানৰ বাবে প্ৰেৰণা হিচাপে কাম কৰিব।”
“এই বাৰিষা অধিবেশন বিজয়ৰ উদযাপন। সমগ্ৰ বিশ্বই ভাৰতৰ সামৰিক শক্তিক স্বীকাৰ কৰিছে।অপাৰেচন সেন্দুৰত ভাৰতীয় সেনাই ১০০% লক্ষ্যত উপনীত হৈছে”।
” অপাৰেচন সেন্দুৰৰ অধীনত ২২ মিনিটৰ ভিতৰতে সন্ত্ৰাসবাদীৰ আত্মগোপন স্থান শেষ কৰি দিয়া হৈছে”।
“অপাৰেচন সেন্দূৰৰ অধীনত ২২ মিনিটৰ ভিতৰতে সন্ত্ৰাসবাদীৰ স্থান ধ্বংসস্তুপলৈ পৰিণত কৰা হয়। মেড ইন ইণ্ডিয়াৰ সামৰিক শক্তিৰ এই নতুন ৰূপটোৰ প্ৰতি বিশ্ব অতি আকৰ্ষিত হৈছে”।
“বৰ্তমান যেতিয়াই পৃথিৱীৰ বিভিন্ন ঠাইৰ মানুহ লগ পাওঁ, তেতিয়াই ভাৰতে নিৰ্মাণ কৰা মেড ইন ইণ্ডিয়া অস্ত্ৰৰ প্ৰতি বিশ্বৰ আকৰ্ষণ বৃদ্ধি পাইছে।”
“আজি আমাৰ নিৰাপত্তা বাহিনীয়ে নক্সালবাদৰ অন্ত পেলোৱাৰ নতুন আত্মবিশ্বাস আৰু সংকল্প লৈ আগবাঢ়িছে।আজি বহু জিলা নক্সালবাদৰ পৰা মুক্ত।আমি গৌৰৱান্বিত যে ভাৰতীয় সংবিধানে নক্সালবাদৰ বিৰুদ্ধে জয়লাভ কৰিছে।’ৰঙা কৰিডৰ’বোৰ ‘সেউজীয়া বৃদ্ধিৰ অঞ্চল’লৈ ৰূপান্তৰিত হৈছে।”
লগতে পঢ়ক: অপাৰেচন সেন্দূৰৰ পৰা ট্ৰাম্পলৈ; আজিৰে পৰা আৰম্ভ সংসদৰ বৰ্ষাকালীন অধিৱেশন
