আজিৰ সময়ত পৰিৱৰ্তিত জীৱনশৈলী, ভুল খাদ্যাভ্যাস আৰু জিনীয় কাৰণত কম বয়সতে চুলি বগা হৈ পৰে । ২৫ৰ পৰা ৩০ বছৰ বয়সৰ যুৱক-যুৱতীসকলেও এই সমস্যাৰ সন্মুখীন হ’বলগীয়া হয় যাৰ বাবে তেওঁলোকৰ মাজত লাজ আৰু আত্মবিশ্বাসৰ অভাৱ স্পষ্টকৈ দেখা যায় ।
চুলি পকা কেনেকৈ প্ৰতিহত কৰিব পাৰি ?
যদিও কম বয়সতে চুলি পকাৰ এটাতকৈ অধিক কাৰণ থাকিব পাৰে, তথাপি ভিটামিন চিৰ অভাৱত এই সমস্যাৰ সৃষ্টি হ’ব পাৰে । এই পুষ্টিকৰ উপাদানটোক এস্ক’ৰবিক এচিড বুলিও কোৱা হয়, যিয়ে চুলি বগা অথবা পকাত বাধা দিয়াই নহয়, চুলি সৰা সমস্যাও দূৰ কৰে ।
ভিটামিন চিৰ অভাৱ হ’বলৈ নিদিব-
ভিটামিন চিয়ে কলাজেন উৎপাদনত সহায় কৰে যিয়ে চুলি পকাত বাধা দিয়ে । ইয়াৰ বাহিৰেও চুলি মজবুত হৈ পৰে আৰু ইয়াৰ শুষ্কতাও নাইকিয়া হয় । এই কাৰণেই স্বাস্থ্য বিশেষজ্ঞসকলে চুলিৰ উন্নত বৃদ্ধিৰ বাবে ভিটামিন চি সমৃদ্ধ খাদ্য খোৱাৰ পৰামৰ্শ দিয়ে ।
ভিটামিন চিৰ অভাৱ কেনেকৈ প্ৰতিৰোধ কৰিব পাৰি ?
ভিটামিন চি বহু প্ৰকাৰৰ ফল-মূলত পোৱা যায় । যদি আপুনি প্ৰতিদিনে প্ৰায় ৪ গ্ৰাম এই পুষ্টিকৰ পদাৰ্থ সেৱন কৰে তেন্তে মূৰৰ তেজৰ সঞ্চালন উন্নত হ’ব, যাৰ ফলত আপুনি চুলিৰ সকলো সমস্যাৰ পৰা সকাহ পাব ।
এইবোৰ বস্তুত ভিটামিন চি থাকে-
ভিটামিন চি পাবলৈ এইবোৰ ফল যেনে কমলা, আঙুৰ, আনাৰস, ব্লেকবেৰী, অমিতা আদি সেৱন কৰিব লাগে । শাক-পাচলিৰ কথা ক’লে, কবি, ব্ৰকলি, পালেং আৰু বিলাহী খালে বহু উপকাৰ লাভ কৰিব ।
