ভাৰতে ভংগ কৰিলে অষ্ট্ৰেলিয়াৰ বিশ্ব অভিলেখ
মহিলা বিশ্বকাপ ২০২৫ৰ ছেমি ফাইনেলত ভাৰতীয় দলটোৱে অষ্ট্ৰেলিয়াৰ দলটোক ৫ উইকেটত পৰাস্ত কৰে।জয় পঞ্জীয়ন কৰাৰ পাছত ভাৰতে ফাইনেলত প্ৰৱেশ কৰে।
এই মেচখনত জেমিমা ৰড্ৰিগেজে ভাৰতৰ হৈ বেটিং কৰাৰ এক সুন্দৰ নিদৰ্শন দাঙি ধৰিলে। তেওঁ অপৰাজিত হৈ ১২৭ ৰান সংগ্ৰহ কৰি দলটোক জয়ী হোৱাত গুৰুত্বপূৰ্ণ ভূমিকা পালন কৰিছিল।
টছত জয়লাভ কৰাৰ পাছত অষ্ট্ৰেলিয়াৰ দলটোৱে প্ৰথমে বেটিং কৰাৰ সিদ্ধান্ত লয়। ইয়াৰ পিছত ফীবি লিচফিল্ডৰ শতকৰ বাবেই কেংগাৰু দলটোৱে ৩৩৮ ৰানৰ বিশাল লক্ষ্য নিৰ্ধাৰণ কৰে।
ভাৰতৰ বাবে এই লক্ষ্যত উপনীত হোৱাটো সহজ নহ’ব,কিন্তু ভাৰতীয় দলৰ হৈ জেমিমাহ ৰড্ৰিগেছে (১২৭ ৰান), হৰমনপ্ৰীত কৌৰে (৮৯ ৰান), ৰিচা ঘোষ আৰু দীপ্তি শৰ্মাই ভাল ইনিংছ খেলিছিল। এই খেলুৱৈসকলৰ বলত ভাৰতে শক্তিশালী অষ্ট্ৰেলিয়ান দলটোক পৰাস্ত কৰে।
ভাৰতীয় দলটোৱে নিজৰ বেটছমেনৰ বলত ৩৩৯ ৰানৰ লক্ষ্যত উপনীত হৈ ইতিহাস ৰচনা কৰিছে।ভাৰতে মহিলাৰ এদিনীয়া ক্ৰিকেটৰ ইতিহাসৰ সৰ্ববৃহৎ লক্ষ্যত উপনিত হৈছে আৰু অষ্ট্ৰেলিয়াৰ বিশ্ব অভিলেখ ভংগ কৰিছে।
এইটো প্ৰথমবাৰৰ বাবে সংঘটিত হৈছে যে, যেতিয়া যিকোনো এদিনীয়া বিশ্বকাপৰ নকআউট মেচত (পুৰুষ আৰু মহিলা উভয়তে) ৩০০ ৰানতকৈ অধিক লক্ষ্য বান্ধি দিছিল আৰু সেই বিশ্ব অভিলেখ ভাৰতে ভংগ কৰিছে।
ইয়াৰ পূৰ্বে ২০১৫ চনৰ এদিনীয়া বিশ্বকাপৰ ছেমি ফাইনেলত নিউজিলেণ্ডৰ পুৰুষ দলে দক্ষিণ আফ্ৰিকাৰ বিৰুদ্ধে ২৯৮ ৰানৰ লক্ষ্যত উপনীত হয়,যিটো আছিল নকআউটত সৰ্বাধিক স্ক’ৰ চেজ।কিন্তু এতিয়া ভাৰতীয় মহিলা দলটোৱে এই অভিলেখ অতিক্ৰম কৰিছে।
লগতে পঢ়ক: ইতিহাস সৃষ্টি: অষ্ট্ৰেলিয়াক পৰাস্ত কৰি ফাইনেলত প্ৰৱেশ ভাৰতীয় মহিলা ক্ৰিকেট দলৰ..
