ভাৰত-আমেৰিকাৰ মাজত মেগা চুক্তি স্বাক্ষৰ
ভাৰতৰ বাবে ৯৩ মিলিয়ন ডলাৰৰ সামৰিক পেকেজত অনুমোদন জনাইছে আমেৰিকাই,ইয়াৰ পিছত ভাৰতে এতিয়া জেভেলিন এণ্টি টেংক মিছাইল আৰু এক্সকেলিবাৰ প্ৰিচিচন গাইডেড আৰ্টিলাৰী ৰাউণ্ডৰ নতুন চালান ক্ৰয় কৰিবলৈ সক্ষম হ’ব।
এই অনুমোদনৰ অধীনত ভাৰতে লাভ কৰিব ১০০টা FGM-148 জেভেলিন মিছাইল,২৫টা লাইট কমাণ্ড লঞ্চ ইউনিট আৰু ২১৬টা এক্সকেলিবাৰ আৰ্টিলাৰী ৰাউণ্ডৰ ব্যৱস্থা কৰা হ’ব।
প্ৰতিৰক্ষা নিৰাপত্তা সহযোগিতা সংস্থাই এই প্ৰস্তাৱৰ বিষয়ে আনুষ্ঠানিকভাৱে আমেৰিকাৰ কংগ্ৰেছক অৱগত কৰিছে।
সংস্থাটোৱে কয় যে এই চুক্তিৰ অধীনত ভাৰতে জীৱনচক্ৰৰ সহায়, সুৰক্ষা পৰিদৰ্শন,অপাৰেটৰ প্ৰশিক্ষণ, লঞ্চ ইউনিটৰ নৱীকৰণ আৰু সম্পূৰ্ণ কাৰ্য্যকৰী ক্ষমতাৰ বাবে প্ৰয়োজনীয় অন্যান্য কাৰিকৰী সহায়ও বিচৰা হৈছে।
ডি এছ চি এয়ে কয় যে, এই প্ৰতিৰক্ষা পেকেজে আমেৰিকা আৰু ভাৰতৰ মাজত কৌশলগত অংশীদাৰিত্ব আৰু অধিক শক্তিশালী কৰিব।
ইয়াৰ ফলত ভাৰতৰ বৰ্তমান আৰু ভৱিষ্যতে উদীয়মান ভাবুকি প্ৰতিহত কৰাৰ ক্ষমতা বৃদ্ধি পাব।বিবৃতিটোত উল্লেখ কৰা হৈছে যে ভাৰতে এই অস্ত্ৰ-শস্ত্ৰ আৰু সঁজুলিসমূহ সামৰিক গাঁথনিত কোনো সমস্যা নোহোৱাকৈ সন্নিৱিষ্ট কৰিবলৈ সক্ষম হ’ব।
প্ৰায় ৪৭ মিলিয়ন ডলাৰৰ এক্সকেলিবাৰ গাইডযুক্ত আৰ্টিলাৰী ৰাউণ্ড বিক্ৰীৰ বাবেও আমেৰিকাই অনুমোদন জনাইছে,যাৰ বাবে মুঠ মূল্য প্ৰায় ৯৩ মিলিয়ন ডলাৰ হৈছেগৈ।সংস্থাটোৱে স্পষ্ট কৰি দিয়ে যে এই চুক্তিয়ে আঞ্চলিক সামৰিক ভাৰসাম্যত কোনো প্ৰভাৱ পেলাব নোৱাৰে।
আমেৰিকা চৰকাৰেও কয় যে এই চুক্তিত এতিয়ালৈকে কোনো ধৰণৰ অফছেট চুক্তিৰ কোনো তথ্য নাই আৰু ভৱিষ্যতে ভাৰত আৰু অস্ত্ৰ নিৰ্মাতা কোম্পানীসমূহৰ মাজত এনে এক চুক্তিৰ সিদ্ধান্ত ল’ব পৰা যাব।
লগতে পঢ়ক: পুটিনৰ ভাৰত ভ্ৰমণৰ পূৰ্বে মস্কোত ৰাছিয়াৰ ৰাষ্ট্ৰপতিক সাক্ষাৎ জয়শংকৰৰ
