Oracle ডাটা চুৰিৰ আঁৰত বৃহৎ চাইবাৰ আক্ৰমণ

পুনৰ এবাৰ প্ৰযুক্তিৰ জগতখনত এক ডাঙৰ ভাবুকিৰ সৃষ্টি হৈছে। Alphabetৰ কোম্পানী গুগলে সতৰ্কবাণী জাৰি কৰিছে যে হেকাৰে এতিয়া কোম্পানীসমূহৰ শীৰ্ষ কাৰ্যবাহীসকলক লক্ষ্য কৰি ভাবুকিপূৰ্ণ ইমেইল প্ৰেৰণ কৰিছে।

এই ইমেইলসমূহত দাবী কৰা হৈছে যে হেকাৰে Oracle E-Business Suite ৰ পৰা স্পৰ্শকাতৰ তথ্য চুৰি কৰিছিল আৰু যদিহে কোম্পানীসমূহে মুক্তিপণ নিদিয়ে তেন্তে এই তথ্য ৰাজহুৱা কৰা হ’ব।

আটাইতকৈ ডাঙৰ চিন্তাটো হ’ল এই ইমেইলবোৰ কুখ্যাত ক্লপ ৰেনছমৱেৰ গ্ৰুপৰ সৈতে জড়িত বুলি কোৱা হৈছে,যিয়ে ইতিমধ্যে বৃহৎ পৰিসৰৰ চাইবাৰ আক্ৰমণ সংঘটিত কৰিছে।

গুগলৰ মতে, হেকাৰে কেইবাটাও কোম্পানীৰ জ্যেষ্ঠ কাৰ্যবাহীলৈ ইমেইল প্ৰেৰণ কৰি এইটো দাবী কৰিছে যে, তেওঁলোকে অৰেকলৰ ব্যৱসায়িক এপ্লিকেচনৰ পৰা বিত্তীয় আৰু কাৰ্য্যকৰী তথ্য চুৰি কৰিছিল।

অৱশ্যে গুগলে স্পষ্ট কৰি দিছে যে প্ৰকৃততে তথ্য চুৰি হৈছে নে নাই তাৰ কোনো প্ৰমাণ এতিয়াও পোৱা নাই।আমোদজনক কথাটো হ’ল, গুগলে এই ইমেইলৰ বলি হোৱা কিমান কোম্পানী বা কোন বিষয়াও হৈছে সেই কথাও প্ৰকাশ কৰা নাই।

অর্থাৎ এই মুহূৰ্তত পৰিস্থিতি সম্পূৰ্ণৰূপে স্পষ্ট হোৱা নাই,কিন্তু এইটো নিশ্চিত যে ক্লপৰ দৰে ৰেনছমৱেৰ গ্ৰুপে অহৰহ নতুন নতুন কৌশল বিকশিত কৰি আছে আৰু কৰ্পৰেট ডাটা এটা ডাঙৰ অস্ত্ৰ হৈ পৰিছে।

লগতে পঢ়ক: “সন্তানৰ স্বাস্থ্যৰ বাবে নেটফ্লিক্স বাতিল কৰক”; ইলন মাস্কে বাতিল কৰিলে নেটফ্লিক্সৰ চাবস্ক্ৰিপচন