হুইলচেয়াৰ ব্যৱহাৰ কৰা এগৰাকী মহিলাই মহাকাশলৈ উৰা মাৰি ৰচিলে ইতিহাস । এইগৰাকী জাৰ্মান অভিযন্তা মহাকাশলৈ যোৱা হুইলচেয়াৰ ব্যৱহাৰ কৰা প্ৰথমগৰাকী ব্যক্তিক পৰিগণিত হৈছে ।

এগৰাকী জাৰ্মান পেৰাপ্লেজিক(কঁকালৰ তলচোৱা পক্ষাঘাতগ্ৰস্ত) অভিযন্তাই ৰচিলে ইতিহাস । মাইকেলা বেন্থাউছ হুইলচেয়াৰ ব্যৱহাৰ কৰা প্ৰথমগৰাকী ব্যক্তিত পৰিগণিত হৈছে যিয়ে মহাকাশলৈ উৰা মাৰিছে । শনিবাৰে আমেৰিকাৰ পশ্চিম টেক্সাছৰ পৰা উৰা মাৰিছিল আৰু মহাকাশত ওজনহীনতা অনুভৱ কৰাৰ লগে লগে শূণ্যতে উপঙি পৃথিৱীখন চাই তেওঁ ।

দুৰ্ঘটনাত আহত হৈছিল মাইকেলা বেন্থাউছ-

সাত বছৰ পূৰ্বে মাউণ্টেন বাইক দুৰ্ঘটনাত গুৰুতৰভাৱে আঘাতপ্ৰাপ্ত হোৱাৰ পিছত মাইকেলা বেন্থাউছ খোজ কাঢ়িব নোৱৰা হয় । ইয়াৰ পিছতো তেওঁ আমাজনৰ প্ৰতিষ্ঠাপক জেফ বেজোছৰ মালিকানাধীন কোম্পানী ব্লু অৰিজিনৰ ৰকেট উৰণত অংশগ্ৰহণ কৰে । এই বিশেষ বিমানখনত তেওঁৰ লগত আছিল জাৰ্মানীত জন্মগ্ৰহণ কৰা স্পেচএক্সৰ প্ৰাক্তন জ্যেষ্ঠ কাৰ্যবাহী হান্স ক’নিগছমেন । তেওঁ বেন্থাউছৰ ভ্ৰমণৰ আয়োজন আৰু পৃষ্ঠপোষকতা কৰাত সহায় কৰিছিল । অৱশ্যে টিকটৰ মূল্য প্ৰকাশ কৰা হোৱা নাই ।

উৰণৰ বাবে কৰা হৈছিল সামান্য পৰিৱৰ্তন-

প্ৰায় ১০ মিনিটৰ এই উপকক্ষীয় উৰণৰ বাবে মাত্ৰ সামান্য পৰিৱৰ্তনৰ প্ৰয়োজন হৈছিল । ব্লু অৰিজিনৰ মতে, তেওঁলোকৰ নিউ শ্বেপাৰ্ড কেপচুল ইতিমধ্যে বিভিন্ন ক্ষমতাৰ লোকৰ বাবে ডিজাইন কৰা হৈছে । কেপচুলত এটা বিশেষ ট্ৰেন্সফাৰ বৰ্ড স্থাপন কৰা হৈছিল যাতে মাইকেলা সহজেই নিজৰ আসনলৈ যাব পাৰে । অৱতৰণ কৰাৰ পিছত লগে লগে মৰুভূমিত কাৰ্পেট লগোৱা হয় যাতে তেওঁৰ হুইল চেয়াৰলৈ সহজে যাব পাৰে । ইতিমধ্যে লঞ্চ পেডত উপস্থিত থকা এটা লিফটে সাত মহল ওপৰৰ কেপচুলটোত প্ৰৱেশ সম্ভৱ কৰি তুলিছিল ।

ইউৰোপীয় মহাকাশ সংস্থাৰ স্নাতক প্ৰশিক্ষাৰ্থী কাৰ্যসূচীৰ অংশ আছিল মাইকেলা-

৩৩ বছৰীয়া মাইকেলা বেন্থাউছ নেদাৰলেণ্ডত ইউৰোপীয় স্পেচ সংস্থাৰ স্নাতক প্ৰশিক্ষাৰ্থী কাৰ্যসূচীৰ অংশ । ২০২২ চনত পেৰাবলিক বিমানৰ জৰিয়তে ওজনহীনতাৰ অভিজ্ঞতা লাভ কৰিছিল আৰু পিছলৈ পোলেণ্ডত দুসপ্তাহৰ চিমুলেটেড স্পেচ অভিযানত অংশগ্ৰহণ কৰিছিল । উৰণৰ পূৰ্বে তেওঁ কয়, “মই কেতিয়াও ভবা নাছিলো যে মহাকাশ ভ্ৰমণ মোৰ বাবে বাস্তৱিক বিকল্প হ’ব । দুৰ্ঘটনাৰ পিছত এই সপোনটো আৰু অধিক দূৰৈৰ যেন লাগিছিল, কিয়নো বিশেষভাৱে সক্ষম লোকসকলে মহাকাশ ভ্ৰমণ কৰাৰ কোনো ইতিহাস নাছিল ।”

এইটো আছিল ব্যক্তিগত মিছন আৰু ইএছএ প্ৰত্যক্ষভাৱে জড়িত নাছিল । চলিত বৰ্ষৰ আৰম্ভণিতে ইএছএয়ে সংৰক্ষিত মহাকাশচাৰী জন মেকফ’লক ভৱিষ্যতে আন্তঃৰাষ্ট্ৰীয় মহাকাশ কেন্দ্ৰলৈ উৰণৰ বাবে অনুমোদন জনাইছিল । মেকফ’লে অংগচ্ছেদ হোৱাৰ পিছত কৃত্ৰিম ভৰি ব্যৱহাৰ কৰে, আনহাতে বেন্থাউছে খোজ কাঢ়িব নোৱাৰে । ক’নিগছমেনক বিশেষভাৱে জৰুৰীকালীন অৱস্থাত সহায় কৰাৰ দায়িত্ব দিয়া হৈছিল ।

মাইকেলা বেন্থাউছে কয় যে তেওঁ নিজৰ সকলো কাম নিজেই কৰিব বিচাৰিছিল । তেওঁৰ লক্ষ্য হৈছে কেৱল মহাকাশতে নহয়, পৃথিৱীতো বিশেষভাৱে সক্ষম লোকসকলৰ বাবে সুবিধা বৃদ্ধি কৰা । তেওঁ কয়, “আশাকৰোঁ ইয়াৰ দ্বাৰা মোৰ দৰে মানুহৰ বাবে দুৱাৰ মুকলি হ’ব । মই বিচাৰো যে মই মাত্ৰ আৰম্ভণিহে হওঁ ।” এই উৰণৰ জৰিয়তে ব্লু অৰিজিনৰ মুঠ মহাকাশচাৰীৰ সংখ্যা ৮৬ জন হ’ল । কোম্পানীটোৱে চন্দ্ৰলৈ লেণ্ডাৰ প্ৰেৰণ আৰু ডাঙৰ ৰকেট ব্যৱহাৰ কৰি মিছন উৎক্ষেপণৰ কাম কৰি আছে ।

লগতে পঢ়ক : ইছৰোৰ বাহুবলী ৰকেটে উৎক্ষেপণ কৰিব আমেৰিকাৰ আটাইতকৈ গধুৰ যোগাযোগ উপগ্ৰহ