জ্বলি আছে বাংলাদেশ। অধিক উত্তপ্ত হৈছে প্ৰতিবাদ। ওছমান হাদীৰ সমৰ্থকে ইউনুছে চৰকাৰক বান্ধি দিলে ২৪ ঘণ্টাৰ সময়সীমা।

বাংলাদেশত শ্বৰীফ ওছমান হাদীৰ মৃত্যুৰ পিছত আৰম্ভ হোৱা হিংসাত্মক পৰিস্থিতি অধিক উত্তপ্ত হৈ পৰিছে।ৰাজধানী ঢাকাত বৃহৎ সংখ্যক হিংসাত্মক প্ৰতিবাদ দেখিবলৈ পোৱা গৈছে।ইফালে ওছমান হাদীক সমাধিস্থ কৰাৰ পাছত বেৰিকেড ভাঙি প্ৰতিবাদকাৰীসকলে সংসদ ভৱনত প্ৰৱেশ কৰে।

ওছমান হাদীৰ মৃত্যুৰ পিছত প্ৰতিবাদকাৰীৰ আটাইতকৈ ডাঙৰ দাবী হৈছে হত্যাকাৰীক শাস্তি দিয়া উচিত।ইয়াৰ সমান্তৰালকৈ গৃহ পৰিক্ৰমা উপদেষ্টা লেফটেনেণ্ট জেনেৰেল (অৱসৰপ্ৰাপ্ত) মহম্মদ জাহাংগীৰ আলম চৌধুৰীৰ পদত্যাগৰ দাবীও তীব্ৰতৰ হৈ পৰিছে।প্ৰতিবাদকাৰীৰ অভিযোগ যে হাদীক গুলীয়াই হত্যা কৰাৰ এসপ্তাহৰ পাছতো হত্যাকাৰী ধৰা পৰা নাই।

ওছমান হাদীক সমাধিস্থ কৰাৰ পিছত তেওঁৰ সমৰ্থকসকলে ইউনুছ চৰকাৰক ভাবুকি দিছে।হাদীৰ সমৰ্থকসকলে ইউনুছ চৰকাৰক ২৪ ঘণ্টাৰ সময়সীমা বান্ধি দিছে।

এই সময়ত সমৰ্থকসকলে ইউনুছ চৰকাৰক কৈছে যে, যদি ২৪ ঘন্টাৰ ভিতৰত হাদীৰ সকলো হত্যাকাৰীক গ্ৰেপ্তাৰ নকৰে তেন্তে আন্দোলন আৰু ডাঙৰ হ’ব।

লগতে পঢ়ক: জ্বলি আছে বাংলাদেশ; ঢাকা বিশ্ববিদ্যালয় চৌহদত ওছমান হাদীক সমাধিস্থ কৰাৰ প্ৰস্তুতি,হাই এলাৰ্ট জাৰি

ঢাকা বিশ্ববিদ্যালয় চৌহদত সমাধিস্থ কৰা হ’ব শ্বৰীফ ওছমান হাদীক।দেশখনৰ বিভিন্ন স্থানত জাৰি কৰা হৈছে হাই এলাৰ্ট।

ইনকলাব মঞ্চৰ মুখপাত্ৰ শ্বৰীফ ওছমান হাদীৰ জানাজাৰ প্ৰাৰ্থনা শনিবাৰে বিয়লি ২ বজাত ঢাকাৰ সংসদ ভৱনৰ (জাতীয় সংগসাদ ভৱন) চাউথ প্লাজাত সম্পন্ন কৰা হ’ব।

এই সন্দৰ্ভত মুখ্য উপদেষ্টা মহম্মদ ইউনুছৰ প্ৰেছ উইঙে আনুষ্ঠানিকভাৱে নিশ্চিত কৰিছে।বাংলাদেশৰ জাতীয় কবি কাজী নজৰুল ইছলামৰ সমাধিৰ সমীপত হাদীক সমাধিস্থ কৰা হ’ব।

জানাজাৰ বাবে কঠোৰ নিৰাপত্তাৰ ব্যৱস্থা কৰা হৈছে আৰু সৰ্বসাধাৰণ ৰাইজক আহ্বান জনোৱা হৈছে যে লগত কোনো ধৰণৰ বেগ বা গধুৰ বস্তু নানিব।লগতে সংসদ ভৱনৰ ভিতৰত আৰু ইয়াৰ আশে-পাশে ড্ৰ’ন উৰুৱাও সম্পূৰ্ণৰূপে নিষিদ্ধ কৰা হৈছে।

ঢাকা বিশ্ববিদ্যালয়ৰ কেন্দ্ৰীয় ছাত্ৰ সন্থাৰ মুক্তিযুদ্ধ আৰু গণতান্ত্ৰিক আন্দোলনৰ সম্পাদিকা ফাতিমা তাছনিম জুমাই কয় যে, পৰিয়ালৰ ইচ্ছা অনুসৰি শ্বৰীফ ওছমান হাদীক ঢাকা বিশ্ববিদ্যালয় চৌহদৰ কেন্দ্ৰীয় মছজিদৰ সমীপত থকা জাতীয় কবি কাজী নজৰুল ইছলামৰ সমাধিৰ সমীপৰ কাষতে তেওঁক সমাধিস্থ কৰা হ’ব।তেওঁ কয় যে বিয়লিৰ নামাজৰ অন্তত মাণিক মিঞা এভিনিউত জানাজা সম্পন্ন কৰা হ’ব।

হাদীৰ মৃত্যুত মুখ্য উপদেষ্টা অধ্যাপক মহম্মদ ইউনুছে শনিবাৰে এটা দিনৰ বাবে ৰাজ্যিক শোক ঘোষণা কৰা হৈছে।শুকুৰবাৰে সন্ধিয়া ছিংগাপুৰৰ পৰা ঢাকালৈ অনা হয় হাদীৰ মৃতদেহ ।

লগতে পঢ়ক: ওছমান হাদীৰ মৃত্যুৰ পিছতে জ্বলিছে বাংলাদেশ;দুটাকৈ সংবাদ প্ৰতিষ্ঠানত অগ্নি সংযোগ