কামেং হিমালয়ৰ প্ৰহৰী বুলি গণ্য কৰা অৰুণাচল প্ৰদেশৰ সৰ্বোচ্চ শৃংগ মাউণ্ট কাংটো প্ৰথমবাৰৰ বাবে সফলতাৰে আৰোহণ কৰিবলৈ সক্ষম হৈছে ভাৰতীয় সেনাৰ এটা দলে ।

ভাৰতীয় সেনাৰ ইষ্টাৰ্ণ কমাণ্ডৰ এটা পৰ্বতাৰোহী দলে কামেং হিমালয়ৰ প্ৰহৰী বুলি গণ্য কৰা অৰুণাচল প্ৰদেশৰ সৰ্বোচ্চ শৃংগ মাউণ্ট কাংটো (৭,০৪২ মিটাৰ) সফলতাৰে আৰোহণ কৰিবলৈ সক্ষম হৈছে ।

প্ৰতিৰক্ষাৰ বিভাগৰ এগৰাকী মুখপাত্ৰই আজি কয় যে এই আৰোহণ অতি প্ৰত্যাহ্বানজনক দক্ষিণৰ পথেৰে কৰা হৈছে, যিটো ভয়ংকৰ মাউণ্ট কাংটোৰ প্ৰথমটো  সফল আৰোহণ হিচাপে চিহ্নিত হৈছে ।

বিজয়ী দলটোক আনুষ্ঠানিকভাৱে “ফ্লেগ ইন” কৰে ইষ্টাৰ্ণ কমাণ্ডৰ সেনা অধিনায়ক লেফটেনেণ্ট জেনেৰেল আৰ চি তিৱাৰীয়ে আৰু অত্যন্ত কঠিন পৰিস্থিতিতো পৰ্বতাৰোহীসকলক তেওঁলোকৰ প্ৰচণ্ড সাহস, অনুশাসন আৰু শক্তিৰ বাবে প্ৰশংসা কৰে তেওঁ ।

যোৱা ৩ নৱেম্বৰত গজৰাজ কৰ্পছৰ জেনেৰেল অফিচাৰ কমাণ্ডিঙে ১৮ জনীয়া অভিযানকাৰী দলটোক ফৰৱাৰ্ড বেছৰ পৰা ফ্লেগ অফ কৰিছিল । দলটোৱে পূব হিমালয়ৰ কিছুমান আটাইতকৈ প্ৰত্যাহ্বানমূলক ভূখণ্ড অতিক্ৰম কৰিছিল, উচ্চ উচ্চতা, কম বায়ুৰ চাপ, শূন্যৰ তলৰ উষ্ণতা, বৰফৰ শৃংগ, গভীৰ ফাট আৰু প্ৰায় উলম্ব বৰফৰ দেৱালৰ সন্মুখীন হৈছিল ।

গুৱাহাটীস্থিত প্ৰতিৰক্ষা পি আৰ অ’ লেফটেনেণ্ট কৰ্ণেল মহেন্দ্ৰ ৰাৱাটে প্ৰকাশ কৰিছে যে, এই কঠিন পৰিস্থিতিৰ মাজতো পৰ্বতাৰোহীসকলে সেনাবাহিনীৰ চিহ্নিত গুণ– অতুলনীয় ধৈৰ্য, দলীয় কাম, পেছাদাৰিত্ব আৰু অদম্য মনোভাৱ প্ৰদৰ্শন কৰিছিল আৰু শেষত পৰ্বতাৰোহীসকলে দীৰ্ঘদিন ধৰি অৰ্জন কৰিব নোৱৰা এক কৃতিত্ব অৰ্জন কৰিছে ।

লগতে পঢ়ক : মহাকাশত অলকানন্দা… ভাৰতীয় বিজ্ঞানীৰ বৃহৎ সফলতা