মহিলা সংৰক্ষণ বিধেয়কত ভোটদানৰ পূৰ্বে প্ৰধানমন্ত্ৰী মোদীয়ে সকলো দললৈ আবেদন জনাইছে। তেওঁ সকলোকে মহিলা সংৰক্ষণ বিধেয়কৰ সপক্ষে ভোটদান কৰিবলৈ আহ্বান কৰিছে।

সংসদৰ বিশেষ অধিৱেশনৰ আজি দ্বিতীয় দিন। ১৮ এপ্ৰিললৈকে চলি থকা এই অধিবেশনৰ প্ৰথম দিনাই মহিলা সংৰক্ষণ বিধেয়ক উত্থাপন কৰা হয়।আজি এই বিধেয়কসমূহৰ ওপৰত পুনৰ লোকসভাত আলোচনা হৈ আছে, আৰু বিয়লি ৪ বজাত ভোটদান হ’ব পাৰে।ইফালে, ৰাজ্যসভাৰ উপ অধ্যক্ষ হিচাপে বিনা প্ৰতিদ্বন্দ্বিতাত নিৰ্বাচিত হৈছে হৰিবাঞ্চ নাৰায়ণ।প্ৰধানমন্ত্ৰী নৰেন্দ্ৰ মোদীয়ে তেওঁক অভিনন্দন জনায়।

বিধেয়ক ৩ খন গৃহীত কৰিবলৈ ৩৬০ টা ভোটৰ প্ৰয়োজন হ’ব। তাৰে শাসকীয় পক্ষত ২৯৩ জন সাংসদৰ ভোট থকাৰ বিপৰিতে বিৰোধী শিবিৰত ২৪১ জন সাংসদৰ ভোট আছে। এই বিধেয়ক কেইখন গৃহীত হ’বলৈ এতিয়া চৰকাৰক অতিৰিক্ত ৬৭ টা ভোটৰ প্ৰয়োজন আছে।

ভোটদানৰ পূৰ্বে প্ৰধানমন্ত্ৰী নৰেন্দ্ৰ মোদীয়ে টুইট কৰি সকলো দলকে আহ্বন জনাইছে। প্ৰধানমন্ত্ৰী গৰাকীয়ে লিখিছে- মই সকলো সংসদ সদস্যক কৈছো। নিজৰ ঘৰৰ মা, ভন্তি, কন্যা আৰু পত্নীক চিন্তাত ৰাখি নিজৰ অন্তৰ্নিহিত মাত শুনক।দেশৰ মহিলাসকলৰ সেৱা আৰু শ্ৰদ্ধাঞ্জলি জনোৱাৰ এয়া এক গুৰুত্বপূৰ্ণ সুযোগ। এই সংশোধনী বিধেয়ক খন সৰ্বসন্মতিক্ৰমে গৃহীত হ’লে দেশৰ মহিলাসকল আৰু অধিক ক্ষমতাশালী হ’ব।আহক… আজি আমি একেলগে ইতিহাস ৰচনা কৰো।ভাৰতৰ মহিলাসকলক…দেশৰ আধা জনসংখ্যাক তেওঁলোকৰ উচিত প্ৰাপ্য প্ৰদান কৰো।

প্ৰধানমন্ত্ৰী গৰাকীয়ে আৰু লিখিছে, চাৰি দশক ধৰি মহিলা সংৰক্ষণৰ বিষয়টোক লৈ দেশত বহু ৰাজনীতি চলি আহিছে। এতিয়া দেশৰ আধা জনসংখ্যাই নিশ্চিতভাৱে নিজৰ অধিকাৰ লাভ কৰাৰ সময় আহি পাইছে৷স্বাধীনতাৰ ইমান দশকৰ পাছতো সিদ্ধান্ত গ্ৰহণ প্ৰক্ৰিয়াত ভাৰতীয় মহিলাৰ ইমান কম প্ৰতিনিধিত্ব অব্যাহত থকাটো ঠিক নহয়।কিছু সময়ৰ ভিতৰতে লোকসভাত ভোটগ্ৰহণ হ’ব বুলি জানিব পৰা গৈছে।সকলো ৰাজনৈতিক দলকে আহ্বান জনাইছো… তেওঁলোকক আবেদন জনাইছো…অনুগ্ৰহ কৰি এটা চিন্তাশীল আৰু সম্পূৰ্ণ স্পৰ্শকাতৰ সিদ্ধান্ত লওক; মহিলা সংৰক্ষণৰ সপক্ষে ভোটদান কৰক।

লগতে পঢ়ক: বিতৰ্কৰ মাজতে মাজনিশা বলবৎ হ’ল মহিলা সংৰক্ষণ আইন, ২০২৩; আজি হ’ব ভোটগ্ৰহণ