পবিত্ৰ বৰদিনৰ পুৱাই দিল্লীৰ দ্য কেথেড্ৰেল চাৰ্চ অৱ দ্য ৰিডেম্পচনত উপস্থিত হয় প্ৰধানমন্ত্ৰী মোদী ।

আজি পবিত্ৰ বৰদিন । এই পবিত্ৰ দিনটোত প্ৰধানমন্ত্ৰী নৰেন্দ্ৰ মোদীয়ে দিল্লী আৰু উত্তৰ ভাৰতৰ খ্ৰীষ্টান সম্প্ৰদায়ৰ সৈতে দিল্লীৰ কেথেড্ৰেল চাৰ্চ অৱ দ্য ৰিডেম্পচনত বৰদিনৰ পুৱাৰ প্ৰাৰ্থনাত অংশগ্ৰহণ কৰে । এই প্ৰাৰ্থনা সভাত প্ৰাৰ্থনা, কেৰল, গীত আৰু দিল্লীৰ বিচপ ৰেভাৰেণ্ড ড° পল স্বৰূপৰ দ্বাৰা প্ৰধানমন্ত্ৰীৰ বাবে বিশেষ প্ৰাৰ্থনা কৰা হয় ।

প্ৰধানমন্ত্ৰী মোদীয়ে এক্সত শ্বেয়াৰ কৰিলে ফটো-

ছ’চিয়েল মিডিয়া প্লেটফৰ্ম এক্সৰ এটা পোষ্টত প্ৰধানমন্ত্ৰীয়ে লিখিছে, “দিল্লীৰ কেথেড্ৰেল চাৰ্চ অৱ দ্য ৰিডেম্পচনত বৰদিনৰ পুৱাৰ সেৱাত অংশগ্ৰহণ কৰো । এই প্ৰাৰ্থনাত প্ৰেম, শান্তি আৰু কৰুণাৰ চিৰন্তন বাৰ্তা প্ৰতিফলিত হৈছিল । মই আশা কৰিছো বৰদিনে আমাৰ সমাজত সমন্বয় আৰু ভাতৃত্ববোধৰ প্ৰেৰণা যোগাব ।”

আন এটা পোষ্টত প্ৰধানমন্ত্ৰী মোদীয়ে গীৰ্জা ভ্ৰমণ কৰাৰ ভিডিঅ’ শ্বেয়াৰ কৰি লিখিছে, “খ্ৰীষ্টমাছে নতুন আশা, প্ৰেম আৰু দয়াৰ প্ৰতিশ্ৰুতি কঢ়িয়াই আনিব । ইয়াত দ্য কেথেড্ৰেল চাৰ্চ অৱ দ্য ৰিডেম্পচনত বৰদিনৰ পুৱাৰ সেৱাৰ কিছু আভাস দিয়া হ’ল ।”

সকলোকে বৰদিনৰ শুভেচ্ছা জনালে প্ৰধানমন্ত্ৰী মোদীয়ে-

ইয়াৰ পূৰ্বে এক্সৰ এটা পোষ্টত প্ৰধানমন্ত্ৰী মোদীয়ে লিখিছে, “সকলোকে শান্তি, কৰুণা আৰু আশাৰে ভৰা বৰদিনৰ আনন্দ কামনা কৰিলোঁ । যীশু খ্ৰীষ্টৰ শিক্ষাই আমাৰ সমাজত সমন্বয় শক্তিশালী কৰক ।”

লগতে পঢ়ক : আজি প্ৰাক্তন প্ৰধানমন্ত্ৰী অটল বিহাৰী বাজপেয়ীৰ ১০১ সংখ্যক জন্ম জয়ন্তী, প্ৰধানমন্ত্ৰী-ৰাষ্ট্ৰপতিয়ে কৰিলে স্মৰণ