সন্ত্ৰাসবাদৰ বিৰুদ্ধে বৃহৎ ব্যৱস্থা গ্ৰহণ কৰি ভাৰতে মঙলবাৰে নিশা ১.৩০ বজাত ৯টা পাকিস্তানৰ সন্ত্ৰাসবাদী ঘাটিত বিমান আক্ৰমণ চলায় । এই আক্ৰমণৰ নাম দিয়া হৈছে ‘অপাৰেচন সিন্দুৰ’ । এই অভিযান আছিল তিনিওটা সেনাৰ যৌথ অভিযান । ভাৰতৰ শক্তিশালী বাহিনীয়ে পাকিস্তানৰ ৪টা স্থান আৰু PoKৰ ৫টা স্থানক লক্ষ্য কৰি লয় । ভাৰতীয় চোৰাংচোৱা সংস্থা RAW-এ সকলো লক্ষ্য চিনাক্ত কৰিছিল, তাৰ পিছত সম্পূৰ্ণ পৰিকল্পনাৰে লস্কৰ আৰু জৈছৰ ঘাটিত আক্ৰমণ কৰা হৈছিল । ভাৰতে কোন কোন ঠাই আক্ৰমণ কৰিছিল আৰু আন্তঃৰাষ্ট্ৰীয় সীমান্তৰ পৰা কিমান দূৰত আছে জানক ।

বাহাৱালপুৰ– আন্তঃৰাষ্ট্ৰীয় সীমান্তৰ পৰা প্ৰায় ১০০ কিলোমিটাৰ দূৰত্বত অৱস্থিত, জয়ছ-ই-মহম্মদৰ মুখ্য কাৰ্যালয় আছিল, যি ভাৰতে ধ্বংসস্তুপত পৰিণত কৰে ।

মুৰিদকে- আন্তঃৰাষ্ট্ৰীয় সীমান্তৰ পৰা ৩০ কিলোমিটাৰ দূৰত্বত অৱস্থিত এই স্থান সন্ত্ৰাসবাদীৰ আত্মগোপনৰ স্থান । ২৬/১১ৰ মুম্বাই আক্ৰমণৰ সৈতে জড়িত লস্কৰ-ই-তৈবা শিবিৰৰ আছিল ইয়াত ।

গুলপুৰ- এই সন্ত্ৰাসবাদী আত্মগোপনৰ স্থান LoC (পুঞ্চ-ৰাজৌৰী)ৰ পৰা ৩৫ কিলোমিটাৰ দূৰত্বত অৱস্থিত ।

লস্কৰ কেম্প ছাৱাই– এই সন্ত্ৰাসবাদী আত্মগোপনৰ স্থান পি অ’ কে টাংধৰ ছেক্টৰৰ ভিতৰত ৩০ কিলোমিটাৰ দূৰত্বত অৱস্থিত ।

বিলাল কেম্প- জয়ছ-ই-মহম্মদৰ লঞ্চপেড, এই আত্মগোপন স্থানৰ সহায়ত সীমান্তৰ সিপাৰে সন্ত্ৰাসবাদী প্ৰেৰণ কৰা হৈছিল ।

কোটলি– LoC ৰ পৰা ১৫ কিলোমিটাৰ দূৰত্বত অৱস্থিত লস্কৰ শিবিৰ । এইটো আছিল ৫০টাতকৈ অধিক সন্ত্ৰাসবাদীক ৰখাৰ ক্ষমতা থকা আত্মগোপনৰ স্থান ।

বৰনালা কেম্প- এই সন্ত্ৰাসবাদী আত্মগোপনৰ স্থান LoC ৰ পৰা ১০ কিলোমিটাৰ দূৰত আছিল ।

চৰজাল কেম্প- সাম্বা-কথুৱাৰ বিপৰীতে আন্তঃৰাষ্ট্ৰীয় সীমান্তৰ পৰা ৮ কিলোমিটাৰ দূৰত্বত অৱস্থিত জয়ছৰ প্ৰশিক্ষণ কেন্দ্ৰ ।

৯ মেহমুনা কেম্প (শিয়ালকোটৰ ওচৰত)–  ই হিজবুল মুজাহিদীনৰ প্ৰশিক্ষণ শিবিৰ আছিল আৰু আন্তঃৰাষ্ট্ৰীয় সীমান্তৰ পৰা ১৫ কিলোমিটাৰ দূৰত্বত অৱস্থিত আছিল ।

লক্ষ্য বাছনি কৰাৰ ক্ষেত্ৰত ভাৰতে সংযম প্ৰয়োগ কৰিলেঃ প্ৰতিৰক্ষা মন্ত্ৰালয়

ভাৰতৰ বিমান আক্ৰমণৰ পিছত প্ৰতিৰক্ষা মন্ত্ৰালয়ে জাৰি কৰা এক প্ৰেছ বিজ্ঞপ্তিত কোৱা হৈছে যে ‘কিছু সময়ৰ আগতে ভাৰতীয় সশস্ত্ৰ বাহিনীয়ে পাকিস্তান আৰু পি অ’ কেত অৱস্থিত সন্ত্ৰাসবাদী আন্তঃগাঁথনি লক্ষ্য কৰি ‘অপাৰেচন সিন্দুৰ’ আৰম্ভ কৰিছিল, য’ৰ পৰা ভাৰতৰ বিৰুদ্ধে সন্ত্ৰাসবাদী আক্ৰমণৰ পৰিকল্পনা আৰু কাৰ্যকৰী কৰা হৈছিল ।’ লগতে কোৱা হৈছে যে এই আক্ৰমণত মুঠ ৯ টা স্থানক লক্ষ্য কৰি লোৱা হৈছিল ।

ইয়াত স্পষ্টকৈ কোৱা হৈছে যে আমাৰ কাৰ্য্য অপ্ৰৰোচনামূলক । কোনো পাকিস্তানী সামৰিক প্ৰতিষ্ঠানক লক্ষ্য কৰি লোৱা হোৱা নাই । ভাৰতে নিজৰ লক্ষ্য বাছনি কৰাৰ ক্ষেত্ৰত সংযম অব্যাহত ৰাখিছে ।

বুধবাৰে নিশা ১.৩০ বজাত ভাৰতে ‘অপাৰেচন সিন্দুৰ’ আৰম্ভ কৰি সন্ত্ৰাসবাদৰ বিৰুদ্ধে এক বৃহৎ পদক্ষেপ গ্ৰহণ কৰে । তিনিওটা বাহিনীৰ যৌথ অভিযানত পাকিস্তান আৰু পাক অধিকৃত কাশ্মীৰৰ ৯টা সন্ত্ৰাসবাদী আত্মগোপন স্থানত লক্ষ্য নিৰ্ধাৰণ কৰি আক্ৰমণ চলোৱা হয় । ইয়াৰ ভিতৰত পাকিস্তান পঞ্জাৱৰ বাহাৱালপুৰত অৱস্থিত জৈছ-ই-মহম্মদ (JeM) আৰু মুৰিদকেত অৱস্থিত লস্কৰ-ই-তৈবা (LeT)ৰ মুখ্য কাৰ্যালয় আছে । ভাৰতীয় বাহিনীয়ে সংঘটিত কৰা এই আক্ৰমণত কোনো পাকিস্তানী সামৰিক ঘাটি লক্ষ্য কৰি লোৱা হোৱা নাই । ভাৰতে স্পষ্ট কৰি দিছে যে ভাৰতৰ বিৰুদ্ধে সন্ত্ৰাসবাদী কাৰ্যকলাপৰ পৰিকল্পনা কৰা ঠাইবোৰত এই আক্ৰমণ সংঘটিত হৈছিল ।

পাকিস্তানী সেনাৰ এগৰাকী মুখপাত্ৰই বি বি চিক দিয়া এক সাক্ষাৎকাৰত নিশ্চিত কৰিছে যে ভাৰতীয় বায়ুসেনাই বাহাৱালপুৰ আৰু মুৰিদকে লক্ষ্য কৰি লৈছিল । উল্লেখ্য যে জয়ছ-ই-মহম্মদৰ মুখ্য কাৰ্যালয় বাহাৱালপুৰত, যিটো ১৯৯৯ চনত ইণ্ডিয়ান এয়াৰলাইন্সৰ আই চি-৮১৪ বিমান অপহৰণৰ বিনিময়ত মুকলি কৰি দিয়া মাছুদ আজহাৰৰ দুৰ্গ হৈ আহিছে । এই সন্ত্ৰাসবাদী সংগঠনটোৱে ভাৰতত সংসদ ভৱন আক্ৰমণ(২০০১), জম্মু-কাশ্মীৰ বিধানসভা আক্ৰমণ (২০০০), পাঠানকোট এয়াৰবেছ আক্ৰমণ (২০১৬) আৰু পুলৱামা আত্মঘাতী আক্ৰমণ (২০১৯)দৰে কাণ্ডত জড়িত হৈ আহিছে ।

লাহোৰৰ পৰা প্ৰায় ৩০ কিলোমিটাৰ নিলগত অৱস্থিত মুৰিদকে হাফিজ ছইদৰ নেতৃত্বত গঠিত লস্কৰ-ই-তৈবাৰ দুৰ্গ হিচাপে পৰিগণিত হৈ আহিছে । এই সংগঠনটো ২৬/১১ মুম্বাই আক্ৰমণৰ মাষ্টাৰমাইণ্ড আৰু ভাৰতৰ অন্যান্য চহৰ যেনে বেংগালুৰু, হায়দৰাবাদ আৰু জম্মু-কাশ্মীৰতো সন্ত্ৰাসবাদী আক্ৰমণৰ লগত জড়িত হৈ আহিছে । ৰাষ্ট্ৰসংঘই ঘোষণা কৰা সন্ত্ৰাসবাদী হাফিজ ছইদ ভাৰতৰ মষ্ট ৱাণ্টেড তালিকাত অন্তৰ্ভুক্ত ।

পাকিস্তানত বিমান আক্ৰমণৰ পিছত ভাৰতীয় সেনাক প্ৰশংসা কৰি প্ৰতিৰক্ষা মন্ত্ৰী ৰাজনাথ সিঙৰ বক্তব্য প্ৰকাশ পাইছে, তেওঁ লিখিছে – ‘ভাৰত মাতা কি জয়’ ।

এই অভিযানৰ সময়ত পাকিস্তানৰ সামৰিক সুবিধাসমূহ লক্ষ্য কৰা হোৱা নাছিল । এই কাৰ্য্যৰ প্ৰকৃত উদ্দেশ্য সন্ত্ৰাসবাদ নিৰ্মূল কৰা আৰু চুবুৰীয়া দেশখনৰ সৈতে সংঘাত বৃদ্ধি কৰা নহয় । ভাৰতৰ ২৫৯টা স্থানত অনুষ্ঠিত হ’বলগীয়া ম’ক ড্ৰিলৰ কেইঘণ্টামান পূৰ্বে ভাৰতীয় বায়ুসেনাই এই আক্ৰমণ চলাই । এই আক্রমণ সন্দর্ভত চৰকাৰে দিয়া বক্তব্যৰ লগে লগে ভাৰতীয় সেনাই টুইট কৰি ন্যায় লাভ কৰা বুলি কয় ৷

প্ৰতিৰক্ষা মন্ত্ৰালয়ে প্ৰকাশ কৰা এক প্ৰেছ বিজ্ঞপ্তিত কোৱা হৈছে যে, “কিছু সময়ৰ পূৰ্বে ভাৰতীয় সশস্ত্ৰ বাহিনীয়ে পাকিস্তান আৰু পাক অধিকৃত কাশ্মীৰৰ সন্ত্ৰাসবাদী আন্তঃগাঁথনি লক্ষ্য কৰি ‘অপাৰেচন সিন্দুৰ’ আৰম্ভ কৰিছিল য’ৰ পৰা ভাৰতৰ বিৰুদ্ধে সন্ত্ৰাসবাদী আক্ৰমণৰ পৰিকল্পনা আৰু কাৰ্যকৰী কৰা হৈছিল ।” বিবৃতিটোত কোৱা হৈছে যে মুঠ ৯ টা স্থানক লক্ষ্য কৰি লোৱা হৈছিল । ইয়াত স্পষ্টকৈ কোৱা হৈছে যে আমাৰ কাৰ্য্য অপ্ৰৰোচনামূলক । কোনো পাকিস্তানী সামৰিক প্ৰতিষ্ঠানক লক্ষ্য কৰি লোৱা হোৱা নাই । ভাৰতে নিজৰ লক্ষ্য বাছনি কৰাৰ ক্ষেত্ৰত সংযম অব্যাহত ৰাখিছে ।

একে সময়তে পাকিস্তানত ভাৰতৰ বিমান আক্ৰমণৰ পিছত আমেৰিকাৰ বিদেশ মন্ত্ৰালয়ৰ মুখপাত্ৰই কয় যে আমি প্ৰতিবেদনৰ জৰিয়তে তথ্য লাভ কৰিছো, যদিও এই সময়ত আমাৰ হাতত কোনো তথ্য না ই। আমি ইয়াৰ ওপৰত তীক্ষ্ণ নিৰীক্ষণ কৰি আছো ।

উল্লেখ্য যে,  ২২ এপ্ৰিলত জম্মু-কাশ্মীৰৰ পহলগামত সন্ত্ৰাসবাদী আক্ৰমণ সংঘটিত হৈছিল, য’ত ২৬জন নিৰীহ লোকে প্ৰাণ হেৰুৱাইছিল । এই আক্ৰমণৰ পিছত ভাৰতে পাকিস্তানৰ বিৰুদ্ধে বহু কঠোৰ নিষেধাজ্ঞা আৰোপ কৰিছিল । ইয়াৰ লগতে প্ৰধানমন্ত্ৰী মোদীয়ে তিনিওটা শক্তিকে সন্ত্ৰাসবাদৰ বিৰুদ্ধে ব্যৱস্থা গ্ৰহণৰ বাবে মুক্ত হাত দিছিল ।

জম্মু-কাশ্মীৰৰ পহলগামত সংঘটিত সন্ত্ৰাসবাদী আক্ৰমণৰ প্ৰতিশোধ ল’লে ভাৰতে । চলি থকা উত্তেজনাৰ মাজতে ভাৰতে পাকিস্তান অধিকৃত কাশ্মীৰৰ ৯টা সন্ত্ৰাসবাদী শিবিৰত আক্ৰমণ কৰে ভাৰতে । পহলগাম সন্ত্ৰাসবাদী আক্ৰমণৰ ১৫ দিনৰ পাছতে এই প্ৰতিশোধ লৈছে ভাৰতে । তথ্য অনুসৰি ভাৰতে পাকিস্তান আৰু পাকিস্তান অধিকৃত কাশ্মীৰৰ সন্ত্ৰাসবাদী ঘাটিত বিমান আক্ৰমণ চলাইছে । ভাৰতীয় সশস্ত্ৰ বাহিনীয়ে এই অভিযানৰ নাম ৰাখিছে ‘অপাৰেচন সিন্দুৰ’ ।

অপাৰেচন সিন্দুৰৰ অধীনত ভাৰতীয় সেনা, নৌসেনা আৰু বায়ুসেনাই যৌথ অভিযান চলাই পাকিস্তান আৰু পাকিস্তান অধিকৃত কাশ্মীৰৰ কেইবাটাও স্থানত আক্ৰমণ চলাই । সন্ত্ৰাসবাদীক নিৰ্মূল কৰিবলৈ ভাৰতীয় বাহিনীয়ে নিখুঁত ষ্ট্ৰাইক ব্যৱহাৰ কৰে । লগে লগে ভাৰতৰ মাটিৰ পৰা সন্ত্ৰাসবাদীক শিক্ষা দিছে ভাৰতীয় সেনাই ।

৯টা স্থানৰ ভিতৰত চাৰিটা পাকিস্তানত আৰু পাঁচটা পাকিস্তান অধিকৃত কাশ্মীৰত-

সূত্ৰ অনুসৰি ভাৰতীয় সেনাই সফলতাৰে লক্ষ্য কৰি লোৱা ৯টা স্থানৰ ভিতৰত চাৰিটা পাকিস্তানত আৰু ৫টা পাকিস্তান অধীকৃত কাশ্মীৰত । পাকিস্তানৰ ঘাটিসমূহৰ ভিতৰত আছে বাহাৱালপুৰ, মুৰিদকে আৰু শিয়ালকোট । সন্ত্ৰাসবাদী শিবিৰক লক্ষ্য কৰি বিশেষ নিখুঁত অস্ত্ৰ ব্যৱহাৰ কৰা হৈছিল । তিনিওটা বাহিনীয়ে যৌথভাৱে এই অভিযান চলায় । ভাৰতত সন্ত্ৰাসবাদী কাৰ্যকলাপৰ পৃষ্ঠপোষকতাত লোৱা ভূমিকাৰ বাবে জয়ছ-ই-মহম্মদ আৰু লস্কৰৰ শীৰ্ষ নেতৃত্বক লক্ষ্য কৰি ভাৰতীয় সেনাই এই আক্ৰমণৰ স্থান নিৰ্বাচন কৰে ।

প্ৰতিৰক্ষা মন্ত্ৰালয়ে কয় যে ভাৰতৰ বিৰুদ্ধে সন্ত্ৰাসবাদী আক্ৰমণৰ পৰিকল্পনা আৰু নিৰ্দেশ য’ৰ পৰাই আহিছিল ভাৰতীয় বাহিনীয়ে সেই সন্ত্ৰাসবাদী আন্তঃগাঁথনি লক্ষ্য কৰি লৈছে । মুঠতে ৯টা স্থানক লক্ষ্য কৰি লোৱা হৈছিল । আমাৰ কাৰ্য্যসমূহ কেন্দ্ৰীভূত, পূৰ্ব পৰিকল্পিত আৰু অ-উগ্ৰ প্ৰকৃতিৰ হৈ আহিছে । কোনো পাকিস্তানী সামৰিক সুবিধাক লক্ষ্য কৰি লোৱা হোৱা নাছিল ।

লক্ষ্য বাছনি আৰু আক্ৰমণৰ ধৰণত ভাৰতে যথেষ্ট সংযম দেখুৱাইছে বুলি মন্ত্ৰালয়ে কয় । পহলগামত ২৫ জন ভাৰতীয় আৰু এজন নেপালী নাগৰিক নিহত হোৱা নৃশংস সন্ত্ৰাসবাদী আক্ৰমণৰ পৰিপ্ৰেক্ষিতত এই পদক্ষেপ গ্ৰহণ কৰা হৈছে । এই আক্ৰমণৰ বাবে দায়ীসকলক জবাবদিহি কৰা হ’ব কোৱা আমাৰ প্ৰতিশ্ৰুতি পালন কৰিছো । ‘অপাৰেচন সিন্দুৰ’ সন্দৰ্ভত বিতং তথ্য শীঘ্ৰে প্ৰদান কৰা হ’ব বুলি মন্ত্ৰালয়ে জানিবলৈ দিয়ে ।