জম্মু-কাশ্মীৰৰ পহলগামত সংঘটিত সন্ত্ৰাসবাদী আক্ৰমণৰ পিছতে প্ৰধানমন্ত্ৰী নৰেন্দ্ৰ মোদীয়ে ছৌদি আৰৱ ভ্ৰমণ আধাতে বাতিল কৰি বুধবাৰে পুৱা দিল্লীলৈ উভতি আহে । এন এছ এ অজিত ডোভাল, বৈদেশিক মন্ত্ৰী এছ. জয়শংকৰ আৰু বৈদেশিক সচিবে তেওঁক পহলগাম আক্ৰমণৰ বিষয়ে অৱগত কৰে ।

ইয়াৰ পূৰ্বে মঙলবাৰে প্ৰধানমন্ত্ৰী মোদীয়ে ছৌদি আৰৱৰ পৰাই কাশ্মীৰৰ পৰিস্থিতিৰ মূল্যায়ন কৰিছিল । জম্মু-কাশ্মীৰৰ পহলগামত সংঘটিত আক্ৰমণ সন্দৰ্ভত প্ৰধানমন্ত্ৰী মোদী আৰু ছৌদি আৰৱৰ ক্ৰাউন প্ৰিন্স মহম্মদ বিন ছালমানৰ মাজত আলোচনা হয় । মহম্মদ বিন ছলমানে এই সন্ত্ৰাসবাদী আক্ৰমণক গৰিহণা দিয়ে । এই সময়ছোৱাত দুয়োখন দেশৰ নেতাসকলে কৌশলগত অংশীদাৰিত্ব পৰিষদৰ সহ-অধ্যক্ষ হিচাপে কাম কৰে, যাৰ লক্ষ্য হৈছে দুয়োখন দেশৰ মাজত বন্ধুত্ব আৰু অধিক শক্তিশালী কৰা ।

মঙলবাৰে দুদিনীয়া ভ্ৰমণসূচীৰে জেদ্দাত উপস্থিত হোৱা প্ৰধানমন্ত্ৰী মোদীয়ে কাশ্মীৰৰ পৰিস্থিতিৰ বুজ ল’বলৈ ক্ৰাউন প্ৰিন্সৰ সৈতে হোৱা নিৰ্ধাৰিত বৈঠক প্ৰায় দুঘণ্টা পিছুৱাই দিয়ে । পহলগামত সন্ত্ৰাসবাদীয়ে ২৬ জন লোকক হত্যা কৰে, ইয়াৰে অধিকাংশই পৰ্যটক । এই আক্ৰমণ ২০১৯ চনত পুলৱামা আক্ৰমণৰ পিছত সংঘটিত হোৱা আটাইতকৈ মাৰাত্মক আক্ৰমণ ।

নৈশ ভোজত অংশ নল’লে প্ৰধানমন্ত্ৰী মোদীয়ে-

সূত্ৰ অনুসৰি, প্ৰধানমন্ত্ৰী মোদীয়ে ছৌদি ক্ৰাউন প্ৰিন্সৰ সৈতে দ্বিপাক্ষিক আলোচনাত মিলিত হৈছিল যদিও নৈশ ভোজত উপস্থিত নহৈ মঙলবাৰে নিশা তেওঁৰ ভ্ৰমণ বাতিল কৰি দেশলৈ উভতি যোৱাৰ সিদ্ধান্ত লয় ।

দুদিনীয়া ভ্ৰমণৰ বাবে ছৌদি আৰৱলৈ গৈছিল প্ৰধানমন্ত্ৰীগৰাকী । বুধবাৰে প্ৰধানমন্ত্ৰীগৰায়ে নিৰাপত্তা সম্পৰ্কীয় কেবিনেট কমিটীৰ বৈঠকত অংশগ্ৰহণ কৰিব ।

অহা সপ্তাহত বেংককত অনুষ্ঠিত হ’বলগীয়া বিমষ্টেক সন্মিলনত প্ৰধানমন্ত্ৰী নৰেন্দ্ৰ মোদী আৰু বাংলাদেশৰ অন্তৱৰ্তীকালীন উপদেষ্টা মহম্মদ ইউনুছৰ মাজৰ বৈঠকৰ বাবে বাংলাদেশে প্ৰস্তুতি চলাইছে । বাংলাদেশে কয় যে তেওঁলোকে ভাৰতৰ সঁহাৰিৰ বাবে অপেক্ষা কৰি আছে । বাংলাদেশৰ বৈদেশিক সচিব মহম্মদ জাছিম উদ্দিনে কয় যে আমি এই বৈঠকৰ বাবে সম্পূৰ্ণ সাজু । ভাৰতৰ ইতিবাচক সঁহাৰিৰ বাবে আমি অপেক্ষা কৰি আছো ।

শেহতীয়াকৈ বাংলাদেশে ভাৰতলৈ এখন পত্ৰ প্ৰেৰণ কৰি ২ এপ্ৰিলৰ পৰা ৪ এপ্ৰিললৈ থাইলেণ্ডত অনুষ্ঠিত হ’বলগীয়া বিমষ্টেক সন্মিলনত প্ৰধানমন্ত্ৰী মোদী আৰু মহম্মদ ইউনুছৰ মাজত বৈঠকৰ প্ৰস্তাৱ দিছিল । ভাৰতে এই সন্দৰ্ভত এতিয়াও কোনো সঁহাৰি দিয়া নাই । অৱশ্যে প্ৰধানমন্ত্ৰী মোদীয়ে সন্মিলনত অংশগ্ৰহণ কৰিব নে নাই সেয়া এতিয়াও সিদ্ধান্ত লোৱা নাই । বাংলাদেশৰ বৈদেশিক সচিব জাছিম উদ্দিনে স্বীকাৰ কৰে ভাৰত-বাংলাদেশৰ সম্পৰ্কত উত্তেজনা আছে । দুয়োগৰাকী নেতাৰ মাজত দ্বিপাক্ষিক বৈঠক হ’লে সম্পৰ্ক উন্নত হ’ব পাৰে বুলিও তেওঁ কয় ।

বিমষ্টেকত অংশগ্ৰহণ কৰাৰ লগতে চীন ভ্ৰমণো কৰিব ইউনুছে-

বাংলাদেশৰ অন্তৱৰ্তীকালীন উপদেষ্টা মহম্মদ ইউনুছে ২ এপ্ৰিলৰ পৰা ৪ এপ্ৰিললৈ বেংককত অনুষ্ঠিত হ’বলগীয়া বিমষ্টেক শীৰ্ষ সন্মিলনত অংশগ্ৰহণ কৰিব । ইয়াৰ পূৰ্বে তেওঁ তিনিদিনীয়া চীন ভ্ৰমণো কৰিব । ইয়াত তেওঁ হাইনান প্ৰদেশত অনুষ্ঠিত হ’বলগীয়া ব’য়াও ফ’ৰাম ফৰ এছিয়া (বি এফ এ)ৰ বাৰ্ষিক সন্মিলনত অংশগ্ৰহণ কৰিব । বাংলাদেশৰ বৈদেশিক মন্ত্ৰালয়ে প্ৰকাশ কৰিছে যে মহম্মদ ইউনুছে চীনৰ ৰাষ্ট্ৰপতি জি জিনপিঙৰ সৈতে দ্বিপাক্ষিক বৈঠকত মিলিত হ’ব । এই সময়ত সীমান্তৰ সিপাৰে তিস্তা নদীৰ জলাশয়ৰ বিষয়টো আলোচনা কৰাৰ সম্ভক্ষাৱনা আছে । বৈদেশিক সচিবগৰাকীয়ে কয় যে এই ভ্ৰমণৰ এজেণ্ডাত তিষ্টা নাই । ই নেতাসকলৰ ইচ্ছাৰ ওপৰত নিৰ্ভৰ কৰিব ।