CPCৰ তালিকাত অন্তৰ্ভূক্ত নাইজেৰিয়া

আমেৰিকাৰ ৰাষ্ট্ৰপতি ড’নাল্ড ট্ৰাম্পে কয় যে নাইজেৰিয়াত খ্ৰীষ্টান ধৰ্ম আজি অস্তিত্বৰ ভাবুকিৰ সন্মুখীন হৈছে।তেওঁ ঘোষণা কৰে যে আমেৰিকাই নাইজেৰিয়াক ষ্টেট ডিপাৰ্টমেণ্টৰ বিশেষ ৱাচলিষ্টত অন্তৰ্ভুক্ত কৰিছে।

ট্ৰাম্পে নিজৰ ট্ৰুথ ছ’চিয়েল একাউণ্টত লিখিছে যে নাইজেৰিয়াত হাজাৰ হাজাৰ খ্ৰীষ্টানক হত্যা কৰা হৈছে।তেওঁলোকৰ বিৰুদ্ধে উগ্ৰ শক্তিয়ে নৰসংহাৰ চলাই আছে।এতিয়া আমেৰিকাই ইয়াক বিশেষ চিন্তাৰ দেশ বুলি ঘোষণা কৰিছে আৰু এয়া মাত্ৰ আৰম্ভণিহে।

এতিয়া আমেৰিকা প্ৰশাসনে নাইজেৰিয়াক কান্ট্ৰীজ অৱ পাৰ্টিকুলাৰ কনচাৰ্ণ (CPC) শাখাত স্থান দিছে।ইতিমধ্যে চীন, ৰাছিয়া, পাকিস্তান, উত্তৰ কোৰিয়া, ম্যানমাৰৰ দৰে দেশ এই তালিকাত অন্তৰ্ভুক্ত হৈছে।

এই শ্ৰেণীত কোনো এখন দেশক তেতিয়া অন্তৰ্ভূক্ত কৰে যেতিয়া তাত ধৰ্মীয় স্বাধীনতাৰ গুৰুতৰ উলংঘা কৰা দেখিবলৈ পোৱা যায়।

ইয়াৰ অৰ্থ এইটো নহয় যে তৎক্ষণাত অৰ্থনৈতিক নিষেধাজ্ঞা আৰোপ কৰা হ’ব, কিন্তু ইয়াৰ দ্বাৰা আমেৰিকাৰ ৰাষ্ট্ৰপতিক অধিক কূটনৈতিক বা অৰ্থনৈতিক ব্যৱস্থা গ্ৰহণৰ কৰ্তৃত্ব প্ৰদান কৰা হয়।

ট্ৰাম্পে কয় যে তেওঁ আমেৰিকাৰ হাউছ অৱ ৰিপ্ৰেজেণ্টেটিভছ এপ্ৰ’প্ৰিয়েশ্যন কমিটী আৰু সাংসদ ৰাইলী মূৰ আৰু টম কলে তেওঁলোকক এই বিষয়টোৰ তদন্ত কৰিবলৈ আহ্বান জনাইছে।

তেওঁ আৰু লিখিছে যে,“যেতিয়া নাইজেৰিয়াৰ দৰে দেশত হাজাৰ হাজাৰ নিৰীহ লোকক কেৱল ধৰ্মৰ বাবেই হত্যা কৰা হৈছে,গতিকে পৃথিৱীখন মৌন হৈ থকা উচিত নহয়।এতিয়া কিছু সুনিৰ্দিষ্ট পদক্ষেপ লোৱাৰ সময়।”

লগতে পঢ়ক: ‘উষাই হিন্দু ধৰ্ম এৰি খ্ৰীষ্টান ধৰ্ম গ্ৰহণ কৰিব লাগে’; জে ডি ভেন্সৰ মন্তব্যত তীব্ৰ সমালোচনা

নাইজেৰিয়াত এক ভয়ংকৰ ঘটনা সংঘটিত হৈছে। এখন গেছ ভৰ্তি টেংকাৰত হোৱা এক প্ৰচণ্ড বিস্ফোৰণত কেইবাজনো লোক নিহত হৈছে।

জানিব পৰা মতে শনিবাৰে পুৱতি নিশা নাইজাৰ প্ৰদেশৰ চুলেজা অঞ্চলৰ ওচৰত এই বিস্ফোৰণ সংঘটিত হয়। কিছুমান লোকে জেনেৰেটৰ ব্যৱহাৰ কৰি এখন টেংকাৰৰ পৰা আন এখন বাহনলৈ গেছ স্থানান্তৰ কৰাৰ চেষ্টা কৰি আছিল।

সেই সময়তে প্ৰচণ্ড শব্দ কৰি জ্বলি উঠিল টেংকাৰখন। বিস্ফোৰণটোস ইমানেই ভয়ংকৰ আছিল যে কেইবা মিটাৰ উচ্চতালৈ উঠিছিল জুই।সমগ্ৰ অঞ্চলৰ আকাশ ক’লা ধোঁৱাই আৱৰি ধৰিছিল।

বিস্ফোৰণটোত কমেও ৭০ জন লোকৰ মৃত্যু হৈছে। সন্দেহ কৰা হৈছে যে গেছ স্থানান্তৰৰ সময়ত লিকেজ হোৱাৰ ফলতেই দুৰ্ঘটনাটো সংঘটিত হৈছিল। বিষয়টোৰ সন্দৰ্ভত তদন্ত আৰম্ভ কৰিছে।