IIT দিল্লীয়ে প্ৰস্তুত কৰিছে AI মডেল
কেৰালাত এইবাৰ পূৰ্বাভাসৰ ৮ দিন পূৰ্বেই বাৰিষা আহিছিল। আনহাতে দিল্লীত ইয়েল্ল’ সতৰ্কবাণী জাৰি কৰাৰ পিছতো বৰষুণ হোৱা নাছিল।কিন্তু এতিয়া আৰু চিন্তা নাই।
কাৰণ IIT দিল্লীৰ বৈজ্ঞানিকে এটা নতুন কৃত্ৰিম বুদ্ধিমত্তা (AI) ভিত্তিক মডেল প্ৰস্তুত কৰিছে, যিয়ে ১৮ দিন আগতেই বাৰিষাৰ আগমনৰ ভৱিষ্যদ্বাণী কৰিব পাৰিব।
IIT দিল্লীৰ এই প্ৰযুক্তি বৰ্তমানৰ বতৰ পূৰ্বাভাস মডেলতকৈ দ্ৰুত হোৱাই নহয়, ই অধিক সঠিকও।ইয়াত ট্ৰেন্সফৰ্মাৰ নিউৰেল নেটৱৰ্ক প্ৰযুক্তি ব্যৱহাৰ কৰা হৈছে, যিটো ChatGPT ৰ দৰে আধুনিক ব্যৱস্থাতো ব্যৱহাৰ কৰা হয়।
এই গৱেষণাত অধ্যাপক ড০ সন্দীপ সুকুমাৰন, অধ্যাপক হৰিপ্ৰসাদ কোদমনা আৰু দুজন পি এইচ ডি পণ্ডিত কে এম অনিৰুদ্ধ আৰু পংকজে একেলগে কাম কৰিছে।
AI মডেল কেনেকৈ ভাল?
IIT দিল্লীৰ অধ্যাপক সন্দীপ সুকুমাৰনে কয় যে এই ট্ৰেন্সফৰ্মাৰ মডেলটো অতি উন্নত আৰু আধুনিক। তেওঁৰ গৱেষণাৰ সময়ত দেখিলে যে এই মডেলত ভুলৰ বৃদ্ধি পৰম্পৰাগত মডেলতকৈ বহু কম।
এই মডেলটোক আমেৰিকা, ব্ৰিটেইন আদি দেশৰ বতৰ পূৰ্বাভাসৰ মডেলৰ সৈতে তুলনা কৰিলে ই ভাল বুলি প্ৰমাণিত হ’ল।
তেওঁ কয় যে পৰম্পৰাগত মডেলটো চলাবলৈ বিশাল ছুপাৰ কম্পিউটাৰ আৰু বিশাল সম্পদৰ প্ৰয়োজন, আনহাতে নতুন AI মডেলটোৱে গেমিং লেপটপত ব্যৱহৃত হোৱাৰ দৰে এটা সাধাৰণ GPU ৰ সৈতেও কাম কৰিব পাৰে।
ইয়াৰ ফলত সময় ৰাহি হোৱাই নহয়, চৰকাৰী সম্পদৰ বহুখিনিও ৰাহি হ’ব।ভাৰত চৰকাৰৰ পৃথিৱী বিজ্ঞান মন্ত্ৰালয়ৰ পুঁজিৰে এই প্ৰকল্পটো ভাৰতৰ বতৰ বিজ্ঞান বিভাগৰ (আই এম ডি) সহযোগত কাম কৰি আছে।
৫ বছৰৰ তথ্যৰে কৰা অধ্যয়ন
পি এইচ ডি পণ্ডিত অনিৰুদ্ধই কয় যে তেওঁ যোৱা ৫ বছৰৰ বতৰৰ তথ্য অধ্যয়ন কৰি এ আই ভিত্তিক ট্ৰেন্সফৰ্মাৰ মডেলক পৰম্পৰাগত মডেলৰ সৈতে তুলনা কৰিছে।
ইয়াক আমেৰিকা আৰু ব্ৰিটেইনৰ বৰ্তমানৰ মডেলৰ সৈতে তুলনা কৰি তেওঁ এটা গ্ৰাফৰ জৰিয়তে বুজাই দিলে যে এআই মডেলটো কেৱল অধিক সঠিক নহয়, বৰঞ্চ ই সময় আৰু ধন দুয়োটা ৰাহি কৰে।
পৰম্পৰাগত মডেলসমূহে ছুপাৰ কম্পিউটাৰৰ সহায়ত ভৱিষ্যদ্বাণী কৰিবলৈ বহু সময় লয়, আনহাতে নতুন এআই মডেলে মাত্ৰ কেইছেকেণ্ডমানৰ ভিতৰতে ফলাফল দিব পাৰে।
লগতে পঢ়ক: এম বি এ আৰু এক্সিকিউটিভ এম বি এৰ মাজত পাৰ্থক্য কি ? কোনটো ডিগ্ৰীয়ে আপোনাক দিব অধিক দৰমহা ?
