ভূমিকম্পই কঁপালে দিল্লী-এন চি আৰ

দিল্লী-এন চি আৰত পুৱাই ভূমিকম্পৰ প্ৰচণ্ড কম্পন অনুভূত হয় । বৃহস্পতিবাৰে পুৱা ৯:০৪ বজাত অনুভূত হয় এই ভূমিকম্প । ভূমিকম্পৰ তীব্ৰতা ৰিখটাৰ স্কেলত ৪.৪ আছিল । দিল্লী, নয়ডা, গাজিয়াবাদত প্ৰায় ১০ ছেকেণ্ড ধৰি পৃথিৱী কঁপি থাকে । বৃহস্পতিবাৰে পুৱাৰে পৰা বৰষুণৰ মাজতে যেতিয়া দিল্লী-এন চি আৰত পুৱা প্ৰায় ৯:০৪ বজাত পৃথিৱী কঁপে, তেতিয়া জনতাৰ মাজত এক আতংকময় পৰিৱে্শৰ সৃষ্টি হয় । ভূমিকম্পৰ কম্পন ইমানেই প্ৰবল আছিল যে অফিচত কাম কৰা লোক আৰু ঘৰত বহি থকা সকলেও অনুভৱ কৰিছিল । দিল্লীৰ পৰা ৫১ কিলোমিটাৰ দূৰত্বত হাৰিয়ানাৰ ঝজ্জাৰত ১০ কিলোমিটাৰ গভীৰতাত ভূমিকম্পৰ কেন্দ্ৰবিন্দু আছিল বুলি জানিব পৰা গৈছে ।

দিল্লীৰ সমান্তৰালকৈ হাৰিয়ানাৰ কিছু জিলা যেনে ফৰিদাবাদ, গুৰুগ্ৰাম, জিন্দত ভূমিকম্পৰ প্ৰচণ্ড কম্পন অনুভূত হয় । এইবাৰ দিল্লীৰ খুব ওচৰৰ হাৰিয়ানাত আছিল কেন্দ্ৰবিন্দু । ভূমিকম্পৰ কেন্দ্ৰবিন্দু অতি ওচৰত থকাৰ বাবে দিল্লী-এন চি আৰত প্ৰবল কঁম্পন অনুভূত হয় ।

লগতে পঢ়ক : বায়ুসেনাৰ জাগুৱাৰ যুদ্ধ বিমান দুৰ্ঘটনাগ্ৰস্ত; ধ্বংসাৱশেষত উদ্ধাৰ ২ জনৰ মৃতদেহ

পাটনাৰ পৰা দিল্লীলৈ অহা ইণ্ডিগো বিমানৰ জৰুৰী অৱতৰণ

বিহাৰৰ পাটনাৰ পৰা দিল্লী অভিমুখে অহা ইণ্ডিগো বিমানৰ জৰুৰীকালীন অৱতৰণ । চৰাইৰ খুন্দাত বিমানখনে জৰুৰীকালীন অৱতৰণ কৰিবলগীয়া হয় । এই বিমানখনত আছিল ১৬৯ জন যাত্ৰী ।

পাটনাৰ জয়প্ৰকাশ নাৰায়ণ আন্তঃৰাষ্ট্ৰীয় বিমানবন্দৰত নিৰাপদে অৱতৰণ কৰে বিমানখন । ইণ্ডিগোৰ বিমান নম্বৰ ৬E৫০০৯ পাটনাৰ পৰা দিল্লীলৈ আহি আছিল । সম্প্ৰতি বিমানখন মেৰামতিৰ প্ৰচেষ্টা অব্যাহত আছে ।

পাটনা বিমানবন্দৰৰ সঞ্চালকে কয় যে সকলো যাত্ৰী সুৰক্ষিত অৱস্থাত আছে । উৰণৰ কিছু সময়ৰ পিছতে বিমানখন নিৰাপদে অৱতৰণ কৰোৱা হয় । যাত্ৰীসকলৰ বাবে বিকল্প ব্যৱস্থা কৰা হ’ব বুলি জনাইছে বিমান সংস্থাটোৱে ।

পাটনা বিমানবন্দৰে প্ৰকাশ কৰা এক বিবৃতিত কোৱা হৈছে যে স্থানীয় সময় অনুসৰি পুৱা ৮.৪২ বজাত পাটনাৰ পৰা দিল্লী অভিমুখী বিমান IG05009 বিমানখনে উৰা মাৰিছিল যদিও উৰণৰ কিছু সময়ৰ পিছতে বিমানখনত এটা চৰায়ে খুন্দা মাৰে । তদন্তৰ সময়ত ৰাণৱেত উদ্ধাৰ হৈছে এটা মৃত চৰাইৰ অৱশিষ্ট । বিমানখনৰ এটা ইঞ্জিনত কম্পনৰ বাবে বিমানখনক পাটনালৈ উভতি যাবলৈ কোৱা হয় । অৱশ্যে ৰাণৱেত নিৰাপদে অৱতৰণ কৰে বিমানখনে । বৰ্তমান সকলো যাত্ৰী সুৰক্ষিত অৱস্থাত আছে ।

লগতে পঢ়ক : ‘যিকোনো সময়তে আৰম্ভ হ’ব পাৰে তৃতীয় বিশ্বযুদ্ধ’;পাকিস্তানৰ বিৰুদ্ধে নীতিন গাডকাৰীৰ ডাঙৰ বক্তব্য

লেহ অভিমুখী ইণ্ডিগো বিমানৰ জৰুৰী অৱতৰণ

আহমেদাবাদত সংঘটিত দুৰ্ঘটনাৰ পিছত দেশত সঘনাই জৰুৰীকালীন বিমান অৱতৰণৰ ঘটনা দেখা গৈছে । বৃহস্পতিবাৰে পুৱা দিল্লীৰ পৰা লেহ অভিমুখী ইণ্ডিগোৰ ৬ই ২০০৬ বিমানখন কাৰিকৰী কাৰণত জৰুৰীকালীন অৱতৰণ কৰিবলগীয়া হয় । অৱশ্যে বিমানখনৰ সকলো যাত্ৰী সুৰক্ষিত আচে বুলি জানিব পৰা গৈছে । তথ্য অনুসৰি ইণ্ডিগো বিমানখনত ক্ৰু মেম্বাৰকে ধৰি প্ৰায় ১৮০ জন লোক আছিল । বৃহস্পতিবাৰে পুৱা বিমানখনে দিল্লীৰ পৰা লেহলৈ উৰা মাৰিছিল । লেহ পোৱাৰ পূৰ্বেই বিমানখনত কাৰিকৰী বিজুতি ধৰা পৰে । লেহ পোৱাৰ কিছু সময়ৰ পাছতে বিমানখন উভতি আহি নিৰাপদে দিল্লীত অৱতৰণ কৰে । অৱশ্যে কি কাৰিকৰী ত্ৰুটিৰ বাবে বিমানখন জৰুৰীকালীন অৱতৰণ কৰিব লগা হ’ল সেই সন্দৰ্ভত আনুষ্ঠানিক তথ্য প্ৰকাশ কৰা হোৱা নাই ।

বিমানৰ কাৰিকৰী বিজুতিৰ বহু ঘটনা সংঘটিত-

বুধবাৰে ইণ্ডিগোৰ এখন বিমান বাতিল কৰিবলগীয়া হৈছিল । ভুৱনেশ্বৰৰ পৰা কলকাতালৈ ৰাওনা হৈছিল ৬ই ৬১০১ নম্বৰৰ বিমানখন । অৱশ্যে উৰণৰ কেইমিনিটমান পূৰ্বে বিমানখন বাতিল কৰা হয় । ইয়াৰ কাৰণো বিমানখনৰ কাৰিকৰী ত্ৰুটি বুলি কোৱা হৈছিল । ইয়াৰ পূৰ্বে ২ জুনত ৰাঁচীত ইণ্ডিগোৰ এখন বিমানে শগুণৰ সৈতে সংঘৰ্ষত লিপ্ত হয়, যাৰ বাবে জৰুৰীকালীন অৱতৰণ কৰিবলগীয়া হয় । পাটনাৰ পৰা ৰাঁচী হৈ কলকাতালৈ যোৱা বিমানখন প্ৰায় ৩-৪ হাজাৰ ফুট উচ্চতাত আছিল । সেই সময়ত এটা শগুনৰ লগত সংঘৰ্ষ হৈছিল । সংঘৰ্ষৰ পিছত বিমানখন প্ৰায় ৪০ মিনিট সময় আকাশতে থাকে । এই ইণ্ডিগো বিমানখনত ক্ৰু মেম্বাৰকে ধৰি ১৭৫ জন যাত্ৰী আছিল ।

লগতে পঢ়ক : আগ্নেয়গিৰি বিস্ফোৰণ… পুনৰ মাজ আকাশৰ পৰাই উভতিল এয়াৰ ইণ্ডিয়াৰ বিমান

অগ্নিকাণ্ডৰ পৰা ৰক্ষা পাবলৈ জঁপিয়ালে সপ্তম মহলাৰ পৰা

দ্বাৰকাত সংঘটিত হৈছে এক কৰুণ ঘটনা । অট্টালিকাৰ সপ্তম মহলাত থকা এটা ফ্লেটত সংঘটিত হোৱা অগ্নিকাণ্ডৰ পৰা ৰক্ষা পাবলৈ জঁপিওৱাত দুই সন্তানসহ মৃত্যু হয় পিতৃৰ । দ্বাৰকা ছেক্টৰ ১৩ৰ ছাবাদ ছ’চাইটি এম আৰ ভি স্কুলৰ সমীপৰ এটা অট্টালিকাত এই ঘটনা সংঘটিত হয় ।

লাভ কৰা তথ্য অনুসৰি জুইৰ পৰা নিজকে বচাবলৈ বেলকনিৰ পৰা জপিওৱাত এই তিনিজন লোকৰ মৃত্যু হয় । ইয়াৰে দুটি দহ বছৰীয়া শিশুক (এজন ল’ৰা আৰু এগৰাকী ছোৱালী) চিকিৎসালয়ত মৃত ঘোষণা কৰা হয় । পৰৱৰ্তী সময়ত তেওঁলোকৰ পিতৃ যশ যাদৱকো (৩৫) আই জি আই হাস্পতালত মৃত ঘোষণা কৰে । তেওঁ ফ্লেক্স বৰ্ডৰ ব্যৱসায়ত জড়িত আছিল ।

যশ যাদৱৰ পত্নী আৰু জ্যেষ্ঠ পুত্ৰ জুইৰ এই ঘটনাৰ পৰা ৰক্ষা পৰে । বৰ্তমান তেওঁলোক নিৰাপদে আছে । তেওঁলোকক ততাতৈয়াকৈ চিকিৎসাৰ বাবে আই জি আই হাস্পতাললৈ প্ৰেৰণ কৰা হয় । অট্টালিকাটোৰ সকলো বাসিন্দাক খালী কৰি বিদ্যুৎ আৰু পি এন জি সংযোগৰ দৰে সকলো সুবিধা বন্ধ কৰি দিয়া হৈছে । গাঁথনিগত স্থিৰতা মূল্যায়ন কৰিবলৈ ডি ডি এ আৰু এম চি ডিক অৱগত কৰা হৈছে । পৰিয়ালটোক সহায় কৰিবলৈ আকাশ আৰু আই জি আই দুয়োখন চিকিৎসালয়তে দল নিয়োগ কৰা হৈছে ।

লগতে পঢ়ক : আকৌ আহিব নেকি ছুনামি, ভূমিকম্প ! এইবাৰ তামিলনাডুৰ সমুদ্ৰ তীৰত পোৱা গ’ল ‘প্ৰলয় মাছ’