আমেৰিকাই অতি সোনকালে ইজৰাইলক কোটি কোটি টকাৰ অস্ত্ৰ, মিছাইল আৰু বোমা বিক্ৰী কৰিবলৈ ওলাইছে।এই কথা শুক্ৰবাৰে, আমেৰিকা যুক্তৰাষ্ট্ৰই ঘোষণা কৰিছিল।

মন কৰিবলগীয়া যে বিক্ৰী অনুমোদন লাভ কৰা এই আমেৰিকাত নিৰ্মিত অস্ত্ৰসমূহে ইতিমধ্যে গাজাত গুৰুত্বপূৰ্ণ ধ্বংসৰ সৃষ্টি কৰিছে।

আমেৰিকা যুক্তৰাষ্ট্ৰৰ প্ৰতিৰক্ষা সুৰক্ষা সহযোগিতা সংস্থাৰ (ডিএছচিএ) মতে, আমেৰিকা যুক্তৰাষ্ট্ৰৰ বিদেশ বিভাগে প্ৰায় ৬ বিলিয়ন ডলাৰৰ বোমা, নিৰ্দেশনা কিট আৰু ফিউজ বিক্ৰী কৰাৰ লগতে ৬০০ নিযুত ডলাৰ মূল্যৰ হেলফায়াৰ মিছাইল বিক্ৰীৰ বাবে স্বাক্ষৰ কৰিছে।

বোমা বিক্ৰী সন্দৰ্ভত ডিএছচিএ-ৰ দ্বাৰা এক বিবৃতি জাৰি কৰা হৈছে। য’ত কোৱা হৈছে যে বোমাৰ এই প্ৰস্তাৱিত বিক্ৰীয়ে বৰ্তমান আৰু ভৱিষ্যতৰ ভাবুকিৰ মোকাবিলা কৰাৰ বাবে ইজৰাইলৰ সামৰ্থ্য বৃদ্ধি কৰিব।

ই ইজৰাইলৰ মাতৃভূমিৰ প্ৰতিৰক্ষা শক্তিশালী কৰিব আৰু আঞ্চলিক ভাবুকিৰ মোকাবিলা কৰাত সহায় কৰিব।বিবৃতিটোত লগতে উল্লেখ কৰা হৈছে যে মিছাইল বিক্ৰী কৰিলে ইজৰাইলৰ বায়ু সেনাৰ ক্ষমতা যথেষ্ট বৃদ্ধি পাব, যাৰ ফলত ইজৰাইলৰ সীমা শক্তিশালী হ’ব।

ই গুৰুত্বপূৰ্ণ আন্তঃগাঁথনি আৰু মুখ্য জনসংখ্যা কেন্দ্ৰসমূহত নিৰাপত্তাৰ প্ৰতি বৰ্তমান আৰু ভৱিষ্যতৰ ভাবুকিৰ মোকাবিলা কৰাত সহায় কৰিব।

ই গুৰুত্বপূৰ্ণ আন্তঃগাঁথনি আৰু মুখ্য জনসংখ্যা কেন্দ্ৰসমূহত নিৰাপত্তাৰ প্ৰতি বৰ্তমান আৰু ভৱিষ্যতৰ ভাবুকিৰ মোকাবিলা কৰাত সহায় কৰিব।হামাছৰ আক্ৰমণৰ প্ৰতিবাদত ইজৰাইলে গাজাত বহু ধ্বংসৰ সৃষ্টি কৰিছিল।

এই সময়ছোৱাত গাজাৰ প্ৰায় সমগ্ৰ জনসংখ্যাই স্থানচ্যুত হৈছিল।সেই সময়ত, সাধাৰণ লোকৰ মৃত্যু সন্দৰ্ভত, তেতিয়াৰ আমেৰিকা যুক্তৰাষ্ট্ৰৰ ৰাষ্ট্ৰপতি জ’ বাইডেনে ইজৰাইললৈ ২,০০০ পাউণ্ডৰ বোমাৰ সহায় বন্ধ কৰি দিছিল। এতিয়া, ট্ৰাম্পে ক্ষমতালৈ উভতি অহাৰ লগে লগে বোমাৰ চালান পুনৰ আৰম্ভ কৰিছে

আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণৰ সৈতে পাৰমাণৱিক শান্তি চুক্তি কৰাৰ প্ৰস্তাৱ দিছে। কিন্তু তাৰ লগতে সকীয়াই দিছে যে যদি ইৰাণে সন্মতি নিদিয়ে ইয়াৰ পৰিণাম মাৰাত্মক বুলি প্ৰমাণিত হ’ব

ৰাষ্ট্ৰপতি ট্ৰাম্পে এক কাৰ্যবাহী আদেশত স্বাক্ষৰ কৰিছে। এই নিৰ্দেশৰ অধীনত আমেৰিকাৰ কোষাগাৰ বিভাগক ইৰাণৰ ওপৰত কঠোৰ অৰ্থনৈতিক নিষেধাজ্ঞা আৰোপ কৰিবলৈ নিৰ্দেশ দিয়া হৈছে।

শেহতীয়াকৈ এক সাক্ষাৎকাৰৰ সময়ত ট্ৰাম্পে জোৰ দি কৈছিল যে তেওঁৰ প্ৰথম অগ্ৰাধিকাৰ হৈছে ইৰাণক পাৰমাণৱিক অস্ত্ৰ লাভ কৰাত বাধা দিয়া। 

ইৰাণৰ সৈতে জড়িত কাৰ্যবাহী আদেশত স্বাক্ষৰ কৰাৰ সময়ত ট্ৰাম্পে সাংবাদিকৰ আগত কয় যে মই ইৰাণক ক’ব বিচাৰো যে মই এটা ডাঙৰ চুক্তি কৰিব বিচাৰো।

এনে এখন চুক্তি যাৰ দ্বাৰা তেওঁলোকে নিজৰ জীৱনটো আগুৱাই নিব পাৰিব।" ট্ৰাম্পে স্পষ্টভাৱে কয় যে ইৰাণৰ হাতত পাৰমাণৱিক অস্ত্ৰ থাকিব নোৱাৰে, যদি এনেকুৱা হয় তেন্তে ইয়াৰ বাবে ই অতি দুৰ্ভাগ্যজনক বুলি প্ৰমাণিত হ'ব। 

উল্লেখ্য যে ২০১৮ চনৰ মে’ মাহত তেওঁৰ প্ৰথম কাৰ্যকালত ট্ৰাম্পে ইৰাণৰ সৈতে হোৱা পাৰমাণৱিক চুক্তিৰ পৰা আমেৰিকাক একপক্ষীয় বুলি অভিহিত কৰি প্ৰত্যাহাৰ কৰিছিল। 

চুক্তিখনৰ পৰা ওলাই অহাৰ লগে লগে ট্ৰাম্পে ইৰাণৰ ওপৰত নিজৰ হেঁচা কৌশল তীব্ৰতৰ কৰি তুলিলে য’ত বহু দাবীও আছিল।

এই দাবীবোৰৰ বেছিভাগেই পাৰমাণৱিক চুক্তিৰ সৈতে সম্পৰ্কিত নাছিল কিন্তু নিশ্চিতভাৱে ইৰাণৰ আঞ্চলিক কাৰ্যকলাপৰ সৈতে সম্পৰ্কিত আছিল। ট্ৰাম্পে ইৰাণৰ বেলিষ্টিক মিছাইল কাৰ্যসূচী বন্ধ ৰখাৰ দাবী জনাইছিল।

জ’ বাইডেন প্ৰশাসনে ইৰাণৰ সৈতে হোৱা পাৰমাণৱিক চুক্তি পুনৰ স্থাপনৰ চেষ্টা চলাইছিল যদিও ইৰাণে চুক্তিখনলৈ ঘূৰি অহাৰ বাবে চৰ্ত আৰোপ কৰিছিল।ইৰাণে কৈছিল যে আমেৰিকা যুক্তৰাষ্ট্ৰই প্ৰথমে স্বীকাৰ কৰিব লাগে যে চুক্তিৰ পৰা প্ৰত্যাহাৰ কৰাটো অন্যায় আছিল। সকলো আৰোপ কৰা নিষেধাজ্ঞা উঠাই ল'ব লাগে, আৰু নিশ্চিত কৰিব লাগে যে ভৱিষ্যতে, আমেৰিকা যুক্তৰাষ্ট্ৰ কেতিয়াও একপক্ষীয়ভাৱে চুক্তিৰ পৰা প্ৰত্যাহাৰ নকৰে। আমেৰিকা যুক্তৰাষ্ট্ৰই ইৰাণৰ দ্বাৰা নিৰ্ধাৰিত এই চৰ্তসমূহৰ সৈতে সন্মত হোৱা নাছিল, যাৰ বাবে দুয়োখন দেশৰ মাজত হোৱা চুক্তি পুনৰুদ্ধাৰ কৰিব পৰা নগ'ল।

আমেৰিকা যুক্তৰাষ্ট্ৰৰ এজন ফেডাৰেল ন্যায়াধীশে ৰাষ্ট্ৰপতি ডনাল্ড ট্ৰাম্পক এটা  মোক্ষম আঘাত দিছে। বিচাৰকজনে ট্ৰাম্পৰ কাৰ্যবাহী আদেশক “অসাংবিধানিক” বুলি বৰ্ণনা কৰিছিল।

য’ত তেওঁ জন্মৰ ভিত্তিত নাগৰিকত্বৰ অধিকাৰ সমাপ্ত কৰিছিল।বিচাৰকজনে কাৰ্যবাহী আদেশৰ ওপৰত অস্থায়ী স্থগিতাদেশও প্ৰদান কৰিছে। অৰ্থাৎ বৰ্তমান আমেৰিকাত জন্ম গ্ৰহণ কৰা শিশুৱে তাত নাগৰিকত্ব লাভ কৰি থাকিব।

ট্ৰাম্পে তেওঁৰ দ্বিতীয় কাৰ্যকাল আৰম্ভ হোৱাৰ প্ৰথম দিনাই অৰ্থাৎ ২০ জানুৱাৰীৰ দিনাই আদেশটোত স্বাক্ষৰ কৰিছিল। চাৰিখন গণতান্ত্ৰিক শাসিত ৰাজ্যই ট্ৰাম্পৰ আদেশৰ বিৰুদ্ধে এখন আবেদন দাখিল কৰিছিল।

ৱাশ্বিংটন, এৰিজোনা, ইলিনয় আৰু অৰেগনৰ দৰে গণতান্ত্ৰিক শাসিত ৰাজ্যসমূহে আবেদনখনত দাবী কৰিছিল যে ট্ৰাম্পৰ আদেশে আমেৰিকা যুক্তৰাষ্ট্ৰৰ সংবিধানৰ চতুৰ্দশ সংশোধনীত দিয়া নাগৰিকত্বৰ অধিকাৰ উলংঘা কৰিছে।

মোকৰ্দমাটো আমেৰিকা যুক্তৰাষ্ট্ৰৰ জিলা ন্যায়াধীশ জন কাউফনাৰে শুনানি দিছিল। বৃহস্পতিবাৰে, তেওঁ ট্ৰাম্প প্ৰশাসনক আদেশটো কাৰ্যকৰী কৰা বন্ধ কৰিবলৈ নিৰ্দেশ দিয়ে।

ডনাল্ড ট্ৰাম্পে আমেৰিকাত জন্মগত নাগৰিকত্বৰ অধিকাৰ সমাপ্ত কৰাৰ শপত লোৱাৰ ঠিক পিছতে এক কাৰ্যবাহী আদেশ জাৰি কৰিছিল।

ইয়াৰ উদ্দেশ্য আছিল অবৈধ অনুপ্ৰৱেশকাৰী বা ভিছাত বাস কৰা লোকসকলৰ সন্তানক আমেৰিকাৰ নাগৰিকত্ব প্ৰদান প্ৰতিহত কৰা, যাৰ আমেৰিকাত জন্ম গ্ৰহণ হ’ব।

বিচাৰক জন কাউফনাৰে কয় যে, “মই বুজি নাপাওঁ যে কোনো আইনবিদে কেনেকৈ ক’ব পাৰে যে এই আদেশটো সাংবিধানিক। এইটো মোৰ বাবে ইমান বোধগম্য নহয়।মই চাৰি দশকৰো অধিক সময় ধৰি বেঞ্চত আছো। মোৰ আন কোনো ঘটনা মনত নাই যিয়ে এই ক্ষেত্ৰত এটা স্পষ্ট প্ৰশ্ন উত্থাপন কৰে। এইটো এটা স্পষ্টভাৱে অসাংবিধানিক আদেশ”।

আজি আমেৰিকাৰ ৪৭ সংখ্যক ৰাষ্ট্ৰপতি হিচাপে শপত ল’ব ডনাল্ড ট্ৰাম্পে। দ্বিতীয়টো কাৰ্যকালৰ বাবে আজি শপত ল’ব ট্ৰাম্পে। ইউ এছ কেপিটেলৰ ভিতৰত হ’ব এই শপত গ্ৰহণ অনুষ্ঠান।

ভাৰতীয় সময় অনুসৰি নিশা প্ৰায় ১০.৩০ বজাত ৰাষ্ট্ৰপতিৰূপে শপত ল’ব ট্ৰাম্পে।আমেৰিকাৰ ৰাষ্ট্ৰপতি হিচাপে ট্ৰাম্পৰ উভতি অহাটো আমেৰিকাৰ ইতিহাসতো বিৰল।

তেওঁ আমেৰিকা যুক্তৰাষ্ট্ৰৰ ইতিহাসত কেৱল দ্বিতীয় ৰাষ্ট্ৰপতি যি পুনৰ নিৰ্বাচনত পৰাজিত হয় আৰু ক্ষমতালৈ অহাৰ পিছত পুনৰ নিৰ্বাচনত জয়ী হয়।

এনে কৰা প্ৰথমজন ৰাষ্ট্ৰপতি আছিল গ্ৰোভাৰ ক্লিভলেণ্ড, যি ১৮০০দশকৰ শেষৰ ফালে এনে কৰিছিল।নিৰ্বাচিত ৰাষ্ট্ৰপতি ডনাল্ড ট্ৰাম্পৰ উদ্বোধনী অনুষ্ঠান সোমবাৰে আমেৰিকা যুক্তৰাষ্ট্ৰৰ কেপিটলৰ ভিতৰত অনুষ্ঠিত হ’ব।

ইয়াৰ এটা কাৰণ হ’ল বৰ্তমান সমগ্ৰ আমেৰিকাত তীব্ৰ ঠাণ্ডা। ৪০ বছৰৰ ভিতৰত এইটো প্ৰথম বাৰৰ বাবে হৈছে যে আমেৰিকা যুক্তৰাষ্ট্ৰৰ ৰাষ্ট্ৰপতিৰ উদ্বোধনী অনুষ্ঠান ভিতৰলৈ স্থানান্তৰিত কৰা হৈছে।

ট্ৰাম্পে শুকুৰবাৰে তেওঁৰ সামাজিক মাধ্যমত কৈছে, “দেশখনত আৰ্কটিক ঠাণ্ডাৰ প্ৰাদুৰ্ভাৱ হৈছে। মই নিবিচাৰো যে মানুহে কোনো ধৰণে অসুবিধাৰ সন্মুখিন হওক। সেয়েহে, মই আমেৰিকা যুক্তৰাষ্ট্ৰৰ কেপিটল ৰোটুণ্ডাত উদ্বোধনী ভাষণ, প্ৰাৰ্থনা আৰু অন্যান্য ভাষণ প্ৰদান কৰিবলৈ নিৰ্দেশ দিছো।”

উপ-ৰাষ্ট্ৰপতি হিচাপে নিৰ্বাচিত জে.ডি. ভেন্সে প্ৰথমে শপত গ্ৰহণ কৰিব, তাৰ পিছত ট্ৰাম্পে শপত গ্ৰহণ কৰিব। তাৰ পিছত তেওঁ পৰৱৰ্তী চাৰি বছৰৰ বাবে তেওঁৰ পৰিকল্পনাৰ কথা উল্লেখ কৰি উদ্বোধনী ভাষণ প্ৰদান কৰিব।

পিছত, ৰাষ্ট্ৰপতিৰ কোঠাত, ট্ৰাম্পে তেওঁৰ সহায়ক আৰু কংগ্ৰেছৰ সদস্যসকলৰ সৈতে সাক্ষাৎ কৰিব আৰু মনোনয়ন, ঘোষণা বা কাৰ্যবাহী আদেশত স্বাক্ষৰ কৰিব।

ট্ৰাম্পে তেওঁৰ উদ্বোধনৰ বাবে নেতাসকলক আমন্ত্ৰণ জনাইছে। ইলন মাস্ক, জেফ বেজোছ আৰু মাৰ্ক জুকাৰবাৰ্গৰ দৰে বিলিয়নেয়াৰসকলে অনুষ্ঠানটোত যোগদান কৰিব। লগতে, টিকটকৰ মুৰব্বী শ্ব চিয়েভও উপস্থিত থাকিব।

তত্বাৱধায়ক ৰাষ্ট্ৰপতি জ’ বাইডেন, প্ৰাক্তন ৰাষ্ট্ৰপতি বিল ক্লিণ্টন, জৰ্জ ডব্লিউ বুছ আৰু বাৰাক অ’বামাই তেওঁলোকৰ পত্নীৰ সৈতে অনুষ্ঠানটোত অংশগ্ৰহণ কৰিব। ট্ৰাম্পে নিৰ্বাচনত পৰাজিত হোৱা হিলাৰী ক্লিণ্টন আৰু উপ-ৰাষ্ট্ৰপতি কমলা হেৰিছও উপস্থিত থাকিব।

বিদেশী নেতাসকলৰ ভিতৰত ইটালীৰ প্ৰধানমন্ত্ৰী জিঅৰ্জিয়া মেলোনি, হাংগেৰীৰ ভিক্টৰ অৰবান আৰু আৰ্জেণ্টিনাৰ ৰাষ্ট্ৰপতি জেভিয়েৰ মিলিক আমন্ত্ৰণ জনোৱা হৈছে।

চীনৰ ৰাষ্ট্ৰপতি জি জিনপিংলৈও আমন্ত্ৰণ প্ৰেৰণ কৰা হৈছে, কিন্তু তেওঁৰ উপস্থিতি নিশ্চিত কৰা হোৱা নাই। বৈদেশিক পৰিক্ৰমা মন্ত্ৰী এছ জয়শংকৰে একে সময়তে ভাৰতক প্ৰতিনিধিত্ব কৰিব।

ইয়াৰ উপৰিও, ৰিলায়েন্স ইণ্ডাষ্ট্ৰিজৰ চিএমডি মুকেশ আম্বানী আৰু নীতা আম্বানীক ডনাল্ড ট্ৰাম্পে তেওঁৰ শপত গ্ৰহণ অনুষ্ঠানৰ বাবে বিশেষভাৱে আমন্ত্ৰণ জনাইছে।