নগাঁৱৰ মৰিকলঙত নিশা চাঞ্চল্যকৰ ডকাইতি। চিকিৎসকৰ ঘৰত ডকাইতৰ দলৰ লুটপাট। ডাঃ ৰঞ্জিত শইকীয়াৰ ঘৰত লুটপাটৰ লগতে পত্নীসহ চিকিৎসকগৰাকীক আক্ৰমণ।

নগাঁৱৰ মৰিকলঙত এক চাঞ্চল্যকৰ ডকাইতি কাণ্ড সংঘটিত হৈছে।মাজনিশা প্ৰায় ৬ জনীয়া এটা ডকাইতৰ দলে চিকিৎসক ৰঞ্জিত শইকীয়াৰ বাসগৃহত প্ৰৱেশ কৰি লুটপাত চলোৱাৰ লগতে চিকিৎসক গৰাকী আৰু তেওঁৰ পত্নীক আক্ৰমণ কৰে।

ডকাইতৰ দলটোৱে চোকা অস্ত্ৰৰে আক্ৰমণ কৰিছিল পত্নীসহ চিকিৎসকগৰাকীক। পুৱতি নিশা তেজেৰে লুতুৰি-পুতুৰি অৱস্থাত ৰঞ্জিত শইকীয়াই ওচৰ-চুবুৰীয়াৰ ঘৰলৈ গৈ সহায় বিচাৰে। লগে লগে স্থানীয় আৰক্ষী উপস্থিত হৈ ৰঞ্জিত শইকীয়া আৰু পত্নীক সংকটজনক অৱস্থাত উদ্ধাৰ কৰি গুৱাহাটী লৈ প্ৰেৰণ কৰে।  

নিৰ্বাচনৰ কিছুদিন পূৰ্বেও চিকিৎসক ৰঞ্জিত শইকীয়াৰ ঘৰৰ পৰা ডকাইতে লুটি নিছিল ২৭লাখ কৈ টকা। ঘটনাস্থলীত উপস্থিত হৈ CID আৰু ফৰেনচিকৰ দলে তদন্ত চলাই আছে। ঘটনাস্থলীত ডকাইতৰ দলে এৰি যোৱা ক্লুৰ ওপৰত ভিত্তি কৰি আৰক্ষীয়ে ক্ষীপ্ৰ তদন্ত অব্যাহত ৰাখিছে।  

লগতে পঢ়ক: ২৮ এপ্ৰিলত ঘোষণা হ’ব উচ্চতৰ মাধ্যমিকৰ ফলাফল; মুখ্যমন্ত্ৰীৰ বিশেষ পোষ্ট