ৰাতিপুৱা সাৰ পোৱা, অৰ্থাত সূৰ্য উদয়ৰ পূৰ্বে ব্ৰহ্ম মুহুৰ্তত (প্ৰায় ৪ৰ পৰা ৫:৩০ বজাত) উঠিব লাগে । এই সময়খিনি অতি শুভ বুলি গণ্য কৰা হয় আৰু এই সময়ত শোৱাৰ পৰা উঠিলে বহু উপকাৰ লাভ কৰা যায় । এই অভ্যাসে আপোনাৰ শাৰীৰিক আৰু মানসিক স্বাস্থ্য উন্নত কৰাৰ উপৰিও ই আপোনাৰ দিনটো ইতিবাচক শক্তিৰে আৰম্ভ কৰে । সৰুৰে পৰা বয়োজ্যেষ্ঠসকলে ৰাতিপুৱা সোনকালে শোৱাৰ পৰা উঠিবলৈ কয়, কিন্তু আমি তেওঁলোকৰ কথা নুশুনা । কিন্তু আপুনি জানেনে যে যদি আপুনি ৩০ দিন ধৰি ৰাতিপুৱা সোনকালে সাৰ পায় তেন্তে আপোনাৰ শৰীৰত আচৰিত ধৰণৰ পৰিৱৰ্তন হ’ব পাৰে ।

শাৰীৰিক স্বাস্থ্য-

ৰাতিপুৱা সোনকালে শুই উঠিলে আপোনাৰ শাৰীৰিক স্বাস্থ্যৰ উন্নতি হয় । পুৱা সোনকালে সাৰ পালে আপোনাৰ দিনটো ইতিবাচক শক্তিৰে আৰম্ভ হয়, ইয়াৰ ফলত আপুনি গোটেই দিনটো শক্তিশালী অনুভৱ কৰে । সূৰ্য উদয়ৰ লগে লগে সাৰ পালে পাচনতন্ত্ৰ উন্নত হয় । ৰাতিপুৱা বাহিৰলৈ ওলাই গ’লে শৰীৰৰ ৰোগ প্ৰতিৰোধ ক্ষমতা বৃদ্ধি পায় । প্ৰতিদিনে ৰাতিপুৱা সোনকালে সাৰ পালে ছাল আৰু চুলিৰ স্বাস্থ্যও উন্নত হয় ।

মানসিক স্বাস্থ্য-

ৰাতিপুৱা সোনকালে শুই উঠিলে আপোনাৰ মানসিক স্বাস্থ্যৰ ওপৰতো ইতিবাচক প্ৰভাৱ পৰিব পাৰে । পুৱা শান্তিৰে ধ্যান আৰু যোগাসন কৰিলে মন শান্ত হয় । ৰাতিপুৱাৰ শান্ত পৰিৱেশে সৃষ্টিশীলতা বৃদ্ধি কৰে । দিনটো ভালদৰে আৰম্ভ কৰিলে আপোনাৰ আত্মবিশ্বাস বৃদ্ধি পায় । ইয়াৰ উপৰিও ৰাতিপুৱা সোনকালে সাৰ পালে মানসিক চাপ আৰু উদ্বেগো কমি যায় ।

(এই খবৰ কেৱল আপোনালোকক সজাগ কৰিবলৈহে লিখা হৈছে । যদি আপুনি যিকোনো ঠাইতে আপোনাৰ স্বাস্থ্যৰ সৈতে জড়িত কিবা পঢ়ে, তেন্তে নিশ্চিতভাৱে গ্ৰহণ কৰাৰ আগতে চিকিৎসকৰ পৰামৰ্শ লওক ।)

ৰাতিপুৱা সোনকালে সাৰ পোৱাটো বহুতৰে বাবে কঠিন হৈ পৰে । এলাহ আৰু ৰাতি দেৰিকৈ শোৱাৰ বাবে প্ৰায়ে পুৱা উঠাত পলম হয়, যাৰ ফলত গোটেই দিনটোৰ ৰুটিন বিনষ্ট হয় । গতিকে ইয়াত আমি আপোনালোকক কিছুমান টিপছ ক’ম যাৰ সহায়ত আপুনি পুৱা সোনকালে সাৰ পাব পাৰে আৰু এই টিপছৰ সহায়ত আপোনাৰ টোপনিও ভাল হ’ব ।

আপোনাৰ টোপনিৰ সময় ঠিক কৰক-

সুস্থ হৈ থাকিবলৈ নিৰ্দিষ্ট সময়ত শোৱা আৰু সাৰ পোৱাটো অতি প্ৰয়োজনীয় । যদি আপুনি প্ৰতিদিনে একে সময়তে শোৱে আৰু সাৰ পায় তেন্তে ই আপোনাৰ টোপনিৰ চক্ৰ সঠিক হোৱাত সহায় কৰিব । প্ৰাপ্তবয়স্ক লোকক কমেও ৭-৮ ঘণ্টা টোপনিৰ প্ৰয়োজন । গতিকে, যথেষ্ট টোপনি ল’বলৈ চেষ্টা কৰক ।

এলাৰ্মটো আঁতৰাই ৰাখক-

বেছিভাগ মানুহেই ৰাতি এলাৰ্ম লগাই শোৱে, যিটো তেওঁলোকে সাধাৰণতে বিচনাৰ ওচৰতে ৰাখে । কিন্তু বহু সময়ত এলাৰ্ম বাজিলে মানুহে আধা শুই থকা অৱস্থাত বন্ধ কৰি দিয়ে আৰু তাৰ পিছত পুনৰ শুই পৰে । গতিকে এলাৰ্মটো কিছু দূৰত্বত ৰাখক যাতে চুইচ অফ কৰিবলৈ উঠিব লাগে । ইয়াৰ ফলত আপুনি সম্পূৰ্ণৰূপে সাৰ পাব আৰু পুনৰ টোপনি নাহে ।

স্ক্ৰীণৰ সময় হ্ৰাস কৰক-

প্ৰায় মানুহৰ শোৱাৰ পূৰ্বে বিচনাত পৰি থকা অৱস্থাত টিভি চোৱা বা ফোন চোৱাৰ অভ্যাস থাকে । কিন্তু ইয়াৰ পৰা নিৰ্গত হোৱা নীলা পোহৰে আপোনাৰ টোপনিৰ মানদণ্ডত প্ৰভাৱ পেলাব পাৰে । গতিকে শুবলৈ যোৱাৰ এঘণ্টা আগতে ইলেক্ট্ৰনিক যন্ত্ৰৰ ব্যৱহাৰ বন্ধ কৰক । ইয়াৰ ফলত আপোনাৰ টোপনিৰ মান উন্নত হ’ব আৰু আপোনাৰ টোপনি ভাল হ’ব ।

শোৱা কোঠাটো আৰামদায়ক কৰি তোলক-

আপুনি আপোনাৰ শোৱা কোঠাটো শুবলৈ আৰামদায়ক কৰি তুলিব লাগে । তাত আন্ধাৰ আৰু শান্তি থাকিব লাগে । ইয়াৰ ফলত আপোনাৰ টোপনিত সহায়ক হ’ব । কোঠাত সদায় ডিম লাইট বা নাইট বাল্ব ব্যৱহাৰ কৰিব লাগে ।

আমাৰ শাৰীৰিক আৰু মানসিক স্বাস্থ্যৰ বাবে ভাল টোপনি অতি প্ৰয়োজনীয় । কিন্তু বৰ্তমানৰ দ্ৰুত গতিৰ জীৱনশৈলী, বৰ্ধিত মানসিক চাপ আৰু ভুল অভ্যাসে টোপনিৰ ওপৰত প্ৰভাৱ পেলাইছে । ৰাতি টোপনি নাহিলে আৰু বেছি সময় সাৰে থাকিলে স্বাস্থ্যৰ ওপৰত প্ৰভাৱ পৰিব পাৰে । আমি সকলোৱে জানো যে শৰীৰৰ বেছিভাগ ৰোগ টোপনিৰ অভাৱৰ বাবেই হয় । পেটৰ সমস্যা হওক বা মানসিক চাপ হওক টোপনিৰ অভাৱত বহুতো স্বাস্থ্যজনিত সমস্যাৰ সৃষ্টি হয় । ইয়াত আমি আপোনাক ৩টা সহজ সমাধান ক’ম, যিবোৰ গ্ৰহণ কৰিলে আপোনাৰ টোপনি ভাল হ’ব আৰু আপোনাৰ শৰীৰ আৰু মনটোৱে আৰাম অনুভৱ কৰিব ।

ভাল টোপনি অহাৰ সহজ উপায়-

-শুবলৈ যোৱাৰ পূৰ্বে ডিজিটেল ডিভাইচ ব্যৱহাৰ কৰা বন্ধ কৰকঃ

মোবাইল ফোন, লেপটপ, টেলিভিছন আদি ডিজিটেল ডিভাইচৰ পৰা নিৰ্গত হোৱা নীলা পোহৰে আমাৰ মগজু সক্ৰিয় কৰি ৰাখে । ই মেলাটনিন নামৰ হৰম’নৰ উৎপাদনত ব্যাঘাত জন্মাব পাৰে ।

কি কৰিব লাগে :

-নিশা ৮ বজাৰ পিছত ডিজিটেল ডিভাইচৰ ব্যৱহাৰ হ্ৰাস কৰক ।

-শুবলৈ যোৱাৰ ১ ঘণ্টা পূৰ্বে আপোনাৰ ফোন আৰু লেপটপ সম্পূৰ্ণৰূপে বন্ধ কৰক ।

-কিতাপ পঢ়ক বা ধ্যান অভ্যাস কৰক ।

শোৱাৰ বাবে ৰুটিন বনাওকঃ

অনিয়মিত টোপনি আৰু জাগৰণৰ সময়ে শৰীৰৰ প্ৰাকৃতিক ঘড়ী (জৈৱিক ঘড়ী)ৰ ভাৰসাম্যহীন কৰি তুলিব পাৰে । শৰীৰে নিয়মিততা ভাল পায়, গতিকে প্ৰতিদিনে একে সময়তে শোৱা আৰু সাৰ পোৱাটো অভ্যাস কৰি লওক ।

কি কৰিব লাগে :

-ছুটিৰ দিনেই হওক বা কৰ্মদিনেই হওক প্ৰতিদিনে একে সময়তে শুবলৈ চেষ্টা কৰক ।

-শুবলে যোৱাৰ পূৰ্বে এটা জিৰণি লোৱা ৰুটিন তৈয়াৰ কৰক, যেনে কোমল সংগীত শুনা বা গৰম গাখীৰ খোৱা ।

-কোঠাটোত লাইট ম্লান কৰি ৰাখক আৰু শান্ত পৰিৱেশ সৃষ্টি কৰক ।

শুবলৈ যোৱাৰ পূৰ্বে সঠিক খাদ্য গ্ৰহণ কৰক-

ৰাতি গধুৰ খাদ্য, কেফেইন বা সুৰাপান কৰিসে আপোনাৰ টোপনি ব্যাঘাত জন্মিব পাৰে । বিশেষকৈ কেফেইনে আপোনাৰ টোপনিত যথেষ্ট প্ৰভাৱ পেলায় ।

কি কৰিব লাগে :

-শুবলৈ যোৱাৰ কমেও ২ ঘণ্টা আগতে ৰাতিৰ আহাৰ খাব লাগে ।

-ৰাতি কেফেইন (যেনে চাহ, কফি) আৰু সুৰাপান কৰিব নালাগে ।

-শুবলৈ যোৱাৰ পূৰ্বে কুহুমীয়া গাখীৰ খাব লাগে বা কল খাব লাগে । এইবোৰে স্বাভাৱিকভাৱে টোপনি অনাত কৰাত সহায় কৰে ।

লগতে এইবোৰ কথা মনত ৰাখিব :

-প্ৰতিদিনে ২০-৩০ মিনিট ব্যায়াম কৰক, কিন্তু শুবলৈ যোৱাৰ ৩-৪ ঘণ্টা পূৰ্বে ব্যায়াম কৰক ।

-ধ্যান আৰু গভীৰ উশাহ লোৱাৰ কৌশলৰ অভ্যাস কৰক ।

-অতিমাত্ৰা চিন্তাৰ পৰা বিৰত থাকক কিয়নো ইয়েই অনিদ্ৰাৰ মূল কাৰণ হ’ব পাৰে ।

(পৰামৰ্শকে ধৰি এই বিষয়বস্তুৱে কেৱল সাধাৰণ তথ্যহে প্ৰদান কৰে । ই কোনো কাৰণতে যোগ্য চিকিৎসা মতামতৰ বিকল্প নহয় । অধিক তথ্যৰ বাবে সদায় বিশেষজ্ঞ বা আপোনাৰ চিকিৎসকৰ পৰামৰ্শ লওক ।)

ৰাতি সঠিক টোপনি নাহিলে গোটেই দিনটো টোপনি টোপনি ভাৱ আহি থাকে । কিন্তু, যদি ৰাতি ভাল টোপনি যোৱাৰ পিছতো দিনটো টোপনি আহি থকা যেন লাগে, তেন্তে ইয়াৰ কাৰণ আন কিবা হ’ব পাৰে । মানুহৰ বহুতো সৰু সৰু অভ্যাস আছে যাৰ বাবে সকলো সময়তে টোপনি টোপনি ভাব আহিব পাৰে । সমগ্ৰ দিনটো টোপনি আহি থকাটো এটা ডাঙৰ সমস্যা হৈ পৰে যেতিয়া এজন ব্যক্তি কাৰ্যালয়ত থাকে আৰু কিছুমান গুৰুত্বপূৰ্ণ কাম শেষ কৰিবলগীয়া হয় ।

এই সমস্যাৰ বাবে কাম সঠিকভাৱে কৰিব নোৱাৰা বা সময়মতে সম্পূৰ্ণ নকৰাৰ বাবে অফিচত বছৰ সন্মুখত থকা ভাবমূৰ্তি নষ্ট হোৱাই নহয় নিজৰ ওপৰত খং উঠে । এনে পৰিস্থিতিত সকলো সময়তে টোপনিৰ সৃষ্টি কৰা সেই বেয়া অভ্যাসবোৰ কি কি আৰু সেইবোৰৰ পৰা কেনেকৈ মুক্তি পাব পাৰি ইয়াত জানি লওক ।

প্ৰতিটো সৰু সৰু কথাত মানসিক চাপত ভুগি থকা-

বহুতৰে প্ৰতিটো সৰু-ডাঙৰ কথাত মানসিক চাপত পৰাৰ অভ্যাস থাকে । মানসিক চাপৰ বাবে এজন ব্যক্তিয়ে সকলো সময়তে উদ্বিগ্নতাত থাকে । এনে পৰিস্থিতিত মানুহে যিমানেই সোনকালে শুবলৈ নাযাওক কিয় তেওঁ ঘণ্টাৰ পিছত ঘণ্টা শুব নোৱাৰে আৰু বহু সময়ত, মাজনিশা তেওঁৰ টোপনি ব্যাহত হৈ পৰে । এনে পৰিস্থিতিত মানসিক চাপ দূৰ কৰি টোপনিৰ সমস্যা সমাধান কৰিব পাৰি ।

খাদ্যাভ্যাস-

বহু সময়ত মানুহৰ খাদ্য খোৱাৰ পিছত টোপনি অহা যেন লাগে । ব্ৰেকফাষ্ট হওক বা দুপৰীয়াৰ আহাৰ, এবাৰ টোপনি আহিবলৈ আৰম্ভ কৰিলে আহিয়েই থাকে । এনে পৰিস্থিতিত আপুনি কি খাইছে আৰু কি নাখাইছে সেইবোৰৰ প্ৰতি গুৰুত্ব দিয়াটো জৰুৰী । একে সময়তে বেছিকৈ খোৱা, চৰ্বি আৰু কাৰ্বহাইড্ৰেট বেছি থকা খাদ্য খোৱা, ভুল সময়ত খোৱাটোৱে টোপনিৰ সমস্যাৰ সৃষ্টি কৰে ।

ধূমপান কৰা-

ধূমপান কৰিলেও দিনটো টোপনি ভাব আহে । ধূমপানৰ ফলতো ৰাতি শুবলৈ অসুবিধা হয়, যাৰ ফলত ব্যক্তিজনে গোটেই দিনটো টোপনি অনুভৱ কৰে । এনে পৰিস্থিতিত ধূমপানৰ অভ্যাস ত্যাগ কৰিলে লাভজনক হ’ব পাৰে । ইয়াৰ বাহিৰেও ব্যায়াম কৰিলে ৰাতি ভালদৰে টোপনি অহাত সহায় কৰে ।

ঔষধ খোৱা-

বহুতো ঔষধ আছে যিবোৰ সেৱন কৰিলে টোপনি অহা যেন লাগে । ইয়াৰ উপৰিও যদি কোনো কাৰণ নোহোৱাকৈ ঔষধ সেৱন কৰা হয় বা প্ৰতিটো সৰু সৰু সমস্যাৰ বাবে ঔষধ সেৱন কৰা হয়, তেন্তে ইয়াৰ ফলতো সকলো সময়তে টোপনি অনুভৱ হয় ।

পানীৰ অভাৱ-

শৰীৰত পানীৰ অভাৱ অৰ্থাৎ ডিহাইড্ৰেচনৰ বাবে এজনে সকলো সময়তে টোপনি অনুভৱ কৰে । কাৰণ পানীৰ অভাৱত তেজৰ সোঁত লেহেমীয়া হয়, যাৰ বাবে পৰ্যাপ্ত পৰিমাণৰ অক্সিজেন আৰু পুষ্টিকৰ পদাৰ্থ শৰীৰলৈ নাযায় । ডিহাইড্ৰেচনৰ বাবে শৰীৰৰ ইলেক্ট্ৰলাইটৰ ভাৰসাম্যও অৱনতি ঘটে । ইয়াৰ কাৰণে মানুহ অধিক ভাগৰুৱা হয়, টোপনি অহা যেন লাগে, চকু দুটা মুদ খাই যোৱা যেন লাগে, মূৰৰ বিষ হয়, দুৰ্বল অনুভৱ হয়, মুখ শুকান হয় আৰু মূৰত ঘূৰণি অনুভৱ হয় ।