জাৰ্মানীৰ ওপৰত ‘ডাবল এটেক’ আৰম্ভ কৰি ৰাষ্ট্ৰপতি ট্ৰাম্পে ৫ হাজাৰৰো অধিক সৈন্য প্ৰত্যাহাৰ আৰু ইউৰোপীয় বাহনৰ ওপৰত ২৫% শুল্ক আৰোপ কৰাৰ কথা ঘোষণা কৰিছে।

জাৰ্মানীৰ প্ৰতি আমেৰিকাৰ ৰাষ্ট্ৰপতি ড’নাল্ড ট্ৰাম্পৰ স্থিতি আকৌ এবাৰ কঠিন যেন লাগিছে।তেওঁ স্পষ্টভাৱে উল্লেখ কৰিছে যে জাৰ্মানীত নিয়োজিত আমেৰিকান সৈন্যৰ সংখ্যা কেৱল ৫ হাজাৰত সীমাবদ্ধ নাথাকিব বৰঞ্চ ইয়াতকৈ বহু বেছি কৰ্তন কৰা হ’ব। অৰ্থাৎ ৫,০০০ সৈন্য প্ৰত্যাহাৰৰ সৈতে আৰম্ভ হোৱা প্ৰক্ৰিয়াটো আগলৈ আৰু বেছি হ’ব পাৰে।ট্ৰাম্পে কয় যে, ৫ হাজাৰৰ অংকটো বহুত সৰু,আমি ইয়াতকৈ বহু বেছি সৈন্য প্ৰত্যাহাৰ কৰিবলৈ ওলাইছো, আৰু আমি সেনাবাহিনীত কৰ্তন কৰিম।’

আচৰিত কথাটো হ’ল যে পেন্টাগনে নিজেই প্ৰথম অৱস্থাত মাত্ৰ ৫ হাজাৰ সৈন্যৰ কথা কৈছিল,অৱশ্যে ট্ৰাম্পৰ এই শেহতীয়া বক্তব্যই সকলোকে চিন্তিত কৰি তুলিছে। আনকি আমেৰিকাৰ ভিতৰতো এই সিদ্ধান্তৰ বিৰোধিতা আৰম্ভ হৈছে। বহু বিশিষ্ট নেতাই কৈছে যে যদি আমেৰিকান সৈন্যই জাৰ্মানী এৰি যায়, তেন্তে ৰাছিয়াৰ ৰাষ্ট্ৰপতি পুটিনে নিজৰ শক্তি প্ৰদৰ্শনৰ স্পষ্ট সুযোগ পাব।বিশেষকৈ তেতিয়া, যেতিয়া ইউক্ৰেন আৰু ৰাছিয়াৰ যুদ্ধৰ ৫ বছৰ সম্পূৰ্ণ হ’বলৈ ওলাইছে।

ইয়াৰ পূৰ্বে ট্ৰাম্পে ইউৰোপ ইউনিয়নৰ গাড়ী আৰু ট্ৰাকৰ ওপৰত ২৫% শুল্ক আৰোপ কৰাৰ কথাও ঘোষণা কৰিছিল।যাৰ প্ৰভাৱ বিশেষকৈ জাৰ্মানীৰ ওপৰত পৰিব পাৰে। ট্ৰাম্পৰ অসন্তুষ্টিৰ কাৰণ হৈছে বাণিজ্যিক চুক্তিসমূহ সঠিকভাৱে পালন নকৰা।তেওঁ মুকলিকৈ কৈছে যে ইউৰোপীয় সংঘই প্ৰতিশ্ৰুতি পালন কৰা নাই।গতিকে অহা সপ্তাহৰ পৰা তাত নিৰ্মিত গাড়ী আৰু ট্ৰাকসমূহৰ ওপৰত ২৫% কৰ আৰোপ কৰা হ’ব।এই সিদ্ধান্ত বাহন নিৰ্মাণৰ বাবে পৰিচিত জাৰ্মানীৰ বাবে মোক্ষম আঘাত বুলিব পাৰি।

লগতে পঢ়ক: তেওঁলোকে এতিয়াও উপযুক্ত মূল্য ভৰা নাইঃ ইৰানৰ ১৪ দফীয়া প্ৰস্তাৱ মানি ল’বলৈ অমান্তি ট্ৰাম্প