শীতকালত কেনেকৈ ল’ব চুলিব যতন; কৰক এই কাম শীঘ্ৰেই পাব ফলাফল
শীতকালত চুলিৰ যত্নৰ প্ৰতি অধিক মনোযোগ দিয়াৰ প্ৰয়োজন। কাৰণ ঠাণ্ডা বতাহ আৰু শুকান বতাহে চুলি শুকান কৰি তোলে।
শীতৰ এই সময়ছোৱাত আমাৰ ছাল-চুলি আদিৰ বিভিন্ন ধৰণৰ সমস্যাই দেখা দিয়ে ৷ শীতৰ এই সময়ছোৱাত জলবায়ুত আদ্ৰতাৰ কম থকাৰ বাবে চুলিকোছা শুকান, অনুজ্বল হোৱাৰ লগতেই বহুতৰে চুলিসৰা সমস্যাও হোৱা দেখা যায় ৷
শীতৰ সময়চোৱাত চুলি বেছিকৈ ফাটে শুকান হোৱাৰ বাবে। ভালদৰে যত্ন ল’লে শীতকালতো চুলিকোচা ধুনীয়া কৰি ৰাখিব পাৰি। চুলিতে সৌন্দৰ্য লুকাই থাকে। চুলিকোচা সুন্দৰকৈ ৰাখিবলৈ সকলোৱে যত্ন কৰে কিন্তু সময়ৰ অভাৱত সেইয়া সম্ভৱ নহয়।
এই সময়ত শুকান চুলিৰ সমস্যা দূৰ কৰিবলৈ নাৰিকল তেলৰ লগত কেষ্টৰ তেল মিলাই মালিচ কৰিলে চুলি গজাত সহায় কৰে আৰু শুকান ভাৱ নাইকিয়া কৰে।
সপ্তাহত এদিন হ’লেও নাৰিকল তেল লগাব লাগে চুলিত। চুলিত নাৰিকল তেল ব্যৱহাৰ কৰিলে চুলি সহজে শুকান হৈ নপৰে। নাৰিকল তেলৰ ব্যৱহাৰৰ ফলত চুলি মজবুত হৈ থাকে।
শীতকালত বহুতে গৰম পানী ব্যৱহাৰ কৰে। গৰম পানীৰে চুলি ধুলে আমাৰ চুলি অধিক শুকান আৰু দুৰ্বল হৈ পৰে। ইয়াৰ উপৰিও মূৰৰ ছালখনো শুকান হৈ পৰে, যাৰ ফলত চুলিত উফি আৰু খজুৱতিৰ সমস্যা হয়। ইয়াৰ প্ৰভাৱত আপোনাৰ চুলিবোৰ ভাঙিবলৈ আৰম্ভ কৰে। এইবাবে কম পৰিমাণে গৰম পানী ব্যৱহাৰ কৰিব লাগে চুলি ধুলে।
শীতকালত শুকান ছালৰ সমস্যা ৰোধ কৰিবলৈ পৰ্যাপ্ত পৰিমাণৰ পানী খোৱাটো দৰকাৰ। কাৰণ পানীয়ে আমাৰ শৰীৰটো হাইড্ৰেড কৰি ৰাখে। লগতে সেউজীয়া শাক-পাচলি, ফলমূল আদি খোৱাটো দৰকাৰ।
(ইয়াত দিয়া তথ্য সমূহ সাধাৰণ পৰামৰ্শৰ বাবেহে। স্বাস্থ্য সম্পৰ্কীয় যিকোনো ব্যৱস্থা গ্ৰহণ কৰাৰ পূৰ্বে চিকিৎসকৰ পৰামৰ্শ লওক)
লগতে পঢ়ক: শীতকালত প্ৰতিদিনে সেৱন কৰক বীট,গাজৰ আৰু মূলাৰ কাঞ্জী ; নোহোৱা হ’ব বদহজম