কেটৰিনা কাঈফে তেওঁৰ জন্মদিনৰ কিছু বিশেষ ফটো নিজৰ ছ’চিয়েল মিডিয়াত শ্বেয়াৰ কৰে। য’ত কেটৰীনা কাঈফক তেওঁৰ সৰু পৰিয়ালৰ সৈতে দেখা গৈছিল।

কেটৰীনা কাঈফে অনুৰাগীসকলক এটা চাৰপ্ৰাইজ উপহাৰ দিছে। ১৬ জুলাইত তেওঁ নিজৰ ৪৩ সংখ্যক জন্মদিন উদযাপন কৰে। এইবাৰ কেটৰীনা কাঈফৰ জন্মদিনটো অতি বিশেষ আছিল, কাৰণ তেওঁ স্বামী বিকী কৌশল আৰু পুত্ৰ বিহানৰ সৈতে এই জন্মদিনটো উদযাপন কৰিছে।

এই বিশেষ দিনটোৰ কিছু মুহূৰ্ত কেটৰীনা কাঈফে অনুৰাগীসকলৰ সৈতে ভাগ-বতৰা কৰিছে। একে সময়তে, কেটৰীনাই প্ৰথমবাৰৰ বাবে পুত্ৰ বিহানৰ সৈতে ফটো শ্বেয়াৰ কৰিছে, য’ত বিকী কৌশলকো দেখা গৈছে। এই ছবিবোৰ কেৱল অনুৰাগীসকলেই নহয়, তাৰকাসকলেও বহুত পছন্দ কৰিছে।

কেটৰীনা কাঈফে ইনষ্টাগ্ৰামত ৪ খন ফটো শ্বেয়াৰ কৰি লিখিছে, “আপুনি মোৰ বাবে আটাইতকৈ মূল্যৱান আশীৰ্বাদ, যাৰ বাবে মই সদায় কৃতজ্ঞ। শ্ৰেষ্ঠ জন্মদিন। তুমিও ইমান বেয়া নহয়…”

শ্বেয়াৰ কৰা ছবিবোৰত কেটৰীনাক অতি সুখী আৰু শান্ত ৰূপত দেখা গৈছে।

লগতে পঢ়ক: ৭২সংখ্যক ৰাষ্ট্ৰীয় চলচ্চিত্ৰ বঁটা ঘোষণা: কোনে আজুৰিলে শ্ৰেষ্ঠত্বৰ সন্মান?

বলীউডৰ অভিনেতা-অভিনেত্ৰী কেটৰিনা কাঈফ আৰু বিকি কৌশলে ৩ মাহৰ অন্তত পুত্ৰৰ প্ৰথমখন ফটো শ্বেয়াৰ কৰিছে।

কেটৰীনা কাঈফ আৰু বিকি কৌশলৰ পুত্ৰৰ বয়স হৈছে তিনি মাহ।এই উপলক্ষে দম্পতীহালে নিজৰ পুত্ৰৰ প্ৰথমখন ফটো শ্বেয়াৰ কৰিছে।

এই আভাসৰ লগতে তেওঁ পুত্ৰৰ নামো প্ৰকাশ কৰিছে।কেটৰিনা আৰু বিকি কৌশলে যৌথ পোষ্টত কয় যে তেওঁলোকে নিজৰ পুত্ৰৰ নাম বিহান কৌশল ৰাখিছে। কেটৰীনা আৰু বিকিয়ে যিখন ফটো শ্বেয়াৰ কৰিছে, সেই খনত তিনিওৰে হাত দেখিবলৈ পোৱা গৈছে।

ফটোখন শ্বেয়াৰ কৰি তেওঁলোকে লিখিছে যে, “আমাৰ সূৰ্যৰ কিৰণ। বিহান কৌশল। প্ৰাৰ্থনা মঞ্জুৰ হ’ল । জীৱনটো সুন্দৰ হৈ গ’ল।

এটা মুহূৰ্ততে সলনি হৈ গ’ল জীৱন। শব্দৰ বাহিৰত কৃতজ্ঞতা।” বিহানৰ অৰ্থ ৰাতিপুৱা, বা নতুনৰ আৰম্ভণি। তেওঁলোকৰ এই পোষ্টটোত অনুৰাগী সকলে যথেষ্ট মৰম দিছে।

উল্লেখ্য যে, ৭ নৱেম্বৰ ২০২৫ ৰ দিনা দুয়োৱে তেওঁলোকৰ প্ৰথম সন্তানটিক আদৰণি জনাই।   এটা সাক্ষাৎকাৰত বিকিয়ে কৈছিল যে,‘পিতৃ হোৱাটো মোৰ বাবে ২০২৫ চনৰ আটাইতকৈ ডাঙৰ মুহূৰ্ত। এটা যাদুকৰী অনুভৱ।মই সদায় ভাবিছিলো যে এই সময় আহিলে মই বৰ আৱেগিক আৰু সুখী হম, কিন্তু আচলতে মোৰ জীৱনৰ আটাইতকৈ সুন্দৰ মুহূৰ্ত হৈ আহিছে।”    

লগতে পঢ়ক: ডাঙৰ পৰ্দাত পুনৰ ‘নায়ক’ হ’ব অনিল কাপুৰ; প্ৰযোজকে নিশ্চিত কৰিলে ছিকুৱেল