পপ গায়িকা কেটি পেৰীয়ে ইতিহাস সৃষ্টি কৰিছে । আচৰিত মিছনৰ বাবে তেওঁ এতিয়া শিৰোনামত আছে । কেটিয়ে নিজৰ মহিলা দলৰ সৈতে মহাকাশ ভ্ৰমণলৈ যায় । বৰ্তমান মহাকাশৰ পৰা পৃথিৱীলৈ উভতি আহিছে কেটি । মহাকাশ ভ্ৰমণ কৰা তেওঁ প্ৰথমগৰাকী গায়িকা । তেওঁৰ কেপচুলটো অতি নিৰাপদভাৱে পৃথিৱীত অৱতৰণ কৰে । পৃথিৱীত অৱতৰণ কৰাৰ পিছত তেওঁ এনেকুৱা এটা কাম কৰিলে যিয়ে সকলোকে আৱেগিক কৰি তোলে । কেটিৰ এই ফটো ভাইৰেল হৈ পৰিছে ।

যাত্ৰাত যোৱাৰ পূৰ্বে কেটিয়ে কৈছিল যে তেওঁ সৰুৰে পৰা মহাকাশলৈ যাব বিচাৰে । এয়া আছিল তেওঁৰ শৈশৱৰ সপোন । ৪ বছৰীয়া কন্যা ডেইজীৰ লগত তেওঁৰ অতি ঘনিষ্ঠতা । কন্যাক লগত লৈ যাব পৰা নাছিল, সেইবাবেই তেওঁ লগত লৈ গৈছিল এপাহ ডেইজী ফুল ।

পৃথিৱীক কৰিলে চুম্বন-

প্ৰায় ১১ মিনিটৰ যাত্ৰাৰ অন্তত যেতিয়া কেটি পেৰী নামি আহিছিল, তেতিয়া প্ৰথমে ফুলপাহক চুমা খাইছিল আৰু তাৰ পিছত পৃথিৱীক চুমা খাই । তেওঁৰ এই ভিডিঅ’টো ভাইৰেল হৈ আছে ।