বৰ্তমান দুদিনীয়া স্পেইন ভ্ৰমণত আছে বৈদেশিক মন্ত্ৰী এছ জয়শংকৰ । তেওঁ মাদ্ৰিদত ভাৰতীয় সম্প্ৰদায়ক সম্বোধন কৰে । তেওঁ কয় যে যেতিয়া আন এখন দেশৰ বৈদেশিক মন্ত্ৰালয় আৰু ৰাষ্ট্ৰদূতে আপোনাক তেওঁলোকৰ লগত বাৰ্তালাপ কৰিবলৈ আহিবলৈ কয়, তেতিয়া এয়া কিয় এনেকুৱা হৈছে ভাবিব লাগিব ? আজি বিশ্বত ভাৰতৰ স্থিতি অতি গুৰুত্বপূৰ্ণ । আজি বিশ্বৰ সকলো দেশেই অনুভৱ কৰিছে যে ভাৰতৰ সৈতে সুসম্পৰ্ক বজাই ৰখাটো আমাৰ হিতৰ পক্ষে ।

তেওঁ কয় যে আজি ৰাছিয়া আৰু ইউক্ৰেইন, ইজৰাইল আৰু ইৰাণৰ সৈতে বাৰ্তালাপৰ অৱস্থাত থকা দেশ অতি কম আৰু দুয়োখন দেশৰ সৈতে কথা পাতিবলৈ সক্ষম হৈছে প্ৰধানমন্ত্ৰী মোদীয়ে । কোৱাডৰ সদস্য আৰু লগতে ব্ৰিকছৰ সদস্য দেশ অতি কম । এইটো অতি অনন্য । আজিৰ পৃথিৱীখনলৈ চালে ই অতি মেৰুকৃত । এই মেৰুকৃত পৃথিৱীত ভাৰত এনে এখন দেশ যিয়ে সবকা সাথ, সবকা বিকাশ আৰু সবকা বিশ্বাসৰ শ্লোগানক বিশ্বৰ মাজলৈ লৈ যাবলৈ সক্ষম হৈছে ।

বাংগালুৰুত মুকলি হ’ব স্পেইনৰ দূতাবাস-

বৈদেশিক মন্ত্ৰীয়ে কয় যে বাৰ্চিলোনাত আমাৰ কনছুলেট আছে । অতি সোনকালে বাংগালুৰুত স্পেইনৰ কনছুলেট হ’ব । আমাৰ সম্পৰ্ক যে গভীৰ হৈ আহিছে সেয়া স্পষ্ট । ব্যৱসায় বাঢ়িছে । আমি সিদ্ধান্ত লৈছো যে ২০২৬ চনক আমি দুয়োখন দেশৰ মাজত সংস্কৃতি, পৰ্যটন আৰু কৃত্ৰিম বুদ্ধিমত্তাৰ আদান-প্ৰদানৰ বছৰ হিচাপে পালন কৰিম । গতিকে ২০২৫ চনত আমি ২০২৬ চনৰ বাবে প্ৰস্তুতি চলাবলৈ কঠোৰ পৰিশ্ৰম কৰিম ।

বিশ্বৰ বাবে কিবা এটা কৰাৰ ক্ষমতা ভাৰতৰ আছে-

আমাৰ যি আছিল, যিয়েই সৃষ্টি কৰিছিলো, পৃথিৱীখনক কিবা এটা দিয়াৰ ইচ্ছা আছিল বুলিও তেওঁ কয় । আমি এনে এখন দেশ য’ত এজন গড় ভাৰতীয়ই বছৰি ৩০০০ ইউৰো উপাৰ্জন কৰে । স্পেইনৰ গড় আয় ৪৫,০০০ ইউৰো, যিটো এজন ভাৰতীয়তকৈ ১৫ গুণ বেছি । ই ধন বা সম্পদৰ প্ৰশ্ন নহয় । এয়া হৃদয় আৰু মনৰ প্ৰশ্ন । বিশ্বৰ বাবে কিবা এটা কৰিবলৈ ভাৰতৰ সামৰ্থ্য, চিন্তাধাৰা, ক্ষমতা আছে ।