ইথিওপিয়াৰ সৰ্বোচ্চ সন্মান দ্য গ্ৰেট অনাৰ নিশান অব্ ইথিওপিয়াৰে সন্মানিত কৰা হৈছে প্ৰধানমন্ত্ৰী মোদীক । জৰ্ডান ভ্ৰমণ সম্পূৰ্ণ কৰি মঙলবাৰে ইথিওপিয়াত উপস্থিত হয় প্ৰধানমন্ত্ৰী নৰেন্দ্ৰ মোদী ।

ইথিওপিয়াই প্ৰধানমন্ত্ৰী মোদীক সৰ্বোচ্চ সন্মানেৰে সন্মানিত কৰিছে । ইথিওপিয়াৰ সৰ্বোচ্চ সন্মান দ্য গ্ৰেট অনাৰ নিশান অব্ ইথিওপিয়া প্ৰদান কৰা হৈছে প্ৰধানমন্ত্ৰী মোদীক । ইথিওপিয়াই প্ৰধানমন্ত্ৰী মোদীক সন্মান জনাই পুৰণি পৰম্পৰা ভংগ কৰে । ইথিওপিয়াই দেশৰ সৰ্বোচ্চ সন্মান দ্য গ্ৰেট অনাৰ নিশান অৱ ইথিওপিয়াৰে সন্মানিত কৰা বিশ্বৰ প্ৰথমজন বিদেশী প্ৰধানমন্ত্ৰী নৰেন্দ্ৰ মোদী । তেওঁক সৰ্বোচ্চ সন্মানেৰে এতিয়ালৈকে প্ৰধানমন্ত্ৰী নৰেন্দ্ৰ মোদীক বিশ্বৰ ২৫ খন দেশে এনে সন্মান জনাইছে । মোদীৰ পূৰ্বে কোনো ভাৰতীয় প্ৰধানমন্ত্ৰীয়ে ইমান শীৰ্ষ সন্মান লাভ কৰা নাই ।

আদিছ আন্তঃৰাষ্ট্ৰীয় সন্মিলন কেন্দ্ৰত অনুষ্ঠিত এক বিশেষ অনুষ্ঠানত প্ৰধানমন্ত্ৰী মোদীক এই সন্মান প্ৰদান কৰা হয় । বৈদেশিক পৰিক্ৰমা মন্ত্ৰালয়ে নতুন দিল্লীত প্ৰকাশ কৰা এক বিবৃতিত কয় যে ভাৰত-ইথিওপিয়াৰ অংশীদাৰিত্ব শক্তিশালী কৰাৰ ক্ষেত্ৰত ব্যতিক্ৰমী অৱদান আৰু বিশ্ব ৰাষ্ট্ৰনেতা হিচাপে তেওঁৰ দূৰদৰ্শী নেতৃত্বৰ বাবে প্ৰধানমন্ত্ৰীক সন্মানিত কৰা হৈছে ।

উল্লেখ্য যে, জৰ্ডান ভ্ৰমণ সম্পূৰ্ণ কৰি মঙলবাৰে ইথিওপিয়াত উপস্থিত হয় প্ৰধানমন্ত্ৰী নৰেন্দ্ৰ মোদী । ইয়াৰ মাজতে প্ৰধানমন্ত্ৰী মোদীয়ে ইথিওপিয়াৰ প্ৰধানমন্ত্ৰী আবি আহমেদ আলীৰ সৈতে বৈঠকত মিলিত হয় । প্ৰধানমন্ত্ৰী মোদীয়ে ইথিওপিয়াৰ প্ৰধানমন্ত্ৰী আহমেদ আলীক নিজৰ ভাতৃ আৰু বন্ধু বুলি অভিহিত কৰে ।

ইথিওপিয়াৰ সৰ্বোচ্চ সন্মান লাভ কৰা সন্দৰ্ভত প্ৰধানমন্ত্ৰী নৰেন্দ্ৰ মোদীয়ে কয়, ‘ইথিওপিয়াৰ এই মহান ভূমিত আপোনালোক সকলোৰে মাজত থকাটো মোৰ বাবে এক সৌভাগ্যৰ কথা । আজি দুপৰীয়া ইথিওপিয়াত উপস্থিত হওঁ ৷ প্ৰধানমন্ত্ৰী আলী মোক বিমানবন্দৰত আদৰিবলৈ আহিছিল । তেওঁ মোক ফ্ৰেণ্ডশ্বিপ পাৰ্ক আৰু বিজ্ঞান সংগ্ৰহালয়লৈ লৈ যায় । ইয়াত মই নেতৃত্বৰ সৈতে গুৰুত্বপূৰ্ণ বিষয়সমূহৰ ওপৰত আলোচনা কৰিলোঁ ।’

ইয়াৰ পূৰ্বে ইথিওপিয়াৰ প্ৰধানমন্ত্ৰী আবি আহমেদ আলীৰ সৈতে হোৱা বৈঠকৰ সময়ত মোদীয়ে কয় যে, “ইথিওপিয়া ভ্ৰমণ কৰি মই আনন্দিত হৈছো । এয়া মোৰ প্ৰথম ইথিওপিয়া ভ্ৰমণ । ইয়াত ভৰি দিয়াৰ লগে লগে মই গভীৰ ঘনিষ্ঠতা আৰু আত্মীয়তা অনুভৱ কৰিলোঁ ।” প্ৰধানমন্ত্ৰী মোদীয়ে কয় যে, “পহলগাম সন্ত্ৰাসবাদী আক্ৰমণৰ প্ৰতি আপোনালোকৰ সহানুভূতি আৰু সন্ত্ৰাসবাদৰ বিৰুদ্ধে আমাৰ যুঁজত আপোনালোকৰ সমৰ্থনৰ বাবে আমি কৃতজ্ঞ । সন্ত্ৰাসবাদৰ বিৰুদ্ধে আমাৰ যুঁজত বন্ধুত্বপূৰ্ণ দেশৰ সমৰ্থন আমাৰ বাবে বহুত গুৰুত্বপূৰ্ণ ।”

প্ৰধানমন্ত্ৰী মোদীয়ে কয় যে, “ভৱিষ্যতৰ অপৰিসীম সম্ভাৱনাক উপলব্ধি কৰিবলৈ এক স্পষ্ট ৰোডমেপ প্ৰস্তুত কৰা হ’ব । আজি আমি আমাৰ সহযোগিতাৰ মূল দিশসমূহ, যেনে অৰ্থনীতি, উদ্ভাৱন, প্ৰযুক্তি, প্ৰতিৰক্ষা, স্বাস্থ্য, সামৰ্থ্য বিকাশ আৰু বহুপক্ষীয় সহযোগিতাৰ বিষয়ে আলোচনা কৰাৰ সুযোগ পালোঁ । মই সুখী যে আজি আমি ভাৰতত ইথিওপিয়ান ছাত্ৰ-ছাত্ৰীসকলৰ বাবে বৃত্তি দুগুণ কৰাৰ সিদ্ধান্ত লৈছো ।”

প্ৰধানমন্ত্ৰী মোদীয়ে কয়, “ভাৰত আৰু ইথিওপিয়াৰ মাজত হাজাৰ হাজাৰ বছৰ ধৰি যোগাযোগ আৰু আদান-প্ৰদান চলি আহিছে । ভাষা আৰু পৰম্পৰাৰে সমৃদ্ধ দুয়োখন দেশ ঐক্যৰ প্ৰতীক ।” তেওঁ লগতে কয়, “আজি আমি ভাৰত-ইথিওপিয়াৰ সম্পৰ্কক কৌশলগত অংশীদাৰিত্বৰ স্তৰলৈ উন্নীত কৰিছো । এই পদক্ষেপে আমাৰ সম্পৰ্কত নতুন শক্তি, নতুন গতি আৰু নতুন গভীৰতা প্ৰদান কৰিব ।”

লগতে পঢ়ক : সন্ত্ৰাসবাদৰ বিৰুদ্ধে ঐক্যবদ্ধ ভাৰত আৰু জৰ্ডান, প্ৰধানমন্ত্ৰী মোদীয়ে ক’লে– এই বিষয়ত আমাৰ চিন্তাধাৰা স্পষ্ট আৰু পৰিস্কাৰ