নিজৰ গাত আহোমৰ তেজ থকা বুলি দাবী কৰি ইউনুজ তামুলীয়ে এক বিস্ফোৰক মন্তব্য কৰিছে। তেওঁ কৈছে যে, মই অসমৰ খিলঞ্জীয়া ভূমিপুত্ৰ হয়।বৰ বৰ কথা কোৱা জাতীয় সংগঠসমূহে নো জাতিটোৰ বাবে একো কৰা নাই।

অসমৰ জাতীয় সংগঠনক হুংকাৰ দিছে ইউনুছ তামুলীয়ে। মিঞা ৰক্ষক ইউনুছ তামুলীয়ে এইবাৰ সংবাদমেল পাতি পুনৰ অসমৰ জাতীয় সংগঠনক প্ৰত্যাহ্বান জনাইছে। ইউনুছ তামুলীয়ে কয় যে, বৰ বৰ কথা কোৱা জাতীয় সংগঠসমূহে নো জাতিটোৰ বাবে কি কাম কৰিছে? তেওঁলোকে নিজৰ নিজৰ জনগোষ্ঠীৰ বাবে কি কাম কৰিছে ?

তেওঁ কয় য়ে,চিতু বৰুৱাই মোৰ পিঠি বহল কৰাৰ কথা কয়। কিন্তু মোক দেখিলে চিতু বৰুৱাই নেগুৰ ডাঙি পলাই। মোৰ গাত আহোমৰ তেজ আছে। মোৰ  পিঠি বহল কৰা ইমান সহজ নহয়। এইখন অসমত সকলোৰে সাংবিধানিক অধিকাৰ আছে। কিন্তু আহোম সংগঠন সমূহে আহোমৰ কাৰণে কি কৰিছে।তেওঁলোকে কেৱল ইউনুছ তামুলীয়ে কিবা ক’লে কেৱল সংবাদমেল দিব পাৰে। অসমখন মোৰ হয়। মই অসমৰ খিলঞ্জীয়া ভূমিপুত্ৰ হয়। যিবোৰ মানুহে নিৰ্বাচনৰ আগত ধৰ্মৰ নামত বিষবাষ্প বিয়পাই তেওঁলোকক অসমৰ পৰা বাহিৰ কৰিব লাগিব।  

লগতে পঢ়ক: ‘ঐতিহাসিক বিজয়’ৰ দিশে অগ্ৰসৰ বিজেপি, ‘সম্পূৰ্ণৰূপে ধ্বংস’ বিৰোধী : মুখ্যমন্ত্ৰী