ভাৰতীয় নৌসেনাৰ চাবমেৰিনত উঠি সামুদ্ৰিক যাত্ৰা কৰিলে ৰাষ্ট্ৰপতি দ্ৰৌপদী মুৰ্মুৱে । চাবমেৰিনেৰে সমুদ্ৰ ভ্ৰমণ কৰা ভাৰতৰ দ্বিতীয়গৰাকী ৰাষ্ট্ৰপতি তেওঁ ।

দেওবাৰে কৰ্ণাটকৰ কাৰৱাৰ নৌসেনা ঘাটিত ভাৰতীয় নৌসেনাৰ ফ্ৰণ্টলাইন চাবমেৰিন আই এন এছ বাঘশ্বিৰত উঠি সাগৰীয় যাত্ৰা কৰে ৰাষ্ট্ৰপতি দ্ৰৌপদী মুৰ্মুৱে । এই সময়ছোৱাত নৌসেনাৰ মুৰব্বী এডমিৰেল দিনেশ কে ত্ৰিপাঠীয়ে ৰাষ্ট্ৰপতিগৰাকীক সংগ দিয়ে । ভাৰতীয় নৌসেনাৰ ইউনিফৰ্ম পৰিধান কৰি ৰাষ্ট্ৰপতিগৰাকীয়ে ছাবমেৰিনত উঠাৰ পূৰ্বে উপস্থিত কৰ্মীসকলক হাত জোকাৰি অভিবাদন জনায় ।

চাবমেৰিনেৰে সমুদ্ৰ ভ্ৰমণ কৰা দ্বিতীয়গৰাকী ৰাষ্ট্ৰপতি-

ভাৰতীয় নৌসেনাৰ চাবমেৰিনেৰে সমুদ্ৰ যাত্ৰা কৰা দেশৰ দ্বিতীয়গৰাকী ৰাষ্ট্ৰপতি হিচাপে পৰিগণিত হৈছে দ্ৰৌপদী মুৰ্মু । তেওঁৰ পূৰ্বে প্ৰাক্তন ৰাষ্ট্ৰপতি এ পি জে আব্দুল কালামে ২০০৬ চনৰ ফেব্ৰুৱাৰী মাহত চাবমেৰিন যাত্ৰাৰ অভিজ্ঞতা লাভ কৰিছিল । উল্লেখ্য যে ৰাষ্ট্ৰপতিগৰাকী সশস্ত্ৰ বাহিনীৰ সৰ্বোচ্চ অধিনায়ক । চলিত বৰ্ষৰ জানুৱাৰী মাহত ভাৰতীয় নৌসেনাত কমিচন কৰা প্ৰজেক্ট ৭৫ স্ক’ৰপিয়নৰ ষষ্ঠ আৰু চূড়ান্ত চাবমেৰিন হৈছে আই এন এছ ভাগশ্বিৰ । ই এখন থলুৱা কালভেৰী শ্ৰেণীৰ চাবমেৰিন ।

এই চাবমেৰিনৰ বিশেষ বৈশিষ্ট্য কি ?

নৌসেনাৰ বিষয়াসকলৰ মতে, ই বিশ্বৰ অন্যতম নিস্তব্ধ আৰু শক্তিশালী ডিজেল-বৈদ্যুতিক চাবমেৰিন । ভূ বিৰোধী যুদ্ধ আৰু চাবমেৰিন বিৰোধী যুদ্ধ, গোপন তথ্য সংগ্ৰহ, এলেকা চোৱাচিতা আৰু বিশেষ অভিযানৰ বাবে ডিজাইন কৰা হৈছে ।

চাবমেৰিনখনত ওয়াৰা গাইডেড টৰ্পিডো, জাহাজ বিৰোধী মিছাইল, উন্নত ছ’নাৰ ব্যৱস্থা আছে । চাবমেৰিনখনে মডিউলাৰ নিৰ্মাণ কৌশল ব্যৱহাৰ কৰে, যাৰ ফলত ভৱিষ্যতে এয়াৰ ইণ্ডিপেণ্ডেণ্ট প্ৰপালচন (এ আই পি) প্ৰযুক্তিৰ সহজ স্থাপনত সুবিধা হয় ।

লগতে পঢ়ক : ৰাষ্ট্ৰপতি দ্ৰৌপদী মুৰ্মুৱে কৰিব সমুদ্ৰ ভ্ৰমণ… ২৮ ডিচেম্বৰত কৰ্ণাটকৰ পৰা ছাবমেৰিনেৰে যাত্ৰা