দিল্লীত বিধানসভা নিৰ্বাচনৰ বাবে বিভিন্ন ৰাজনৈতিক দলৰ নেতাই মনোনয়ন দাখিল কৰিছে । এই ক্ষেত্ৰত আজিৰ দিনটো অতি গুৰুত্বপূৰ্ণ কাৰণ বহু দলৰ নেতা এই শাৰীত আছে । আম আদমি পাৰ্টি, বিজেপি আৰু কংগ্ৰেছৰ অৰবিন্দ কেজৰিৱাল, মনীষ চিছোদিয়া, প্ৰৱেশ বাৰ্মা, ৰমেশ বিধুৰি, দেৱেন্দ্ৰ যাদৱকে ধৰি বহু শীৰ্ষ নেতাই মনোনয়ন দাখিলৰ বাবে আজিৰ দিনটো বাছি লৈছে ।

আজি নতুন দিল্লীৰ আসনৰ পৰা মনোনয়ন পত্ৰ দাখিল কৰে দিল্লীৰ প্ৰাক্তন মুখ্যমন্ত্ৰী তথা আপৰ আহ্বায়ক অৰবিন্দ কেজৰিৱালে । এই সময়ছোৱাত পত্নী সুনীতা কেজৰিৱালৰ উপৰিও বহু মহিলা সমৰ্থকো তেওঁৰ সৈতে উপস্থিত থাকে ।

আম আদমী পাৰ্টিৰ ছ’চিয়েল মিডিয়া হেণ্ডেলৰ এটা পোষ্টত কোৱা হৈছে, “অৰবিন্দ কেজৰিৱালে দিল্লীৰ মাতৃ আৰু ভগ্নীসকলক লগত লৈ নতুন দিল্লী বিধানসভা আসনৰ পৰা মনোনয়ন দাখিল কৰিছে । আমি আগতে মাতৃ আৰু ভগ্নীসকলৰ সৈতে কাম কৰিছো আৰু কৰি যাম । আম আদমী পাৰ্টি আৰু আমাৰ নেতাসকলৰ বিৰুদ্ধে বিজেপিয়ে যিমানেই ষড়যন্ত্ৰ নকৰক, দিল্লীৰ ৰাইজে কেজৰিৱালজীক পুনৰ ঘূৰাই আনিবলৈ গৈ আছে ।”

মনোনয়ন দাখিল কৰাৰ পূৰ্বে অৰবিন্দ কেজৰিৱালে সুনীতা কেজৰিৱাল আৰু মহিলা সমৰ্থকৰ সৈতে পদযাত্ৰা বাহিৰ কৰে । মনোনয়ন দাখিল কৰাৰ পূৰ্বে কেজৰিৱালে কন’ট প্লেচৰ হনুমান মন্দিৰ আৰু বাল্মিকী মন্দিৰত প্ৰাৰ্থনা কৰে । এই সময়ছোৱাত অৰবিন্দ কেজৰিৱালৰ পত্নী সুনীতা কেজৰিৱালো তেওঁৰ সৈতে উপস্থিত আছিল ।

ছিছ’ডিয়াৰো মনোনয়ন-

আম আদমী পাৰ্টিৰ প্ৰাৰ্থী হিচাপে আজি জাংপুৰাৰ পৰা আপ নেতা মনীষ ছিছ’দিয়াইও মনোনয়ন দাখিল কৰিব । আপৰ সৌৰভ ভৰদ্বাজে বৃহত্তৰ কৈলাশৰ পৰা মনোনয়ন দাখিল কৰিব আৰু বাবৰপুৰৰ পৰা গোপাল ৰাইয়ে মনোনয়ন দাখিল কৰিব ।

ইয়াৰ পূৰ্বে অৰবিন্দ কেজৰিৱালে এটা ছ’চিয়েল মিডিয়া পোষ্টত কৈছিল- “আজি মই মনোনয়ন দাখিল কৰিবলৈ ওলাইছো । সমগ্ৰ দিল্লীৰ পৰা মোৰ বহু মাতৃ-ভগ্নীয়ে মোক আশীৰ্বাদ দিবলৈ সংগ দিব । মনোনয়ন দাখিল কৰাৰ আগতে মই বাল্মিকী মন্দিৰলৈ যাম আৰু হনুমান মন্দিৰত প্ৰভুৰ আশীৰ্বাদ বিচাৰিম ৷”