ইৰাণ আৰু আমেৰিকাৰ মাজত চলি থকা আলোচনাক পাকিস্তানৰ মধ্যস্থতাত এতিয়া সংকটে দেখা দিছে।ইৰাণৰ চৰকাৰী টেলিভিছনে পাকিস্তানৰ বিৰুদ্ধে গুৰুতৰ অভিযোগ উত্থাপন কৰি পাকিস্তানে ‘ডাবল গেম’ খেলিছে বুলি কৈছে।

ইৰাণৰ চৰকাৰী টেলিভিছনে পাকিস্তানৰ ভূমিকাক লৈ তীক্ষ্ণ কটাক্ষ কৰিছে। এজন বিশিষ্ট বিশ্লেষকে প্ৰচাৰ কৰা এক প্ৰতিবেদনত অভিযোগ কৰা হৈছে যে আমেৰিকা আৰু ইৰাণৰ মাজত চলি থকা আলোচনাত পাকিস্তান নিৰপেক্ষ হৈ থকাৰ পৰিৱৰ্তে ৱাশ্বিংটনৰ ফলিয়া হোৱা যেন দেখিবলৈ পোৱা গৈছে।

ইৰাণে সকলোতকৈ বেছি পাকিস্তানৰ সেনা প্ৰধান অসীম মুনীৰ স্থিতিক লৈ ক্ষুদ্ধ হৈছে। তেহৰানে দাবী কৰে যে মুনিৰে ইৰাণৰ প্ৰস্তাৱ আমেৰিকালৈ প্ৰেৰণৰ দায়িত্ব গ্ৰহণ কৰিছিল,অৱশ্যে ৱাশ্বিংটনৰ পৰা এতিয়ালৈকে কোনো স্পষ্ট আৰু নিখুঁত সঁহাৰি পোৱা নাই।

ইৰাণৰ মতে মধ্যস্থতাৰ সমগ্ৰ পৰিকল্পনা এনেদৰে কৰা হৈছে যে, য’ত আমেৰিকাৰ লাভ হয় আৰু ইৰানক কূটনৈতিকভাৱে পৃথক কৰাৰ অনুমতি দিয়ে। ইৰাণৰ মতে পাকিস্তানী সেনা প্ৰধান অসীম মুনীৰে তেহৰাণ ভ্ৰমণৰ সময়ত খচৰা প্ৰস্তাৱ দাখিল কৰিছিল।

অৱশ্যে তেহৰানে অভিযোগ কৰে যে তেওঁলোকে এই প্ৰস্তাৱ আমেৰিকান পক্ষৰ সন্মুখত সঠিকভাৱে উপস্থাপন কৰা নাছিল অথবা আমেৰিকাৰ সঁহাৰি স্পষ্ট কৰা নাছিল। ইৰাণে মুনীৰৰ ওপৰত অভিযোগ উত্থাপন কৰিছে যে তেওঁ ব্যক্তিগত ভাৱে ইৰাণৰ সৈতে জড়িত হৈ আছে কিন্তু ৰাজহুৱা আৰু কূটনৈতিকভাৱে আমেৰিকাৰ স্বাৰ্থৰ পোষকতা কৰিছে।  

লগতে পঢ়ক: “পৰাজয় হোৱা সকলে চৰ্ত আৰোপ কৰিব নোৱাৰে”; ইৰাণে নাকচ কৰিলে ট্ৰাম্পৰ যুদ্ধবিৰতি বৃদ্ধিৰ সিদ্ধান্ত