বাক্সাত জাৰি কৰা হ’ল ১৬৩ ধাৰা
ক্ৰমাৎ অধিক ভয়াৱহ হৈ পৰিছে বাক্সা জিলাৰ জে’ল চৌহদত পৰিস্থিতি। পৰিস্থিতি নিয়ন্ত্ৰণৰ বাবে বাক্সালৈ ৰাওনা হেছে ৰেপিড এক্সন ফৰ্চ। প্ৰেৰণ কৰা হৈছে অতিৰিক্ত নিৰাপত্তাৰক্ষী বাহিনী।
গুৱাহাটীৰ পৰা বাক্সালৈ ইতিমধ্যে ৰাওনা হৈছে আৰক্ষী, অৰ্ধ সামৰিক বাহিনীৰ অতিৰিক্ত গোট। তাৰ মাজতে বাক্সাত জাৰি কৰা হৈছে ১৬৩ ধাৰা।পৰিস্থিতি অধিক ভয়াৱহ হোৱাৰ বাবে জাৰি কৰা হৈছে ১৬৩ ধাৰা।
পৰিস্থিতি নিয়ন্ত্ৰণৰ বাবে তৎপৰ বাক্সা জিলা প্ৰশাসন। বাক্সা জিলা কাৰাগাৰৰ সমীপত BNSSৰ ১৬৩ ধাৰা জাৰি।ৰাজহুৱা স্থানত ৫ জনতকৈও অধিক লোক সমৱেত হোৱাত নিষেধাজ্ঞা।
লোকসকলে কোনো ধৰণৰ চোকা অস্ত্ৰ আদি লৈ ঘূৰি ফুৰিব নোৱাৰিব, কোনো ধৰণৰ ৰেলী, সমদল, ধৰ্ণা আদি কাৰ্যসূচী কৰিব নোৱাৰিব আৰু অনুমতি অবিহনে কোনো সভা-সমিতি আদিও কৰিব নোৱাৰিব। জিলা কাৰাগাৰ চৌহদৰ ৫০০ মিটাৰ ব্যাসাৰ্ধত জাৰি কৰা হৈছে নিষেধাজ্ঞা।
লগতে পঢ়ক: জুবিন গাৰ্গৰ মৃত্যুৰ তদন্তঃ ন্যায়িক জিম্মালৈ প্ৰেৰণ ৫ অভিযুক্তক
