বিশ্বজয়ী ভাৰতীয় মহিলা ক্ৰিকেট দলৰ সৈতে বাৰ্তালাপ প্ৰধানমন্ত্ৰী মোদীৰ

বিশ্বজয়ী মহিলা ক্ৰিকেট দলৰ সৈতে বাৰ্তালাপ প্ৰধানমন্ত্ৰীৰ

ইতিহাস ৰচনা কৰি ভাৰতীয় মহিলা ক্ৰিকেট দলে দক্ষিণ আফ্ৰিকাক পৰাস্ত কৰি প্ৰথমবাৰৰ বাবে এদিনীয়া বিশ্বকাপ জয় কৰে । এই ঐতিহাসিক জয়ৰ পিছত বিশ্বজয়ী মহিলা ক্ৰিকেট দলটোক সাক্ষাৎ কৰে প্ৰধানমন্ত্ৰী মোদীয়ে । নিজৰ টুইটাৰ হেণ্ডেলত এই সাক্ষাৎ আৰু খেলুৱৈসকলৰ সৈতে হোৱা বাৰ্তালাপৰ সম্পূৰ্ণ ভিডিঅ’ শ্বেয়াৰ কৰিছে প্ৰধানমন্ত্ৰী মোদীয়ে । বাৰ্তালাপৰ সময়ত টিম ইণ্ডিয়াৰ খেলুৱৈসকলে প্ৰধানমন্ত্ৰীৰ সৈতে তেওঁলোকৰ অভিজ্ঞতা ভাগ-বতৰা কৰে । টিম ইণ্ডিয়াৰ সৈতে প্ৰশিক্ষক আমোল মুজমদাৰ আৰু বি চি চি আইৰ অধ্যক্ষ মিথুন মানহাছো উপস্থিত থাকে ।

আমোল মজুমদাৰে ক’লে এই কথা-

মহিলা ক্ৰিকেট দলটোৰ প্ৰশিক্ষক আমোল মজুমদাৰে এই কথা-বতৰাৰ আৰম্ভণি কৰে । তেওঁ প্ৰধানমন্ত্ৰীক ধন্যবাদ জনাই কয়, “আপোনাৰ বাসগৃহত উপস্থিত হৈ আমি বিশেষ অনুভৱ কৰিছো । ভাৰতৰ কন্যাসকলে সম্পন্ন কৰা এটা অভিযানৰ বিষয়ে ক’ম । তেওঁলোকে দুবছৰ লাগি আছিল । তেওঁলোকে বহুত কষ্ট কৰিছে । তেওঁলোকে প্ৰতিটো অনুশীলন অধিবেশনত নিজৰ সকলোখিনি দিছে । মই মাত্ৰ ক’ব পাৰো যে তেওঁলোকৰ কঠোৰ পৰিশ্ৰমৰ ফল পাইছে ।”

প্ৰধানমন্ত্ৰী মোদীক কি ক’লে হৰমনপ্ৰীতে ?

ইয়াৰ পিছত হৰমনপ্ৰীতে কয়, “মোৰ এতিয়াও মনত আছে যে আমি আপোনাক ২০১৭ চনত লগ পাইছিলো, কিন্তু আমি ট্ৰফী আনিব পৰা নাছিলো । ইমান বছৰে আমি কষ্ট কৰি ট্ৰফী অনাটো আমাৰ বাবে এক সন্মানৰ কথা আৰু আপুনি আমাৰ আনন্দ আৰু দুগুণ বৃদ্ধি কৰিছে । আমাৰ লক্ষ্য হৈছে ভৱিষ্যতে আপোনাক আৰু সঘনাই লগ পোৱা । আমি আপোনাৰ আৰু দলৰ সৈতে ফটো উঠি থাকিব বিচাৰো ।”

ট্ৰলাৰক লক্ষ্য কৰি ল’লে প্ৰধানমন্ত্ৰী মোদীয়ে-

ইয়াৰ পিছতে প্ৰধানমন্ত্ৰী মোদীয়ে কয়, “আপোনালোক সকলোৱে সঁচা অৰ্থত এক উল্লেখযোগ্য কাম কৰিছে । ভাৰতত ক্ৰিকেট কেৱল খেল নহয়; ই মানুহৰ জীৱন হৈ পৰিছে । যদি কথাবোৰ ভাল হয় তেন্তে মানুহৰ ভাল লাগে । কিন্তু সামান্যও ইফাল-সিফাল হয় তেন্তে সমগ্ৰ ভাৰত কঁপি যায় । যেতিয়া আপোনালোকে একেৰাহে তিনিখন মেচত পৰাস্ত হৈছিল, তেতিয়া ট্ৰলিং আৰ্মী আপোনালোকৰ পিছত লাগি যায় ।”

প্ৰধানমন্ত্ৰী মোদীক প্ৰেৰণাৰ উৎস আখ্যা মান্ধানাৰ-

তাৰ পিছত স্মৃতি মান্ধানাই কয়, “যেতিয়া আমি ২০১৭ চনত ভাৰতলৈ ট্ৰফী আনিব পৰা নাছিলো, তেতিয়া আমি আপোনালোকক আমাৰ আশাৰ বিষয়ে এটা প্ৰশ্ন কৰিছিলো, আৰু আপোনাৰ উত্তৰটো অতি আশাব্যঞ্জক আছিল । তাৰ পিছত আমি পৰৱৰ্তী ছয়-সাত বছৰ ধৰি বহুত কষ্ট কৰিলোঁ, কিন্তু আমি বহুবাৰ বিফল হৈছিলো । কিন্তু ইয়াক ভাগ্য বুলি কওক যে আমি ভাৰতত প্ৰথম মহিলা ক্ৰিকেট বিশ্বকাপ জয় কৰিছো । আপুনি সদায় সকলোৰে বাবে প্ৰেৰণা হৈ আহিছে । ছোৱালীসকলে প্ৰতিটো ক্ষেত্ৰতে ভাল প্ৰদৰ্শন কৰি আহিছে । সকলোতে ছোৱালীক ভাল কাম কৰা থকা দেখি আমি প্ৰেৰিত হৈছোঁ । আমি সদায় আৰু ভাল কাম কৰিবলৈ আৰু ছোৱালীসকলক প্ৰেৰণা দিবলৈ চেষ্টা কৰিম ।’

লগতে পঢ়ক : আজি ভাৰত-অষ্ট্ৰেলিয়াৰ চতুৰ্থখন টি ২০ মেচ; শৃংখলাত অগ্ৰগতিৰ লক্ষ্য সূৰ্য বাহিনীৰ