মিজোৰামৰ মুখ্যমন্ত্ৰী লালডুহোমাই উল্লেখ কৰে যে মিজোৰামৰ শেষৰটো বাকী থকা জনগোষ্ঠীয় বিদ্ৰোহী গোটটোৱে ২০২৬ চনৰ ৩০ এপ্ৰিল বৃহস্পতিবাৰে আত্মসমৰ্পণ কৰে
মিজোৰাম এতিয়া জাতিগত বিদ্ৰোহৰ পৰা মুক্ত । এই কথা সদৰী কৰিছে খোদ মুখ্যমন্ত্ৰী লালডুহোমাই । এই কথা ঘোষণা কৰি এক বিবৃতিত তেওঁ কয় যে মিজোৰামৰ শেষৰটো বাকী থকা জনগোষ্ঠীয় বিদ্ৰোহী গোটটোৱে বৃহস্পতিবাৰে আত্মসমৰ্পণ কৰে । নিৰাপত্তা বাহিনীৰ সন্মুখত অস্ত্ৰ-শস্ত্ৰ থৈ ৰাজ্যখন বিদ্ৰোহমুক্ত কৰি তোলে তেওঁলোকে ।
জানিব পৰা মতে গোটটো কেইবাবছৰ ধৰি সক্ৰিয় হৈ থকা নাছিল । তথাপিও লালহমিংথাংগা সনাতে নেতৃত্বাধীন হমাৰ পিপলছ কনভেনচন ডেম’ক্ৰেটিক (এইচ পি চি ডি)ৰ এটা ফৈদে সময়ে সময়ে বিচ্ছিন্ন অপৰাধমূলক কাৰ্যকলাপত লিপ্ত হৈছিল ।
মিজোৰামৰ মুখ্যমন্ত্ৰী লালডুহোমাই উল্লেখ কৰে যে মিজোৰামৰ শেষৰটো বাকী থকা জনগোষ্ঠীয় বিদ্ৰোহী গোটটোৱে ২০২৬ চনৰ ৩০ এপ্ৰিল বৃহস্পতিবাৰে আত্মসমৰ্পণ কৰে । সনাতে ফৈদক উত্তৰ-পূব ৰাজ্যখনৰ শেষৰটো বাকী থকা বিদ্ৰোহী গোট হিচাপে গণ্য কৰা হয় ।
ইয়াৰ ভিতৰত এইচ পি চি (ডি)য়ে সংবিধানৰ ষষ্ঠ অনুসূচীৰ অধীনত হমাৰ জনগোষ্ঠীৰ বাবে স্বায়ত্তশাসিত জিলা পৰিষদৰ দাবী জনাইছিল । আইজলৰ সমীপৰ চেছাৱাঙত অনুষ্ঠিত এক অনুষ্ঠানৰ সময়ত গোটটোৰ অন্তৰ্গত ৪৩ জন লোকে আত্মসমৰ্পণ কৰে । এই অনুষ্ঠানৰ নাম ঘৰ ৱাপছি ৰখা হয় । ১৪ এপ্ৰিলত মিজোৰাম চৰকাৰ আৰু এইচ পি চি (ডি)ৰ মাজত শান্তি চুক্তি স্বাক্ষৰিত হয় । যিয়ে কাৰ্যকৰীভাৱে ৰাজ্যখনত বিদ্ৰোহৰ অন্ত পেলাইছে ।
অনুষ্ঠানত ভাষণ দি মিজোৰামৰ মুখ্যমন্ত্ৰীগৰাকীয়ে কয় যে পূৰ্বে মিজোৰামত শান্তিৰ বিষয়ে আলোচনা চৰ্চা হ’লে এইচ পি চি(ডি) বিদ্ৰোহৰ ছাঁ ৰৈ গৈছিল । আমি একমতত উপনীত হ’বলৈ মুকলি হৃদয়েৰে আলোচনাৰ কাষ চাপিলোঁ ৷ আমাৰ গৃহমন্ত্ৰী আৰু তেওঁৰ সহযোগীসকলে যথেষ্ট প্ৰচেষ্টা চলাইছিল । আমি আমাৰ লক্ষ্যত উপনীত হ’লোঁ । কোনো এটা জনগোষ্ঠী নিজৰ মিজো পৰিচয়ৰ ওপৰত নহয় বুলিও তেওঁ ঐক্যৰ বাৰ্তা আগবঢ়ায় ।
লগতে পঢ়ক : মণিপুৰত হিংসাৰ দাবানল, কুকি উগ্ৰপন্থীৰ আক্ৰমণত নিহত দুটি শিশু
