গুৱাহাটী টেষ্টত ভাৰতীয় দলৰ সংগ্ৰাম
দক্ষিণ আফ্ৰিকাৰ বিৰুদ্ধে দুখন মেচৰ টেষ্ট শৃংখলাত পৰাস্ত হোৱাৰ আশংকাত ভুগিছে ভাৰতীয় দল । গুৱাহাটী টেষ্টত বলিঙৰ পিছত বেটিঙতো শোচনীয় প্ৰদৰ্শন আগবঢ়াই ভাৰতীয় দলে । ফলত দক্ষিণ আফ্ৰিকাই মেচখনত নিজৰ স্থান শক্তিশালী কৰিছে ।
প্ৰথম ইনিংছত দক্ষিণ আফ্ৰিকাৰ ৪৮৯ ৰানৰ প্ৰত্যুত্তৰত তৃতীয় দিনটোত ভাৰতৰ প্ৰথম ইনিংছ ২০১ ৰানতে সমাপ্ত হয় । দিনটোৰ খেলৰ শেষলৈকে দক্ষিণ আফ্ৰিকাই দ্বিতীয় ইনিংছত কোনো উইকেট নেহেৰুৱাকৈ ২৬ ৰান সংগ্ৰহ কৰিছে আৰু দলটোৱে ৩১৪ ৰানৰ অগ্ৰগতি লাভ কৰিছে । ষ্টাম্পৰ সময়ত ৰিয়ান ৰিকেলটনে ১৩ ৰানত আৰু এইডেন মাক্ৰামে ১২ ৰানত ক্ৰীজত অপৰাজিত হৈ থাকে ।
ফল’অন নিদিলে দক্ষিণ আফ্ৰিকাই-
ভাৰতৰ কে এল ৰাহুল আৰু যশস্বী জয়ছৱালে ভাল আৰম্ভণি কৰিছিল যদিও এই অংশীদাৰিত্ব ভাগি যোৱাৰ পিছত ভাৰতীয় ইনিংছ দুৰ্বল হৈ পৰে । ইতিমধ্যে দুখন মেচৰ এই শৃংখলাত ভাৰতীয় দল ০-১ ব্যৱধানত পিছ পৰি আছে আৰু এতিয়া ছিৰিজ হেৰুওৱাৰ আশংকাত ভুগিছে । দলটোৰ বেটিং অতি দুৰ্বল আছিল আৰু দলটোৱে ফ’ল’-অনো ৰক্ষা কৰিব নোৱাৰিলে । দলটোৱে ২৮৯ ৰান সংগ্ৰহ কৰিব লাগিছিল যদিও ব্যৰ্থ হয় । কিন্তু দক্ষিণ আফ্ৰিকাৰ অধিনায়ক টেম্বা বাভুমাই ভাৰতক ফল’অন নিদিয়াৰ সিদ্ধান্ত লয় আৰু পুনৰ বেটিং কৰিবলৈ বাছি লয় । এইদৰে দক্ষিণ আফ্ৰিকাই প্ৰথম ইনিংছত ২৮৮ ৰানত অগ্ৰগতি লাভ কৰে ।
প্ৰথম ইনিংছত ভাৰতৰ আটাইকইটা উইকেটৰ পতনৰ পিছত মাৰ্কৰাম আৰু ৰিকেলটনে ভাল আৰম্ভণি কৰিছে । ভাৰতীয় বলাৰসকলে এতিয়ালৈকে কোনো সফলতা লাভ কৰা নাই । এই পৰিস্থিতিত ভাৰতে এতিয়া অন্ততঃ মেচখন ড্ৰ কৰিবলৈ চাব কিন্তু শৃংখলা ৰক্ষা কৰিবলৈ জয়েই হৈছে দলটোৰ একমাত্ৰ বিকল্প ।
ভাৰতৰ ইনিংছ-
ভাৰতৰ হৈ যশস্বী জয়ছোৱালে সৰ্বাধিক ৫৮ ৰান সংগ্ৰহ কৰাৰ বিপৰীতে সুন্দৰে ৪৮ ৰানত ইনিংছ খেলে । ইয়াৰ বাহিৰেও কোনো বেটছমেনে ক্ৰীজত অধিক সময় তিষ্ঠি থকাত ব্যৰ্থ হয় । কে এল ৰাহুল ২২ ৰান, ছাই সুদৰ্শন ১৫ ৰান, অধিনায়ক ঋষভ পন্ট ৭ ৰান, ৰবীন্দ্ৰ জাডেজা ৬ ৰান, নীতিশ ৰেড্ডী ১০ ৰান সংগ্ৰহ কৰি আইট হয় । ৯৫ ৰানত এটা উইকেটৰ পিছত ১২২ ৰানত উপনীত হোৱালৈকে ভাৰতে ৭টা উইকেটত হেৰুৱাই ।
ধ্ৰুৱে জুৰেল চূড়ান্ত ব্যৰ্থ হয় । তেওঁ কোনো ৰান সংগ্ৰহ নকাৰাকৈ পেভিলিয়নমুখী হয় । ইয়াৰ পিছত ৱাশ্বিংটন সুন্দৰ আৰু কুলদীপ যাদৱে ৭২ ৰাণৰ অংশীদাৰিত্ব গঢ়ে । সুন্দৰ আউট হোৱাৰ পিছত ২০১ ৰানতে দলটোৱে আটাইকেইটা উইকেট হেৰুৱাই ইনিংছ সামৰিবলৈ বাধ্য হয় । ১৯ ৰান সংগ্ৰহ কৰাৰ পিছত কুলদীপ আউট হয় আৰু পাঁচ ৰান সংগ্ৰহ কৰি বামৰাহে নিজৰ উইকেট বিসৰ্জন দিয়ে । দক্ষিণ আফ্ৰিকাৰ হৈ জেন্সেনে ৬টা উইকেট দখল কৰাৰ বিপৰীতে চাইমন হাৰ্মাৰে তিনিটা উইকেট দখল কৰে । কেশৱ মহাৰাজে এটা উইকেট দখল কৰে ।
উইকেট পতন : ১-৬৫ (কে এল ৰাহুল, ২১.৩ অভাৰ), ২-৯৫ (যশস্বী জয়ছোৱাল, ৩২.২ অভাৰ), ৩-৯৬ (ছাই সুদৰ্শন, ৩৪.৩ অভাৰ), ৪-১০২ (ধ্ৰুৱ জুৰেল, ৩৫.৩ অভাৰ), ৫-১০৫ (ঋষভ পন্ট, ৩৭.২ অভাৰ), ৬-১১৯ (নীতিশ কুমাৰ ৰেড্ডী, ৪১.৪ অভাৰ), ৭-১২২ (ৰবীন্দ্ৰ জাডেজা, ৪৩.৩ অভাৰ),৮-১৯৪ (ৱাশ্বিংটন সুন্দৰ, ৭৮.১ অভাৰ), ৯-১৯৪ (কুলদীপ যাদৱ, ৮১.৫ অভাৰ), ১০-২০১ (যশপ্ৰীত বুমৰাহ, ৮৩.৫ অভাৰ)।
লগতে পঢ়ক :দক্ষিণ আফ্ৰিকাৰ বিৰুদ্ধে এদিনীয়া শৃংখলাৰ বাবে ঘোষণা ভাৰতীয় দল
