২০২৬ বিশ্বকাপৰ আটাইতকৈ ডাঙৰ ড্ৰামা! আমেৰিকাৰ লজ্জাজনক পৰাজয়ৰ পিছত ইৰানে ক’লে- মোৰ সৈতে নাছা!
ফুটবল বিশ্বকাপৰ মঞ্চত এতিয়া কেৱল খেলৰে নহয়, ছচিয়েল মিডিয়াৰ যুদ্ধও তুংগত উঠিছে! ২০২৬ চনৰ ফিফা বিশ্বকাপৰ ৰাউণ্ড অব ১৬-ত আয়োজক দেশ আমেৰিকা যুক্তৰাষ্ট্ৰৰ ৪-১ ব্যৱধানত শোচনীয় পৰাজয় ঘটিছে । ছিয়াটল ষ্টেডিয়ামত বেলজিয়ামে আমেৰিকাক পৰাস্ত কৰি কোৱাৰ্টাৰ ফাইনেলত প্ৰৱেশ কৰাৰ পিছতেই আৰম্ভ হৈছে এক ভয়ংকৰ ছচিয়েল মিডিয়া যুদ্ধ । এই যুদ্ধত এতিয়া জঁপিয়াই পৰিছে ইৰানো!
“মোৰ সৈতে নাছা!”- আমেৰিকাক উপলুঙা ইৰানৰ
আমেৰিকাৰ বিদায়ৰ ঠিক পিছতেই ইৰানৰ ৰাষ্ট্ৰীয় ফুটবল দলৰ অফিচিয়েল ইনষ্টাগ্ৰাম একাউণ্টৰ পৰা এটা ষ্ট’ৰী শ্বেয়াৰ কৰা হয়, যিয়ে মুহূৰ্তৰ ভিতৰতে খলকনি তুলিছে । ইৰানে এটা স্ক্ৰীণশ্বট শ্বেয়াৰ কৰিছে য’ত এফালে বেলজিয়ামৰ হাতত আমেৰিকাৰ ৪-১ ব্যৱধানৰ পৰাজয় আৰু আনফালে গ্ৰুপ পৰ্যায়ত ইৰানে বেলজিয়ামক ০-০ গ’লত ড্ৰ’ কৰা খেলখন দেখুওৱা হৈছে ।
কেপচনত তেওঁলোকে লিখিছে— “Dance with me!” (মোৰ সৈতে নাছা!) । ফুটবল অনুৰাগীসকলে ইয়াক আমেৰিকাৰ বিৰুদ্ধে ইৰানৰ এক তীব্ৰ ৰাজনৈতিক আৰু ক্ৰীড়াভিত্তিক কটাক্ষ বুলি অভিহিত কৰিছে ।
বেলজিয়ামৰ কটাক্ষ: “ইয়াক চকাৰ নহয়, ফুটবল বুলি কোৱা হয়!”
কেৱল ইৰানেই নহয়, খেল জিকাৰ পিছত বেলজিয়াম দলেও আমেৰিকাক ট্ৰোল কৰাত কোনো ক্ৰটি কৰা নাই । বেলজিয়ান ৰেড ডেভিলছে ইনষ্টাগ্ৰামত লিখিলে- “Overturn this” (এইবাৰ ইয়াক ওলোটাই দেখুওৱা) ।
ইমানতে ক্ষান্ত নহৈ তেওঁলোকে এক্স যোগে আমেৰিকাত দীৰ্ঘদিন ধৰি চলি থকা ‘ফুটবল’ বনাম ‘চকাৰ’ বিতৰ্ককো তীব্ৰ খোঁচা মাৰে । বেলজিয়ামে লিখিছে:
“It’s called s̶o̶c̶c̶e̶r̶ 𝐅𝐎𝐎𝐓B𝐀𝐋𝐋”
ভংগ হ’ল আয়োজকৰ স্বপ্ন!
এই পৰাজয়ৰ লগে লগে ২০২৬ বিশ্বকাপৰ তিনিখন সহ-আয়োজক দেশৰ ভিতৰত অন্তিমখন দেশ হিচাপে আমেৰিকা যুক্তৰাষ্ট্ৰৰ যাত্ৰা সমাপ্ত হ’ল । ইয়াৰ পূৰ্বে কানাডা আৰু মেক্সিকোও প্ৰতিযোগিতাৰ পৰা বিদায় মাগিছিল ।
অহা ১০ জুলাইত অনুষ্ঠিত হ’ব লগা হাই-ভল্টেজ কোৱাৰ্টাৰ ফাইনেলত বেলজিয়াম মুখামুখি হ’ব শক্তিশালী স্পেইনৰ, যিয়ে ইতিপূৰ্বে পৰ্তুগালক বিদায় দিছে ।
লগতে পঢ়ক : বেলজিয়ামৰ সন্মুখত দৰ্প-চূৰ্ণ অহংকাৰী আমেৰিকাৰ, ঘৰুৱা দৰ্শকৰ সন্মুখতে নিৰ্লজ্জ পৰাজয়
