শেহতীয়াকৈ মহাকাশ ক্ষেত্ৰত ইতিহাস ৰচনা কৰিছে দুগৰাকীকৈ ভাৰতীয় বিজ্ঞানীয়ে । তেওঁলোকে কৰা আৱিস্কাৰে বিশ্বব্ৰহ্মাণ্ডৰ সমগ্ৰ কাহিনী সলনি কৰিব পাৰে ।
মহাকাশ ক্ষেত্ৰত ইতিহাস ৰচনা কৰিলে দুই ভাৰতীয় বিজ্ঞানীয়ে । যেতিয়া বিশ্বব্ৰহ্মাণ্ডৰ বয়স মাত্ৰ ১.৫ বিলিয়ন বছৰ আছিল (অৰ্থাৎ ১২ বিলিয়ন বছৰ পূৰ্বে), তেতিয়া আমাৰ নিজৰ আকাশীগংগা দৰেই এক সুন্দৰ, সম্পূৰ্ণ গঠিত সৰ্পিল তাৰকাৰাজ্যৰ অস্তিত্ব আছিল । বিশ্বৰ আটাইতকৈ শক্তিশালী জেমছ ৱেব স্পেচ টেলিস্কোপ (JWST)ৰ সহায়ত কৰা এই আৱিষ্কাৰ নৱেম্বৰ মাহত ইউৰোপৰ বিখ্যাত আলোচনী Astronomy & Astrophysics ত প্ৰকাশ পাইছে ।
পূৰ্বতে ভবা হৈছিল– আৰম্ভণিৰ বিশ্বব্ৰহ্মাণ্ডত কেৱল সৰু আৰু অসংগঠিত তাৰকাৰাজ্যহে আছিল
বিজ্ঞানীসকলে পূৰ্বৰে পৰাই বিশ্বাস কৰিছিল যে বিগ বেঙৰ কেইবা কোটি বছৰৰ ভিতৰত মাত্ৰ সৰু, অনিয়মিত আৰু জটিল তাৰকাৰাজ্যহে গঠন হৈছিল । বৃহৎ, সুন্দৰ সৰ্পিল তাৰকাৰাজ্য গঠন হ’বলৈ কোটি কোটি বছৰ সময় লাগিছিল । কিন্তু ভাৰতীয় বিজ্ঞানী ৰাশি জৈন আৰু অধ্যাপক যোগেশ ৱাদাডেকাৰে আৱিষ্কাৰ কৰা তাৰকাৰাজ্যই এই সকলো ধাৰণা সলনি কৰি দিয়ে ।
তাৰকাৰাজ্যৰ নাম ‘আলকনন্দা’-
ভাৰতীয় বিজ্ঞানীসকলে হিমালয়ৰ পবিত্ৰ নদীৰ নামেৰে এই তাৰকাৰাজ্যৰ নাম অলকনন্দা ৰাখিছে ।
আকাৰ : প্ৰায় ৩০,০০০ আলোকবৰ্ষ বহল (আমাৰ আকাশীগংগাৰ আকাৰৰ এক তৃতীয়াংশ)।
তৰাৰ সংখ্যা : ১০০০ কোটি (১০ বিলিয়ন সূৰ্য্যৰ দৰে তৰা!)
নতুন তৰা গঠনৰ গতি : আমাৰ আকাশীগংগাতকৈ ২০-৩০ গুণ অধিক দ্ৰুত!
বৈশিষ্ট্য : দুটা ধুনীয়া সৰ্পিল বাহু, মাজত এটা উজ্জ্বল অংশ আৰু বাহুত এটা তৰাৰ থুপ – ঠিক আজিৰ তাৰকাৰাজ্যৰ দৰেই ।
কেনেকৈ আৱিস্কাৰ হ’ল এই তাৰকাৰাজ্যৰ ?
বিজ্ঞানী ৰাশি জৈনে জেমছ ৱেবৰ তথ্যত ৭০ হাজাৰ বস্তু চাই আছিল । হঠাতে তেওঁ এটা ছবি দেখা পায়— স্ফটিক স্বচ্ছ, ধুনীয়া সৰ্পিল তাৰকাৰাজ্য । ৰাশিয়ে কয়, “মই চিঞৰি উঠিলো । ৭০ হাজাৰৰ ভিতৰত মাত্ৰ এটাই আছিল যি ইমান নিখুঁত সৰ্পিল ।”
যেতিয়া তেওঁ নিজৰ গুৰু অধ্যাপক যোগেশ ৱাদাডেকাৰক দেখুৱাইছিল, তেতিয়া তেওঁ প্ৰথমতে বিশ্বাস কৰিব পৰা নাছিল । অধ্যাপক ৱাদাডেকাৰে সেয়া অসম্ভৱ যেন লাগিছিল বুলি কয় । ইমান ডাঙৰ আৰু সুন্দৰ তাৰকাৰাজ্য ইমান সোনকালে কেনেকৈ গঠন হ’ল ? মাত্ৰ কেই কোটি বছৰত ১০০ বিলিয়ন তৰা আৰু সৰ্পিল বাহু সৃষ্টি কৰা—সেয়া মহাজাগতিকভাৱে ৰকেটৰ গতি ।
এতিয়ালৈকে হোৱা আটাইতকৈ ডাঙৰ আৱিষ্কাৰ-
বৰ্তমান বিশ্বব্ৰহ্মাণ্ডৰ বয়স ১৩.৮ বিলিয়ন বছৰ । এই তাৰকাৰাজ্যখন সেই সময়ৰ পৰাই দেখা দিছে যেতিয়া বিশ্বব্ৰহ্মাণ্ডখনৰ বয়স মাত্ৰ ১০% আছিল । পূৰ্বতে আৱিষ্কাৰ কৰা পুৰণি তাৰকাৰাজ্যবোৰ হয় সৰু বা ৰঙা দাগৰ দৰে আছিল । আলাকনন্দা হৈছে প্ৰথম তাৰকাৰাজ্য যিয়ে প্ৰমাণ কৰে যে পুৰণি বিশ্বব্ৰহ্মাণ্ডখন আমি ভবাৰ দৰে সৰু নাছিল । তাতো বৃহৎ আৰু ধুনীয়া গঠন গঢ় লৈ উঠিছিল ।
ভাৰতৰ বাবে গৌৰৱ-
এই আৱিষ্কাৰ সম্পূৰ্ণ ভাৰতীয় বিজ্ঞানীয়ে কৰিছে । ১০ বিলিয়ন ডলাৰৰ বিশ্বৰ সৰ্ববৃহৎ টেলিস্কোপৰ জৰিয়তে ভাৰতে এনে এক কৃতিত্ব অৰ্জন কৰিছে যিয়ে বিশ্বব্ৰহ্মাণ্ডৰ সমগ্ৰ কাহিনী সলনি কৰিব পাৰে । ৰাশি জৈনে কয় যে ইয়াৰ পৰা বুজা যায় যে বিশ্বব্ৰহ্মাণ্ডখন বহু আগতেই পৰিপক্ক হৈছিল । আমাৰ বৰ্তমান আৰু ভৱিষ্যতৰ চাবিকাঠি অতীতত নিহিত হৈ আছে ।
লগতে পঢ়ক : ভাৰতৰ নতুন ভূমিকম্পৰ মানচিত্ৰত ভয়ংকৰ বিপদৰ ইংগিত !
